تــــويــــتر الــــواحــــات

[المزوحي]

السلام عليكم

اشحالكم عساكم إلا بخير ؟؟؟

هذا الموضوع بيكون تكملة لموضوع برزة الواحات وبما إنه هاك الموضوع خذ كفايته من المشاركات

قلت خلنا نفتح موضوع تابع له

اتمنى إنكم تستمتعون ويانا وبما إنه اليوم الخميس أقولكم إجازة سعيدة

[فرفوش]

عليكم السلام - اليوم الخميس وألي ما يظهر يخيس - في الخميس هناك من يزهب عمره للاجازه هناك من ياخذ فترة استراحة من الدراسة وهناك من يبحث عن ما يسعد مزاجه وهناك من يجتمع بين أخوته واخواته في واحاته وهناك من يطل علينا بالخير مثل المزوحي وأصدقاءه وهناك من يغيب فترة ويظهر فجأه بعاداته أدري أنا هههه -

[مزن هتان]

أقول فرفوش
و هناك من هو بين أربع حيطان و لله الحمد
و أخيرا ليلى شرفت
خقاقه هالأم

[الا انا]

><

احلى شي . انه بهاليوم الكل يتيمع .. ><

باربكيو بيلسة الحوي .. ومثل كل مره .. المنكل بره .< جاي اخضر , زعتر . جاي . قهوه , حليب بالزعفران , بالزنجبيل .. < لول امي فاتحه محل


ويلسة لين الليل ... كشخه ..

:

بدو يسافرون *_*:

العمره - المانيا الخ ..

الكويت < غايته الحين الواحد يروح لها .. شبابنا يقولون برد وجوهم حلو بهالشهر .. مزن مب ناويه ؟

[مزن هتان]

ناويه أكيد بس متى بالضبط والله مادري نشوف الدوام جان يسمحوا
لي اطلع أسبوع تخبرني بنت عمي الشهر اللي طاف وصلت الحرارة في بعض المناطق صفر
هالشهر مادري جم بتنزل

تقول مزن جيبوا لكم لبس شتوي ، مو زي العام مأخذين راحتكم
السنه أشد !

صباح الخير

[الا انا]

هيه وايد برد عندهم ..><

:

:

مسا الورد ~

[طير الغرام]

مســــــآكـــم خيــر وطاعــــــه ~
ومبروكـ عليكــم التويتــر >> ع طــآري التويتـر سبحـآن الله من فتره سويتليه أكاونت فيـه

[الا انا]

><
ان اسويلي اكاونت .. بس ما دشه ابد سواء بالتويتر ولا الفيس بوك !! >< ملل

:

في ناس ماشاء الله .. 24 ساعه ..

[مزن هتان]

مسا الخير

أنا تؤيتر ما عرفت له ! و طبيته
الفيس بوك أحدره شبه يومي حق الطماشه

طلعت من المستشفى، الحمدلله

[طير الغرام]

-{ الا انا }-

هيه ماشاءالله شي نـاس امعسكريـن فيه حتى مرات بس أحدر أتطمش من الملل
ومرات أقرا التويتــات الحلوه سواء أدعيه ولا أخبار أو قصايد ... إلخ

:

-{ مزن هتان }-

مسا الليــل
أنا الفيس البوكـ اللي صدق هب داخل مزاجي ولا بيدخل ههه
وألــف الحمدالله ع الســلامــه ياختيــه ^_^

[الا انا]

الحمدلله ع سلامتج مزن ..

اخس شي يلسه المستشفى !! ><

:


طير .. هيه زين شي ناس وايد وايد يدمنون هالسوالف !!
وفيه شغلات حلوه يكتبونها صح :)

~

ابى اتحنى -.- لول مادري ليش داقه براسي هالمره من الخاطر الحنااا

[مــهــابه]

مـزن :

الحمدالله ع السلامه حبيبتي


الل انا :


انا متحنيه =p

من متـئ خاطري بالحنا وتحنيت هالاسبوع

[الا انا]

الله كشخه :)

:

احب الحنا ~

,

وايد كئيب هاليوم !! مادري ليش جي ملل !!

مليت من اليلسه >< مادري متى بفتك من هالحديد وهالجبس وهالارف ><

راسي افتر وانا اخلص واشتغل بهالبروجكتس والاسايمنتس ! حتى بالاجازه مب مرتاحه ><


:


هيه مهابه صح .. شو صار بعرس امونه :) وللحين ما حصلتي شيلتج لول

[طير الغرام]

^

خـواتي من يوميــن متحنيــآت ونقشاتهـم عيبنـّي
فـ خاطريــه أتحنـى بس عقب هب الحيـنه
والله يعينـــج ويوفقــــج ^_^

[المزوحي]

السلام عليكم

عندي اكاونت تويتر وفيس بوك لكن ما ادخل إلا في الشهر مره


اشحالكم ؟؟؟


ابغي كوفي فنان حق الريوق في الجي بي آر ؟!!!