تــــويــــتر الــــواحــــات

[بسبس]

منوره بسبس ~



><


الليل طويل .. وممل وايد !!

ما تم موضوع ما جفته !!

><

النور نورج يالغاليه الاأنا ...تسلمين ...
صدقتي انه الليل طويل ...بس الأجواء حلوه

[خيال الحب]

صباح الخيررر

شحالكم وشخباركم


حد بيروح يتمشى وياي ع البحررر والريوق ع حسابي خخخخ

[مزن هتان]

عليك بالعافية أخي خيال

يارب، ماقهر البروده موليه و البنات فاتحين التكييف
ظلم

[الاسطوري]

الحمدلله بخير اختي

صباح الخير ..

بداية يوم يديد وخفيف لأن الأغلبيه في إجازات واحس حتى الزحمه في الشوارع خفت شويه

منو موجود هني؟

[مــهــابه]

^

آنـا هوون

يقولكم طوفت موعد مقابلتي والسبه اني فاره تلفوووني من كم يوم ف السده واستخدم الفون الثاني
مالي نصيب فيها ، رغم انه الراتب كان مغري نوعا ما ..



گيفگون ؟ وكيف اصبحتم؟

اليوم مارقدت عدل ، ربيعتي متصلتبي من صباح الله خير

يوعانه ابا اتررررريق ..


خآطري بـ جيمات عليه سمسم ودبس ><


حد بيسويلي ؟!

[مايهزك ريح]

انا موجود ^_^!!

[مزن هتان]

موجودين نحن


مهابه، عيوني لج بس انتي آمري
بسوي لج

[الاسطوري]

"مهابه"

ماعليه إذا يبونج ولج نصيب بيحاولون وياج مره ثانيه وبتريونج بس أحس هالفترة مول مب وقته يعني على نهاية السنه
اليايه يمكن يكون وقت مناسب، البارحه وانا اسوي سيرج على شي حق الدوام ماشفت عمري إلا
داخل موقع سيدات الإمارات وبصراحه فيه وايد اشياء تفيد الحريم زين
مانفلعت بكعب ويوم ييت اتفلسف على الحرمه
اخبرها عن الموقع طلعت تعرفه
ومسجله فيه بعد


"مايهزك ريح"

ما لك حس هالفترة لا انت
ولا المزوحي!

"مزن هتان"

في ناس الله يستر عليهم قطعوا عن
التطوع مؤخرا

[مزن هتان]

اللهم يا كافي من ذولا اللي اقطعوا عن التطوع
احس اني مهب مال شغل و فزعات
من الدوام للبيت و العكس و اقول يالله الحياة
بردّت مو زيّ أول "اطالب بوجود دريول بالبيت عشان يوصلني الدوام"
من ند الحمر للورقاء و العكس "عشر دقايق بس"


الخير و البركة فيكم اخوي، ما تقصرون =)

[حلم الطفوله]

الأسطوري هههههههه لا تتفلسف على الحرمه

أصلا منتدى سيدات الأعمال كل حريم لبلااااد فيه ^^

مرزززن ....مب زين جيه !! اهزبيهم خل يسكرون التكييف بتتيمدون !!

[مزن هتان]

اهزبهم !

احممم خليها مستوره، انا وايد نحسه عليهم
في وحده منهم صج تاخذ بخاطرها، مادري ليه اوقات يجيني احساس انها تكرهني
هههههههه. اصغرهم انا فـ الاحترام واجب ياختي
عندي شال اتلحف فيه =)

[حلم الطفوله]

هههههه يحليلج يا مزن دومج حبوبه ^^

الله يعينج

[الاسطوري]

حلاة اليلسه برع في الجو البارد بوجود النار وكل شويه تزيدون الحطب وتشوفون الجمر أحمر

[مــهــابه]

الاسطوري :

حاليـاً ما افگر ف الشغل ، يلين تترب بعض الامور عندي
بس هم ماخذين رقمي عن طريق الجامعه ومتصلين ..

ع طاري هالموقع ، ملجأ كل فتاه هههه
انا ادخل واقرا واطالع لكن ما اشتركت فيه ..

.




.

[مايهزك ريح]

انا موجود وكنت مشغول اجهز للرحله .. اليوم السفر ان شاء الله ..
لا ومداوم بعد .. بس بترخص من وقت ^_^!!