هذا الموضوع انطرح من وقت .. وأنا شاركت فيه .. ونظرتي بعدها ما اتغيرت ..
فاسمحوا لي إني انسخ نفس الكلام اللي كتبته قبل .. كسلانة وما فيني أكتب مرة ثانية &nbsp;<img src="http://oasis.bindubai.com/emoticons/tounge.gif" border="0" valign="absmiddle" alt=':p'>

" أنا شخصيا أأيد سواقة البنت لكن بشروط ..
&nbsp;ولازم تلتزم البنت فيها وتكون مقتنعة تماما ..

أن يكون تعلمها للسواقة عن حاجة فعلية ..
إنها تلتزم بحجابها وأدبها في الشارع ومع باقي السواقين ..
ما ترفع صوت المسجل وتسمع الشارع الثاني ذوقها في الأغاني ..
إنها تطلع حسب حاجتها الفعلية .. وموب كل شوي وهي في الشارع ..
ما تعطي أي شخص مجال للتحرش ..
تحاول إنها تنهي احتياجاتها بسرعة ولا تبقى حتى آخر الليل خارج البيت ..

وأنا أقول إن البنت لما تسوق بنفسها أفضل من ركوبها التاكسي لوحدها ..
لأنها ممكن تكون تشتغل .. وصعب إن أحد يروح ويرد معاها كل يوم
علشان التاكسي ..
وفي بعض الناس عادي عندهم البنت تركب ويا الدريول وكأنه أخوها
موب إنسان غريب عنها .. ولا يطلع معاها محرم .. وهذا واضح جدا
عند مدارس البنات وجامعة الامارات ويمكن التقنية لأني موب من التقنية ..
يعني الأفضل تسوق أو تطلع مع الناس الغرب ؟؟؟؟ ..

والسواقة موب حكر للرياييل بس .. لأن في هالزمان لا الأخوان ولا
القرايب ينفعون .. صرنا من أهل الآخرة .. نفسي نفسي ..
وفعلا الشباب يخلون خواتهم يطلعون بالتكاسي أو مع الدريول لأنه
موب فاضي يوصلهم .. متواعد مع ربعه يسهرون .. أو تعبان .. أو أو
والحجج ما تخلص .. وهذي تجربة شخصيا عشتها وأشوفها في معظم
البيوت .. وأنا أفضل إني أسوق سيارتي وأخلص شغلي ولا أركب مع
سايق تاكسي ما أضمن هو شو بنفسه ..
وبعدين الشرع ما حرم السواقة على البنت لكن لازم تلتزم الأدب والاحترام ..

وأنا لي ثلاث سنين ونص أسوق والحمد لله .. ما صار معاي أي موقف
سخيف مع أي أحد .. ولا أحد في الشارع يقدر يرفع عينه علي .. حتى
لما صارت لي بعض الحوادث المرورية .. مرت الأمور بسلام واحترام
يعني وين الخطأ أو العيب في سواقة البنت ؟؟؟؟

أما البنت اللي تسوي حركات بايخة مع الشباب .. هذي تقدر تسويها حتى
لو كانت راكبة تاكسي أو مع الدريول .. وفي النهاية هي الخسرانة ..

وأعتذر عالاطالة .. "


هذا هو ردي قبل وألحين <img src="http://oasis.bindubai.com/emoticons/xmas.gif" border="0" valign="absmiddle" alt=':max:'> &nbsp; .. والسموحة منكم