بصراحه هذا الموضوع يحتاج الى آلاف النقاشات لان هذه المشكله مشكله تهدد المجتمع كله...لكن هل تعتقدون الحل بيكون فى تعارف البنات على الشباب ؟؟؟شو يضمن مايكون اخينا يتسلا او حتى يغرر بهذى البنت ويقضى على مستقبلها والحوادث تشهدوبدال ما تحصل هالمسكينه على زوج تصير ضحيه وتمشى فى طريق الغلط؟؟؟لا تقولون لى اسلوب التعارف لانه مش مقياس او تربيه البنت لان البنت لما تحب يمكن ان ينضحك عليها بسهوله خصوصا ان بعض الشباب حرييفه فى هذا الموضوع...وبعدين وايدين الى تزوجو عن حب وغى النهايه فشل زواجهم ...اصلا انا فى رأى الزواج مثل البطيخه والوحده ما تعرف الريال الا لما تعاشره لان الريال دئما يلبس قناع الحمل الوديع وما تقدر الوحده تشوف حقيقه الانسان الى جدامها الا لما تكون معاه فى بيت واحد...انا اشوف ان المشكله من الشباب نفسهم...وما فى وحده ممكن تسعى انها تشيل لقب مطلقه الا بعد ما تشوف الوييل ...قولوا لى كم شاب متزوج يهتم فى بيته وبزوجته تراه يتزوج وبعد شهر العسل نلقاه مطيح فى السناتر يغازل ولما حد يسأله عن الزواج يقول اسكتوا انا تورطت ...ويقعد يتعرف على بنات الناس ولما تسأله وحده انته ليش تتعرف يقولها انا مش مرتاح مع زوجتى بذمتكم مش هذه حجه البليد....اصلا شبابنا ما يقدرون الحياه الزوجيه وتفكيرهم فى الحرمه علشان الجنس وبس ...ولا يفهمون ان هذه الى معاهم انسانه لازم يحافض على مشاعرها ..اذا كنا نبغى نحل المشكله لازم نغير هذا المفهوم ونغير نظره الشاب للبنت ...وبعدين فى وايد شباب على قد ما صاعوا صاروا خلاص ما يفكرون فى الزواج الانهم يفكرون ان كل وحده صايعه ولها سوابق...وبعدين ليش يتزوج مهو الى يبغيه متوفر وبدون مسؤليه او مصاريف صدقونى الوحده منا تعنس احسن ولا تعيش مع واحد ما يفكر الا فى راحته .......واسمحولى على الاطاله.