تــــويــــتر الــــواحــــات

[المزوحي]

السلام عليكم

اشحالكم ؟؟؟؟


شو الهبه ؟؟؟ اتزهبتوا للعيد وإلا بعدكم ؟؟

وفي حد مخطط يسافر بالعيد ؟

[طير الغرام]

^

وعليكــم الســـلام والرحمــه ،،

يســركـ الحــآل

والحمدالله هـ العيــد أحـس إنيـه متزهبـه من وقــت
لبـس أول يوم من زمـآن ماخذتنـه + الشنطـه والبوك والنعـآل (عزكم الله) من فتـره خذتهـم
والعبـآه أمـس خلصــت + الكنــآديـر من فتـره خلصــن بعــد
وغيـر إنـه هـ العيـد ماظنتـي انعيـّـد مع الأهـل فـ العيـن لنـه احتمـآل نتحـول فـ اجازة العيـد
شكليــه بخلـي نص الثيـآب حق عيـد الأضحــى

وشــو عنـــكم ؟

[مايهزك ريح]

انا الحمدلله مخلص كل اغراض العيد من وقت .. والأهل بيسافرون فيينا اول يوم العيد .. وانا ما بسير وياهم .. ^_^!!

[ذنـيـنـي]

هلووو

هاو ار يو دوينق قايز
بين ا لوووونق تايم

انا ما خذت شي لين احين, امس كناديري خلصت و اليوم العصر بسير اشلها ان شاء الله
و بمر معسكر الفلاح او بسير الذيد باخذلي كل انواع و اشكال الغتر لأني ابا اكنسل الستاف كله,
سبحان الله اشتري غتر بالهبل و تختفي فالبيت و ما اتم الا الغتر الجديمه (اتوقع كلكم تعانون من نفس المشكلة)
و فليل ان شاء الله يمكن امر مردف و اخذلي تكرمون نعال بو لسان كلاسيك من انتونيو

[المزوحي]

السلام عليكم

ماشاء الله طير بالبركة

مايهزك ريح عاد السنة جدموا الناس حق السفر ، وايدين سافروا من امس وحد بيسافر اليوم

ذنيني ، انطونيو نعلتهم حلوه، انا خذت من تودز

[خيال الحب]

كل عام وانتو بخير وعساكم من العايدين

الشعب في سباااات تاام خخخخ الا انااا جدولي مخربط @__@

[شوق القلوب]

السلااااااام عليكم...

اهلا باصحابنا و اهلنا الطيبين :)

كل عام و انت بخير ... تقبل الله طاعتكم..

..

للحين العيد ماشي حاله.. زيارات من الاهل.. و تغيير جو..
بس مفتقدين رمضان والله ... الله يعودنا عليه بالصحه و العافيه ...

[طير الغرام]

العيــــد // فرحـــة ماتكمــل إلا بـ وصلكــــم

وبهجــه ماتحــلى إلا بـ ~ صلـة أرحــآمكــم








السموحــه منكــم ع القصــور والتأخيـــر

ماحــدرت الواحـآت إلا اليــوم ~

[بوزايد]

تقبل الله طاعتكم اخواني

[مزن هتان]

لازم اصبح عليكم اليوم، صباحي غير
صباح ملكي على غير العادة، صباح مدريدي فخم

[مايهزك ريح]

مسا النور ..
ياجماعه حد سار منكم سينما فندق الميدان
يقولون انه الشاشه مالت ال IMAX اللي فيها بارتفاع ثمان ادوار ..
افكر اسير هالويكند ^_^!!

[مايهزك ريح]

السلام عليكم ورحمة الله وبركاته
صباح الخير ..

[شوق القلوب]

السلام عليكم... شخباركم..

ما خبرتنا مايد.. سرت هالسينما ؟

..

شو رايكم في قتراحات لاماكن غير عن المولات.. يعني ينفع لطلعه وناسه...

[مايهزك ريح]

لا ما سرت الأهل سحبوني وياهم بوظبي ..

[الاسطوري]

بخصوص سينما آي ماكس واحد ويانا في الدوام سارها ويقول اضطر ييلس جدام وتوهق لانه يوم يتطالع كل شويه لازم يصد يمين ويصد يسار عشان يلحق يشوف اللقطه من كبره الشاشه فاول نصيحه لازم تيلسون ورا ولا ماتسوى عليكم ..

عقب ما اروح بخبركم رايي في المكان