الصراحة جميل انكم اتناقشون مواضيع، الواحد ما يعرف شو الصح منه او الغلط..  

واكيد الاهل ما بيقتنعون بسهولة بهذا الشي.. لانهم بيقولون شو يلعب ببنتنا وعقب ما يشبع بيقول ما اباها... هذا هو كلامهم.. وصعب انه نغيره...
الصراحه عندنا.. حتى لو خطبها وقال ابا اشوفا او اشوف صورتا، بيقولون لا ماشي لين عقب العرس وياله ياله لو رضوا عقب الملجه بعد..  
نحن نعيش في مجتمع نظرتم وحده لكل شي... هذا الشي نحن نباه، بس مستحيل اهلنا يتقبلونه..وبيقولون نحن نعرف مصلحتكم..
ولو خلونا نشوف بعض.. بيكون من المستحيل انه نتكلم ويا بعض غير كلمتين.. وكل هذا متى.. أكيد في وقت الملجه..

والصراحه انا عني،  مستحيل اتقبل انسان انا ما اعرف شي عنه.. على الاقل قبل ليشاركني حياتي.. اعرف منو هذا..؟.  وكيف بيتعامل مع الامور ويايه..

بس ماننسا انه في ناس نفوسهم ضعيفة يعني بيستغلون هذا الشي فقط للتسليه..