تــــويــــتر الــــواحــــات

[مزن هتان]

مهابتي، وصل اهدائج

[شوق القلوب]

يقولوووون في وحده زعلانه مني ...!

وهذي حقها

حقج علي خيتووووو

[مايهزك ريح]

مادري البيزات كيف تنصرف .. دايما ما احسب.... بس هالمره لأنه ورى بعض حسبته ..راسي عورني ..

[المزوحي]

مايهزك ريح انا وياك والله، والواحد مابيبخل على عمره لو في خاطره شي،

بس اول حركه تسويها اول ماينزل الراتب جزء منه خله دايركت في حساب ثاني

سواء نفس البنك اللي ينزل منه الراتب او حساب في بنك ثاني

وعقب اصرف اللي تباه وبعد لو تقدر تخلي جزء في نفس الحساب

يعني لاتبخل على عمرك وفي نفس الوقت حاول تيمع

مادري انا افكر افتح في بنك ثاني بعد

[صريح]

اصرف ما في الجيب ياتيك ما في الغيب
و مثل ما يقولون السعاده تنشرى بثماني




اقول العيشه في بوظبي ممله جدا نفس الشعور في سنه 1995
و الحين ردينا لها للاسف هههههه

[قصايد غلا]

ما يهزك ريح: الله يعينك ><

أنا من الناس اللي أصرف 50% من المصروف و أكثر في أول يومين من الشهر على أشياء مب لي >< يعيبني أشتري للغير أكثر عن عمري


الواحد ما يقصر على عمره بس مرات لازم يحاسب (يحاسب ما قلت يستوي بخيل) و لو دققنا في مشترياتنا بنكتشف إنه نحن غالبًا نشتري أشياء ما لها داعي و الدليل إني شارية أِشياء من سنة و شي وما استخدمتها ولا مرة و تامة بكراتينها و أجياسها ==> لو بس نحط في بالنا إنه كل فلس بنتحاسب عنه، بنخاف شوي و بنفكر قبل لا نشتري شي

والحمدلله ديننا موضح لنا كل شي حتى أمور الصرف .. الله سبحانه و تعالى قال في كتابه : "وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا "

[مايهزك ريح]

^
صح اختي قصايد اللي صرفته مب لي للأسف ..

المزوحي .. انا لو ما اسوي اللي انته اتقوله اني احول بيزات على الحساب الثاني ولا جان لين آخر الشهر انا على الحديده

[المزوحي]

السلام عليكم

الخميس



صريح شو السالفه ؟؟؟ اطلع من بوظبي وتجول في الامارات الثانيه وخلك عنك موضوع العيشه

قصايد غلا .. صح كلامج .. المشكله انه الواحد من يطلع من البيت ويتجه للسوق كل شي يبغي يشتريه، بس الواحد يحاسب

نشتري شغلات بالدرزن، ونحن عندنا من اللي خذناه

مايهزك ريح الله يعطيك العافيه

[قصايد غلا]

اخويه ما يهزك ريح: تعرف شو الحل لهالطبع "المشترا للغير" الحل الوحيد انه نؤجل هالمشتريات (المب ضرورية) لين اخر الشهر ، يوم اسوي جذه احس انه هالشي احسن و أريح لأني ما بحاتي كم باقي عن الشهر



المزوحي: للأسف أنا أحط في بالي اشياء بشتريها و يوم اطلع اشتري اشياء ثانية، بس زين لأني احيانا استفيد من هالاشياء لو احتاجها فجأة ألقاها موجودة عندي من قبل

[مايهزك ريح]

اليوم الأثنين ... ماشي يديد .. بس دخلت اسلم ^_^

[المزوحي]

الله يسلمك

انا امس مريت سانت ست مول في جميرا .. وعقب مريت على مدينة جميرا اجواء المطاعم حلوه

[شوق القلوب]

هلا والله ... شخباركم...؟؟؟

حلو هالمول المزوحي ..؟ بعدني ما سرتله... بس جنه فيه كم محل عبي !!

[مايهزك ريح]

فيه شي مميز عشان انسير له المزوحي ..

[المزوحي]

السلام عليكم

اشحالكم ؟؟؟


شوق القلوب + مايهزك ريح ( مافي شي يستاهل لحد الآن ) لأنه اغلب المحلات بعدها مافتحت

بس لأني مار نفس الشارع ، قلت بنزل أشوف، بس مايستاهل العنوه .

شوق القلوب هيه في محلات عبي ..

[مزن هتان]

صباح الخير
و أخيرا الخميس