دخلت حجرتي الي صارت في عيوني مثل القبر..مديت ايدي وبندت الليت ..االحجره مظلمه وظلامها غريب...مشيت وبكل شجاعه ... آآآآخ ريلي...دعمت الشبريه..صدق اني شلقى!!! مشيت ويلست على طرف الشبريه اشوف الستاره الي الظلام اخفي ملامحها لمستها وغمضت اعيوني فريت النظاره..والافكار مالها حدود افكر في حياتي وكل عزيز يمكن في يوم أذيت مشاعره ...افكر في هذا العالم القاسي واقول ليش محد يجاوبني وعلامات الاستفهام من كل صوب محاصرتني...هيه هيه يالهدنيا...مراهقه او حتى ياهل من يهتم بتفكيرها او حتى مصيرها ... اشوف الكل يقول هذا عليج ...عمري ماسمعت هذا لج؟...اناما اقصد البيزات لا والله عمرها السعاده ما بتي بالبيزات!!!! أنا أقصد رأأيي ليش يعني عشاني بنت والبنت مالها رأي ...لازم انكسر لازم انجرح ليش أرحموني أرحموا مراهقتي..انا بشر لي وجود بينكم لاتضيعون شخصيتي وطريقه تفكيري...كفايه الي مضى وكفايه الي خسرته من سعاده....صخيت واسترخيت شوي لين سمته وبصوته الشجي كان الأذان أذن العشا وانا بعدني في محلي قاعده ... تميت شوي عقب سرت اتمسح عشان اصلي ....مشيت وبكل سرعه تناولتها السياده وصليت ودعيته سبحانه ومن كل قلبي ييسر لي امري ويغفر لي ويرحمني...هذا كله في الظلام ...انا ما انكر اني كنت زايغه لكن استجمعت قواي ورجعت محلي وقعدت افكر وافكر وافكر !!!! لين سمعتها تقول وتزقرني يالله تعالي جان تبين عشا ؟؟ قلت :هيه توني راده من الهياته وميته يوع حتى لو مب يوعانه باكل كفايه عليه هالويوه الحلوه فديتكم انا انتو رأس مالي بصراحه!!! قلت يارب تديم علينا النعمه قولوا آمين ...كالعاده لبسوني ومحد رد...يمكن قالوها في قلوبهم ما ابى أظلمهم؟؟؟؟
ابويه تراني طلبتك لا تردني بغيت بيزات حق المصمم انزين...سكت زين ما قال تراج ما وراج الاالخسر ....قال انشاء الله بنتييه ...قلت الله يخليك لي ...
<span style='color:Red'>هاذي حياتي مشاهد من حياه مراهقه !</span><img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'> <img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'>
رد مع اقتباس
مواقع النشر (المفضلة)