تدرون اخواني انا عايشت حكايتين للزواج من أجنبيات و عرفت انه زواج فاشل حتى لو استمر من غير انفصال ...

اول حكاية لواحد من معارفنا تزوج أمريكية و استمرت معاه و تعودت مع الوقت على حياة مجتمعنا ..و كان ثمرة هالزواج خمس عيال ... تدرون شو النهاية .



شردت الامريكية بالعيال ..... و الادهى و الأمر انها   غيرت أساميهم و عمدتهم في الكنيسة ........ و لين اليوم ما يدري عن  عياله شي ..... و أصيب المسكين بانهيار عصبي وتعب صحياً

أما الحكاية الثانية لواحد قريب و عايشت حياتهم عن قرب .... تدرون هالاجنبية في حياتها اليومية فعلاً ما تعرف معنى النظافة و الطهارة .... وكانت يوم تفكر تتسبح يكون يوم عيد والله ....وهو لبى كل طلباتها من بيت مستقل مع انه مب قادر مادياً و طلباتها كانت مثلها مثل أي زوجة لكنها ما كانت تتحمل تأجيل أي طلب  و كانت رافضة دخول الاسلام لأنها مب مقتنعة ... وكانت ما تطبخله غير النقانق و البطاطا المقلية .... كان ثمرة هالزواج ولد .... تدرون شو سوت .....


سارت تزور أهلها ولين الحين مب طايعة ترد ..... ودخلت ولدها حضانة وعمره ما يتعدى السنتين عشان يتعلم اللغة الانجليزية ... يعني بعدته نهائي عن الدين و العادات العربية ....... والريال حالته حالة ... ومستغرب من أعذارها

راحت تزور أهلها و لين اليوم ما تبي ترد للريال .... للعلم هو ما تزوجها الا بعد قصة حب عنيفة و كانوا ظاهريا عايشين في سعادة ‍‍‍‍‍‍‍‍‍‍
و هالقصص واقعية 100%  

اخواني .... الريال يوم ياخذ بنت بلاده يكون هدفه الاستقرار و تفكيره يكون لمستقبل عياله و تربيتهم ....غير انه بيحد من ظاهرة العنوسة المتفشية هالايام ..

أما اللي يفكر ياخذ أجنبية ما أظن يكون الدافع الا هوى في النفس و تكون النظرة محدودة بالناحية الجمالية و التحضر المصطنع و ما أظن في عاقل يفكر بأجنبية و يترك زهرات بلاده يذبلون من غير زواج ...ترى الاجنبية يوم تدخل مشروع الزواج ما تحسبها الا كمغامرة و حكاية غريبة بتعيشها و ما تكون واضعة في اعتبارها مسؤلية نجاح الزواج .... و الانفصال أمر سهل عليها و تنفذه فجأة بدون سابق انذار .......

هالموضوع مهم واااااااايد ....... لأنه انتشر في مجتمعنا و له عواقب وخيمة على مجتمعنا ........ من تشتيت للأطفال بين ثقافتين و ديانتين ... و من عنوسة لبنات بلادنا ... ومن تغيير لنظرة الناس و تحررهم بصورة سطحية و سيئة .... غير تحلل الاخلاق تدريجياً.......