تــــويــــتر الــــواحــــات

[مزن هتان]

لعبت بالاي باد و الاي فون و اصابعي اضعفت من البيبي "و عيوني ولّت منهم"
بس بعدني ماصبر عن الواحات الا فالشديد القوي، و ربي لا يغيّر عليه =)

حيّ الله الخميس، و نهاية أسبوع سعيدة للجميع بإذن الله تعالى

[المزوحي]

السلام عليكم

اشحالكم ؟؟؟

مهابه انا لو عندي بلاك بيري ما احط التفاصيل، الشخص هو بنفسه يقدر يختار اللي يباه صدقيني، يعني ان سرت الكوفي على سبيل المثال، ممكن اصور لكن مب شرط احط الصوره في نفس الوقت

او اكتب انا وين، في ناس على كل حركه بيقولون هم وين سايرين


مزن مبروك عليج الخميس


طير الغرام او اللي عنده فكره، ربيعي عنده canon 450D ويبغي عدسة ماكرو، فهو كان يسألني، قلت له بسألك ( على أساس الواحات ) يقول حصلها بألفين، انتوا تتعاملون مع حد معين او السعر يكون أرخص

وقال شاف في موقع كام فور سيل ، بس ياليت تفيدونا

وشكرا

[طير الغرام]

^

وعليكــم الســـلام والرحمــه ،،

يعتمـد شو العدسـه اللي يباهـا سيجما ولا كانون
عن نفسي أستخـدم عدسـة السيجمـا 105mm لـ الماكــرو
وإذا يبى عدسـة ماكرو من الكانون نفسهـآ أنصحـه بـ Canon 100mm f/2.8

وبخصوص الأسعـآر الكيمرات وأغراضهـا يتهـم فتـره وأسعارهن غلن
ومن تجربـه شخصيــه محل الفلك اتحصـل عنده أحسن الأسعـآر مقارنـة بـ المحلات الثانيـه
وبعـد كام فور سيل أسعارهـم حلوه بس يفضل الواحد قبل لا يطلب منـه يجوف كم الفرق اللي بيوفـره إذا خذ من برع ومن اهنيه مرات يكون فرق ١٠٠ فـ أحسه مايرزى
وفي مواقـع ثانيـه إذا حب يطلب أشيا ثانيــه

http://www.bhphotovideo.com/

http://www.adorama.com/

أنا جربت الموقع الأول

^_^

[خيال الحب]

مسا الخيررر

شحالكم يا ال الواحات عساكم الا بخيرررر

[مايهزك ريح]

واخيرا ... اليوم الخميس ..
وجان احجز للسفر حق شهر 3 .. وبسير المانيا وبلجيكا ^_^!!
اسبوعين كله حواطه .. اففففففففف احس اني من زمان ما سافرت ..

[شوق القلوب]

هي اتصدق يا مايد.. حتى انا حسيت انك من زمان ما سافرت.. كنت دايما ماشاء الله بين فتره و الثانيه اتسافر،،

عساك تستمتع في هالرحله ان شاء الله

[المزوحي]

السلام عليكم

اشحالكم ؟؟؟

مايهزك ريح enjoy brother


شو اليديد بعد ؟

[مايهزك ريح]

ان شاء الله استمتع ولو انه استوالي شي بايخ ومنقهر وكنت بكنسل .. بس هديت اعصابي ..

[الا انا]

شهر 3 كل حد بيسافر ><

سويسرا ولندن >< من الحين موزعين عيالهم لول


بالسلامه يا خوي

[مزن هتان]

مساء الخير

[مــهــابه]

لاتطرررولي السفر. قلبـــي يعوووورني

بيساااافرون وبيخلووووني انا وبيشووو الروحنـا =(


اغلبهم بيسافرون باجازه المدارس والجامعه ، اهلي بيروحون الصصصين ، وحد العمره
و بــعلي بيروح لندن لـ مهمه مايعررف مدتها كم :(


وبتم مهـابه الروحها ، لولا انه بنتي بعدددها صغيره چان سرت ويا اهلي

.




مزن :

مساچ جوري

من زمااااان ما سمعت اغاني بس قبل فتره بومبا سمعتني اغنيه راشد الماجد - قدر

وع طوووول يييتي انتي ف بالي، اسمعيهااا


.




.

[المزوحي]

السلام عليكم

واخيررررررررررررررا الخميس


هممم

كل مره

لكن بغيت اعرف حد متحمس هالشهر حق الراتب ؟؟؟؟


حاطين في بالكم تصرفون جزء منه حق شغله معينه ؟

[شوق القلوب]

وياكم الاحد يا المزوحي !!
خبرنا شو سويت ؟

[مايهزك ريح]

انا في اول يومين صارف 15 الف .. بعدني مب مصدق .. !!!!
وياليتني اشتريت وايد اشيا ..

[المزوحي]

السلام عليكم

هيه والله شوق القلوب ويانا الاحد، الجمعه ظهرت مع الربع كان يوم جميل الصراحه اما

امس مايهزك ريح سرت ابدل تواير الموتر، اوني بسير اسوي روتيشن وهم يشوفون التواير اكتشف

الموظف مسمار ، قلت بدال ما ارقع التاير ببدلهم كلهم

بس تعال كيف تصرف 15 ألف ، والله ادري إنه الفلوس بسرعه اتطير، ما اقولك لا

وهذا وانته تكون مب مخطط تشتري شي، عيل كيف لو تقول ابغي الشي الفلاني

بس يحتاي تدخل في جمعيات مع إني انا ما احب اشترك في جمعيه ومرتين بس اشتركت

المهم سو لك حساب توفير وخله ، وانساه بعد

انا كنت ابغي اشتري لبس حق الصيف

شو اخباركم بعد ؟