<font color='#000080'>السلام عليـــكم ..

طبعا تعرفون .. كل نهاية اسبوع .. لازم الواحد يضهر و يتكشت ..

لكن طبعا انا <span style='color:red'>المنحوس</span> من امبوني منحوس ..

اول شي ..

<span style='color:orangered'>يوم الاربعا ..</span> رديت البيت الفليل و الكمبيوتر خربان .. يعني ما رمت احدر النت ولا الواحات .. قلت ما عليه عندي الخميس .. بوديه عند المصلح و بيتصلح ..

رقدت ..

<span style='color:orangered'>الخميس الساعه 8 الصبح</span> .. اسمع التلفون يرن .. رديت عليه .. ربيعي يقولي بنسير بوظبي اليوم يالله اتزهب .. قلتله متى بنطلع ؟؟ قال الساعه تسع .. اونه بنتريق هناك ..

نشيت .. اتسبحت و سويتله .. قال بنضهر الساعه عشر ..
قلت يالله ماعليه الساعه عشر .. تميت يالس اطالع التلفزيون و اقرا الجريده اليييين الساعه عشر .. سويتله .. قال عشر و نص .. سويتله عشر و نص قلتله ها اتلبس ولا ؟ قال 11 .. قلتله اوكي ( عقب ما تحرطمت عليه .. ) سويتله 11 قال لي 11 و نص .. و تمينا على هالحاله ليييين الساعه وحده و نص .. المهم مر عليييه كنا 4 في السياره .. المهم في عز الضهر قبضنا الخط و سرنا بوظبي .. وصلنا الساعه 3 .. ولا جنها العاصمه .. والله لولا الاسم .. جان قلتلكم سرنا الاردن و ردينا .. كلها زلمات و هنود ..

المهم تحوطنا في المارينا مول .. و قلنا بنتغدا .. دورنا مطعم و مادري ليش طحنا على المطاعم الي في الالعاب .. و واحد ويانا اونه يبا يتفلسف ودانا مطعم مثل وييهه .. لاعت جبودنا .. و من زود الملل قلنا بندخل السينما يمكن يحلا الجو عقب .. دخلنا فلم اسمه دريم كجره dreamcroacher &nbsp;شي جيه اسمه .. لاعت جبودنا من الفلم .. ملل و ما ينفهم .. و لوعة جبد لقطات اتلوع بجبد الواحد ..
طلعنا من الفلم .. قلنا بناخذلنا لفه في المارينا و عقب بنسير بوظبي مول .. خذنا لفه في المارينا و طلعنا .. قلنا بنسير بنطالع ممزر بوظبي ( الكورنيش &nbsp;<img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;)
و عقب سرنا بوظبي مول ( الاردن مول ) كللللللله زلمات و هنود .. قلنا بناخذ لفه و بنطلع .. و نحن نازلين عند المواقف كانت الساعه 8 .. نزلنا .. &nbsp; &nbsp; اندور السياره .. مختفيه .. يلسنا اندور و اندور .. يمكن نص ساعه اندورها و عقب حصلناها .. قلنا بنرد دبي احسن .. و نحن تونا يايين بناخذ خط دبي لفينا لفه و قلنا بنسير محطة البترول الي هناك .. نزلنا و كنا بناخذ عشا .. انا طبعا اتفلسفت و قلت بنعشا في دبي و كلهم قالو اوكي .. و قبضنا الخط .. في نص الدرب اكتشفنا انه نحن ماخذين درب العين مب دبي .. و ردينا بوظبي .. و خذنا خط دبي ..

المهم وصلنا دبي الفليل على الساعه وحده ..

<span style='color:orangered'>الجمعة .. يعني اليوم</span> .. ضاري كل ما احدر المسيد .. واحد شيبه يصلي ورايه و عقب الصلاه يوم اقوم .. اتخرطف جدامه لنه يحط العصا مالته تحت ريلي .. و اليوم نفس الحاله بعد .. سبحان الله .. المسيد كبير .. لكن مادري ليش كل صلاه احصله ورايه ..

رديت البيت .. فتحت الكمبيوتر الثاني و ييت اكتبلكم الموضوع ..

الحينه عقب كل هذا .. انا مب <span style='color:red'>منحوس</span> ؟ <img src="http://oasis.bindubai.com/emoticons/man4.gif" border="0" valign="absmiddle" alt=':man:'></font>