<span style='color:Blue'>...........................</span>

اففف ...حياه ممله &#33;&#33; كل يوم نفس الروتين ارقد اخر الليل واحيانا الفجر &#33;&#33; بعد ما امل من السهر على النت ..وانش ثاني يوم الساعه 12 ونص الظهر .... ملل ... حتى يوم انش مابا اقوم من الشبريه احس كل جسمي متكسر ....لين ما تزاعج عليه الوالد ه وتقول لي : عيب البنيه ترقد لين القايله .....

وعاده غصب عني اير ّ عمري يــــرّ واقوم من الشبريه .....

مافي شي يديد في حياتي ....اول،، ايام الدراسه كنت اقول متى افتك واتيي الاجازه الصيفيه ...والحينه هذا اهوه الصيف بيخلص وانا ماستفدت من الاجازه غير الملل وعوار الراس ...&#33;&#33;&#33;&#33;

ابويه جان ايقول يوم بتنجحين بشتريلج لاب توب يديد .... ، استانست قلت بفتك من صدعة اخواني الصغار كل واحد منهم يبا يلعب على الكمبيوتر ....وياريت ايعرفوله ، بس فالحين ايدشون ( الوورد ) و يلعبون بالخلفيات ....

نجحت لكن اللاب توب ما وصل &#33;&#33;&#33; ، احاول احسس ابويه بالشي هذا ، اقوله ان اخواني دوم يحشروني على الكمبيوتر ...يرد عليــــّه : انتي اختهم العوده ولازم تستحملينهم &#33;&#33;

عوده &#33;&#33; زين توه عمري 18 سنه لكن والله اني احس عمري فوق الثمانين من الهموم اللي فيني ....

أيلس ويا امي واقول لها : اميه انا بنتج صح ؟ ، ترد ّ عليه وعيونها معلقه على التلفزيون تطالع مسلسل مكسيكي : لالا بنت اليــيــــران انتي....

احاول استظرف عمري واحضنها واقول لها : اميه فديتج ابا حنانج....

لكن ماشي فايده . تهزبني واتقول لي : انتي هب صغيره ....كبرتي على هالسوالف .......

اسير اشوف ابويه ...احاول ارمسه ....يقول لي انه مشغول ، اخبره اني احس بملل ، يقولي : رمسي ربيعاتج ع الموبايل &#33;&#33;

زين شله ما ترمسني انته ؟؟ ليش ما تعطي نفسك الفرصه وتسمعني ؟؟؟ مب انته ابويه وانا بنتك ؟؟؟

ودوم على هالحاله .... حياتي انا صارت شرات المسلسلات المكسيكيه ..احداث مكرره وممطوطه ...

عقب الساعه 11 في الليل ايلس ع النت لين الفجر ...ويوم اتعب اسير حجرتي وايلس هناك بروحي ..اصيح من القهر اللي فيه .... وانام يوم اتعب ...... وانش ثاني يوم الظهر ....على نفس الموال

<span style='color:Blue'>............................... .......</span>

هذه مقتطفات من مذكرات فتاه مراهقه كـــــما تخيلها أخوكم .<span style='color:Green'>الحنش</span>

ومنكم السموحه .....