<font color='#736AFF'><img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
عنبوه هاييل اللي يسوون لأغاني مال الفيديو كليب مايستحون على ويوههم ... بتخبركم شو هالمصاخه اللي مستويه احين ، الحرمه ماتروم تشغل التلفزيون الا وظهرو يتناقزون جدامها تقول سبلان واللباس عاد شو بقول عنه لا يحترم دين ولا مجتمع وتراه السالفه كلها " خربطه " يعني لو تسمع صوت المطرب من غير موسيقى وربشه ورقص بتلوع جبدك وبتقول هذا صوت " كنديشن مب آدمي " .
ابوي عدنا عيال بعدهم صغار شو هالسوالف اللي نطالعها هالايام والمصيبه ان الاغاني ماتخلص من تعبر وحده يات الثانيه وهاذيك هيه ألين مايخلص البث ... عاد جان تبون تضحكون طالعوا شو حاطين في الاغاني سيايير خربانه واللي يغني وهو في حجرته واللي يتسبح وحريم متخبلات اتقول الوحده زاختنها الكهرباء وسيايير جدام وملابس عوذبالله منها ماتعرف الحرمه من الريال .
لاحول ولا قوة الا بالله ، شو بعد ما استوى ، بنشدكم كل شيء وسووه الجماعه ماقصروا حق الخراب والمضرة محد مثلهم أما الشيء اللي فيه فايده مايبونه .... <img src="http://oasis.bindubai.com/emoticons/tounge.gif" border="0" valign="absmiddle" alt=':p'>
تحياتي
ولد الحكومة</font>
رد مع اقتباس
مواقع النشر (المفضلة)