آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 17

الموضوع: مخططاتكم ورحلاتكم في 2012

  1. #1
    مشرف واحات
    مشرف واحات الإبداع التقني
    الصورة الرمزية الاسطوري
    تاريخ التسجيل
    Oct 2003
    المشاركات
    2,414
    مزاجي
    Cool
    قوة التمثيل
    200

    مخططاتكم ورحلاتكم في 2012

    السلام عليكم ..

    طبعا مثل ما انتوا عارفين ان يوم الاحد الياي إجازة في القطاع العام (الحكومي) والقطاع الخاص يعني الويكند صار 3 أيام للي عندهم بالعادة إجازة يومين ونظامهم مب بالشفتات بجانب أن في أعضاء كل ويكند يكون عندهم طلعه ترفيهيه أو رحله أو كشته خفيفه أو تخييم مثلا الخ وغيره في موسم الشتا بالتحديد سواء كانت مع العائلة أو مع الأصدقاء أو مع جهة العمل مثلا وغيره

    فحبيت من خلال هالموضوع نشوف خطط الأعضاء والوجهات، الأماكن اللي بتقضون فيها إجازاتكم ولو صار أن تعرضون لنا بعض الصور بيكون شي جميل عشان ناخذ فكره ونستفيد من تجارب بعض لأن عندنا في البلاد في وايد أماكن حلوه ولكن مب الكل يعرف عنها فحلو أن نتعرف على المعالم الموجوده (يعني نسوي ماركتنغ للأماكن اللي نحبها) ونشجع على بعض على السياحة الداخلية نوعا ما

    عن نفسي تأخرت في التخطيط لإجازة رأس السنة وللحين مادري شو بيكون البرنامج بس إحتمال الخميس طلعة عاديه ويه الشباب والجمعه طلعة ويه العائله للبر ويمكن السبت أروح أبات في بوظبي منها تغيير جو منها أشوف يدتي بس للحين مب أكيد وعقب بخبركم عن الأسابيع اليايه

    وانتوا؟


    الاســـطـــوري
    أخوكم
    .
    ما طار طير وإرتفع إلا كما طار وقع
    .

  2. #2
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: مخططاتكم ورحلاتكم في 2012

    عليكم السلام و رحمة الله و بركاته

    وين ما ودانا الهوى، ترانا معاه
    للحين ماكو خطة و اظن ما بنطلع برع دبي
    جان طلعت منه و الا مناك بنصور =) و بنرفع لكم اياه هون
    بإذن الله تعالى


    شكراً
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  3. #3
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: مخططاتكم ورحلاتكم في 2012

    انا ولله الحمد ساير العمره .. ويا الأهل .. بنسير يوم الخميس وبنرد يوم الأحد إن شاء الله ..

    "Duty makes us do things well, but love makes us do them beautifully." -Phillips Brooks

  4. #4
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: مخططاتكم ورحلاتكم في 2012

    مايد، ما شاء الله
    ربي يتقبل منكم مقدماً
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  5. #5
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: مخططاتكم ورحلاتكم في 2012

    عااااد أنا إجازتي ثلاث إسابيع ولله الحمد ....بس المناسبات الحلوه خلتنا إنأجل السفر هالفتره


    إن شاء الله ....احتمال نسير العمره السبت الياي ( مب أكيد )

    ما يهزك ريح ^^ بنتشاوف عيل هناك
    لو كثرت عيوبي بعينك تباهيت .... أبقى الوحيد إلي عفس لك مزاجك

  6. #6
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: مخططاتكم ورحلاتكم في 2012

    انا جدولي بيكون حافل ان شاء الله

    الخميس اجازة لأني داومت السبت, و ناوي أهيّص بالخميس,
    و الجمعة بإذن الله بنصلي صلاة الاستسقاء الصبح و عقب باذن الله بنتحرك صوب مزرعة ولد عموه في مصفوت, بنبات هناك
    و السبت الصبح بتحرك ويا عيال عمي و بعض الاصدقاء الى خصب, بنخيم هناك
    و عندنا هناك صديق عزيز جدا علينا, شحي من قرية بخا حليله من متى يقولنا تعالوا
    مجهزلنا الطراد و ان شاء الله بندش البحر وياه و بنرجع مساء الاحد
    و بينتهي الحلم الجميل و بنرجع للدوام يوم الاثنين


    READY !!?

  7. #7
    بروفيسور متميز الصورة الرمزية خيال الحب
    تاريخ التسجيل
    Dec 2001
    المشاركات
    6,085
    مزاجي
    Crappy
    قوة التمثيل
    575

    رد: مخططاتكم ورحلاتكم في 2012

    ذنيني مانصحكم تدخلون البحرر هالايام.. انا بخصب شفت المووت بنص البحرر ومن يومها قلت توووبة ارووح بالشتااا البحررر

    ربي يحفظكم

    عني انااا ماخططت لشي @_@ اليوم نازل من الدوااام ومخي بعده مشوش @__@

    احتمال نروح العزبة في عوافي نقعد هناك

    ان مرت الايام فلم تروني فهذه مشاركاتي فتذكروني
    واذا غبت فتره ولم تروني اكون وقتها بحاجه للدعاء


    شكرا واحات بن دبي اداره واعضاء

  8. #8
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: مخططاتكم ورحلاتكم في 2012

    ذنيني !!! برنامج رحلتك رهيب صراحه ....الله يحفظكم

    مشكلتنا يا خياااااااااااال إنه ماشي عدنا خيارات غير عوااااافي ^^

    بس برررررد الله يعين إلي بيباتون :)

    الله يحفظكم بكل رحلاتكم
    لو كثرت عيوبي بعينك تباهيت .... أبقى الوحيد إلي عفس لك مزاجك

  9. #9
    بروفيسور متميز الصورة الرمزية الا انا
    تاريخ التسجيل
    Apr 2007
    المشاركات
    4,230
    قوة التمثيل
    418

    رد: مخططاتكم ورحلاتكم في 2012

    البيت .. المستشفى .. البيت .. المستشفى لول < ها جدولي .. ماروم اتحرك هع

    :

    بالنسبه لبيتنا ..< حاليا 2 بالمانيا .. ~

    الباجين يلي بيكونون فبوظبي ( المزرعه )

    وفي مخطط انهم بهالجم يوم يروحون ( الكويت ) < مسابيح ومسابيح !! ماعرف شسالفتهم ..

    امي ناويه عالعمره ان شاء الله ~
    :

    كشخه طلعت الشباب < ذنيني احس وناسه < جان زين انا ريال جان الحين وياكم لول

    ..Those memories that you randomly ..
    remember and suddenly can't stop smiling

  10. #10
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: مخططاتكم ورحلاتكم في 2012

    وايدين معزمين ايسيرون العمره نحنا غصب حصلنا حجز .. وايد ظغط .. عشان اجازه راس السنه ..

  11. #11
    مـراقـب
    مـراقـبـة واحـة الخواطر
    الصورة الرمزية مــهــابه
    تاريخ التسجيل
    Apr 2003
    المشاركات
    11,014
    قوة التمثيل
    807

    رد: مخططاتكم ورحلاتكم في 2012

    ^
    احنا كنا حاجزين من فتره للعمره لمده ٣ ايام ، وكنا ناوين نروح هالويك اند


    لگن المستشفى قدموا موعدي لـ ١-١ ف عطيت ختيه التذاكر ..


    .



    .


    وبالنسبه للمخططات بعدنا ماقررنا






    مؤمنه بّ / آن اللہَ سيمنحني أجمل مَمآ آريد ♥'



  12. #12
    مشرف واحات
    مشرف واحات الإبداع التقني
    الصورة الرمزية الاسطوري
    تاريخ التسجيل
    Oct 2003
    المشاركات
    2,414
    مزاجي
    Cool
    قوة التمثيل
    200

    "مزن هتان"

    أحيدج ماتفوتين إجازه وإلا رحتي إما راك أو العين، يالله إن شاءالله
    تكون إجازتكم حلوه وتغيرين جو فيها ويه الاهل

    "مايهزك ريح"

    عمره مقبوله إن شاءالله وتروح وترد بالسلامه،
    أدعي لنا عاد مب تنسى
    :)

    اعرف وايدين توهم رادين من العمره هالاسبوع احس جيه موسم لأن
    اظن هالفترة بس يفتحونها للخليجين ومافي
    زحمه في الحرم

    "حلم الطفوله"

    حلوه الإجازه في الشتا وانتوا اتوقع اجازتكم تنحط لكم ماتختارونها بروحكم
    بس وقتها مناسب ومدتها معقوله، إن شاءالله تترتب
    الامور وعمره مقبوله مقدما

    "ذنيني"

    احلى انك ناوي تهيّص لوووول، جدولكم حلو وانتوا ماشاءالله ماتقطعون خصب وللحين أذكر يوم
    سرنا رباعه يوم 1-1-2009 هناك بس الجماعه اللي كانوا وياي طلعوا
    يحبون التخييم في البرور أكثر عشان جيه
    ماتكررت روحتي هناك

    "خيال الحب"

    انت اكثر واحد محتاي تطلع وترفه عن نفسك بعد الحبس اللي تكون فيه لمدة طويله نوعا ما،
    رتب امورك ترا يلسة البيت بعد مرات اتعب الواحد وهاي
    فرصه دام الجو حلو

    "إلا أنا"

    ماتشوفين شر إن شاءالله، ويروحون ويردون بالسلامه اللي بيسافرون عندكم ..
    يلسة البيت حلوه في الحوي خاصه مع وجود
    حد يخبز لكم


    "مهابه"

    ماعليه إن شاءالله التقديم فيه خير والله يسهل عليج، قولي لأختج تروح بشرط تدعي لج ..
    انتي لاتخططين الحين ونحن بنروح عنا وعنج وشوفي الصور
    عشان تبردين على فوادج

  13. #13
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: مخططاتكم ورحلاتكم في 2012

    وين اهلنا اللي بـ راك شالين عمارهم و يبيّتون بـ عوافي، وايد برد
    بتيبس عليهم هناك. عن العين الوالد ما قام يروح ملّ منها شكله
    و الريال في هالزمن ما ينترك لحاله ! يختار لنا خيارات تعجيزية
    بوظبي و الا صوب الفجيرة و دبا و الا خورفكان !

    انا و امي ما نحب نقعد بدبي أحسن
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  14. #14
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: مخططاتكم ورحلاتكم في 2012

    عوافي فليل جليييد .... ليله عن ليله بالاسكيموو صراحه !!

    جربنا من يومين وما أتوقع أكررها !!
    لو كثرت عيوبي بعينك تباهيت .... أبقى الوحيد إلي عفس لك مزاجك

  15. #15
    مشرف واحات
    مشرف واحات الإبداع التقني
    الصورة الرمزية الاسطوري
    تاريخ التسجيل
    Oct 2003
    المشاركات
    2,414
    مزاجي
    Cool
    قوة التمثيل
    200

    عدنـــــــــــا

    بخبركم عن مخططنا للويكند بعد الياي في ليوا
    مهرجان ليوا الدولي "تل مرعب"

    المهرجان بدا في البداية بفعاليات تحدي للسيارات من فئات مختلفه مثل ماهو الوضع في
    مهرجان عوافي وغيره وعقب تطور وصار عباره عن فعاليات متنوعه
    على مدار اسبوع كامل وهذا هو جدولهم
    لهذي السنه:

    الأحد: 1-1-2012 مسابقة السيارات الكلاسيكية وسيارات الريموت كنترول
    الثلاثاء: 3-1-2012 مسابة الصقور الفئتين (جير حر وجير شاهين)
    الأربعاء: 4-1-2012 سباق الهجن وسباق الخيول
    الخميس: 5-1-2012 بطولة تل مرعب للدراجات
    الجمعة: 6-1-2012 بطولة تل مرعب للسيارات

    طبعا هاي السنه الخامسه نحضر هالفعاليات، أذكر اول مره كانوا الدوام مسوين رعايه ومطرشيني هناك اتابع بعض الاشياء وحاجزين لنا في فندق ليوا وصادف رأس السنة في 2008 طبعا كنت في اليوم اروح مرتين بس لين تل مرعب اللي يبعد حوالي 25 كيلو او شويه اكثر عن الفندق بس مع ان الدرب مرصوف (شارع) بس شويه متعب لانه متموج وكلها اتفاعات ومنحدرات وتقريبا ياخذ 20 دقيقه

    السنه الثانيه اللي عقبها وتحديدا في شهر 1 سنة 2009 كنا تونا بادين نطلع رحلات تخييم واقترحت عليهم فكرة انه نروح نخيك هناك والبعض استصعبوها والبعض تحمسوا وقررنا نروح نبات هناك ليلة وحده وبالفعل جهزنا عدة للمبيت هناك ورحنا وخيمنا يوم السيارات شامله وجبة العشا (مشاوي) والريوق خفايف نسويها بروحنا الصبح على الحطب وثاني يوم بعدما تريقنا ردينا

    السنه الثالثه تطورنا ورحنا ليلتين شهر 2 سنة 2010 بس كان الجو حار في النهار ولان عندنا دراجات وعدة تخييم افضل اكبر استانسنا اكثر عن المرات اللي قبل وطبعا كل الوجبات نحن نسويها فسوينا غدا هناك واظن كان برياني دياي سواه ربيعنا بو أحمد كعزيمة بمناسبة ولادة ولده أحمد وحضرنا يوم الدراجات ويوم السيارات

    السنه الرابعه رحنا 3 ليالي من الاربعا لين السبت وصادف المهرجان نهاية سنة 2010 حتى استغربنا انهم في سنة وحده سووا بطولتين بس كان السبب ان شهر 2 وايد متأخر وفترة راس السنه هي الانسب لان الجو يكون بارد ووايد حلول للتخيم حتى للمشاركين من الدولة وخارجها افضل، طبعا هاي كانت الطلعه اللي استنفرنا فيها كل طاقتنا وعدتنا وتجهيزاتنا وكان اكبر مخيم نسويه في طلعاتنا كلها شامله كل الوجبات، هالمره سوينا اول يوم غدا برياني روبيان سبايسي وايد حلو لدرجة ان كلهم كلوا رغم انه زايدين فيه الفلفل والدموع اربع اربع وثاني يوم ربيعي بو احمد سوى عزيمة بمناسبة ولادة ولده خالد وكان عبارة عن ذبيحه يلسنا نحن نشتغل عليها من الصبح لين قريب العصر حطينا الغدا ووزعنا كم صينيه على المخيمات اللي صوبنا لان الكميه كانت كبيره

    طبعا كانت في مسابقة أجمل مخيم وربحنا المركز الثالث لأن مب بس عدتنا تأهلنا لا حتى توزيع الخيم والمظلات واليلسات والرواق/سناح ومكان الطبخ والشوي ومكان تجميع زباله وانتوا بكرامه ووقفة السيارات والدراجات مرتبه وعطونا شيك بمبلغ وقدره XX وكان تشجيع لنا انه نستمر

    وايد كان تعب هالمره لان العدد فوق 20 شخص ونحن اللي رحنا 3 ليالي من يوم الاربعا لين السبت تركز علينا الشغل اكثر لان في ناس يونا يوم الخميس وفي بعضهم ردوا الجمعه فالليل فقررنا نراجع حساباتنا وندرس الموضوع اكثر عشان نستمتع اكثر قدر ممكن بوجود المخيم فكان القرار انه نلغي وجبات الغدا لانه تاخذ اكبر مجهود من الحضور في وقت ضربة الشمس فتمنعنا من استغلال الوقت من بعد الريوق لين قريب المغرب وهو احلى وقت ان الواحد يمارس فيه هواياته الرياضيه ويطلع ويتحرك في المنطقه

    هالسنه اللي بتكون الخامسه ان شاءالله بنروح مثل المره اللي طافت من يوم الاربعا لين السبت يعني مبيت 3 ليالي وبنحاول نخفف من العده وناخذ الضروري بس والعدد بعد بنحصره للشله اللي دوم نطلع ويه بعض ونخلي وجبة الغدا من مكان جاهز عشان نتدارك اخطاء المرات اللي قبل

    http://www.admc.ae/ar/default.aspx


    هذا موقعهم للي حاب انه ياخذ فكرة اكثر ويشوف صور للمكان من المهرجانات اللي طافت عندي
    صور للطلعات الماضيه بس للاسف من 9 شهور ناسي الباسوورد وللحين مافي
    جهه او حد قادر يساعدني اني افتحه :( فلو حد يقدر
    يساعدني بنزل لكم صور، اتمنى
    ماكون طولت عليكم

    عقب بخبركم عن طلعة غولف نيوز (فن درايف) اللي بتكون خلال شهر يناير بعد


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مرسيدس CLS 2012 الجديدة
    بواسطة الاسطوري في المنتدى واحة السيارات والدراجات والقوارب
    مشاركات: 13
    آخر مشاركة: 25-02-11 ||, 01:50 PM
  2. رنج روفر 2012 !!
    بواسطة إسهر معي ليله في المنتدى واحة السيارات والدراجات والقوارب
    مشاركات: 8
    آخر مشاركة: 12-05-07 ||, 01:24 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •