صحيح اختي <span style='color:Maroon'>أسماء</span>....
هالحالات مويوده في المجتمع ...يعني فيه متزوجين يتعرفوا على بنيات وعقب يخبرها انه متزوج ...بس زوجته غير ...ويحاول يقنعها انها اهيه غير ...اهيه حبيبته ...وفي نظره فيه فرق بين الزوجه والحبيبه ...
بس بعد ودّي مانتجاهل جانب في هالنوع من الحالات ...والحانب هذا: انه في بعض البنيات اللي مايشكل لهن فرق انها تتعرف على شخص متزوج وعنده عيال ...لا وترحب بالشي هذا ..وتكون على قناعه تامه بانه ماراح يرتبط فيها في يوم ....وهالفئه من البنات تحب تقيم علاقه عاطفيه مع رجل متزوج ..تتحجج بانه اكثر خبره بالتعامل مع النساء ...وانه ناضج عاطفياً......
وتظل معاه و ( ترابعه ) بالمعنى الحرفي للكلمه ...يعني تكون حبيبته وكلام حلو وفديتج وغناتي ...وهدايا طبعاً...والبعض منهن تشتري هدايا حق اولاد ربيعها هالريال المتزوج !!!!!وتسير الاستوديو وتتصور ويا عياله اليهال يحليلهم ...وتسير وياه يوم يشتريلهم ملابس ...على ذوقها..واهيه ماتهتم ..طال ما ( حبيبها ) وياها ...ومامقصر في حق عاطفتها .....
صح السالفه غريبه لكن مويوده.......
وعلى الجانب الاخر نلقى البنيه اللي يحليلها تخلص وتحب واخرتها تعرف الحقيقه انه هاللي حبته واخلصت له ..طلع واحد ماشاالله متزوج ...وشو بعد ..وعنده عيال ......وتعيش يحليلها بحسرتها وتروح مشاعرها ويا الريح ...ويمكن تتاثر حياتها بالشي هذا ...ومابكون مبالغ لو قلت انها بتكره جنس الرياييل بسبة ( المقلب ) اللي استوى فيها .....
تسلمي اختي <span style='color:Maroon'>أسماء</span>....على موضوعج الحلو
واتمنالج التوفيق ....ومنج السموحه
اخوج
<span style='color:Green'>الحنش</span>
رد مع اقتباس
مواقع النشر (المفضلة)