أي كـــامــيرا تــنــصــحــونــي ؟

[المزوحي]

السلام عليكم

اشحالكم ؟؟ وبما إنه كاميرتي الديجتال اختربت وتصليحها بيكون نص سعر الكاميرا اليديدة ..

فكرت اقتني وحدة من كاميرات اس ال آر

مايهزك ريح - طير الغرام - مجموعة انسان - ذنيني وغيرهم

اللي عنده فكره الافضل ، من كانون او نيكون وماتكون وااااايد بروفشنال يعني شي زين

فأتمنى نتواصل هنيه في الموضوع بخصوص الكاميرا

لازم نستشيركم قبل مانشتري

شكرا

[طير الغرام]

الحمدالله ياخويــه يسركـ الحــال
وبخصوص أي نـوع أفضـل والله ما عندي فكره
لني أستخدم الكانـون والنيكـون بعـد يمدحونهـا
والكاميرات اللي شبـه بروفيشينـال الكانون الحينه نزلوا
Canon 600D
أيدد نوع من هـ الفئـه وسمعـت انه ماشي فرق وايد بينهـا وبين اللي قبلهـا 550D

أو في فئـه أقل منها وأقل فـ السعـر اللي هيه Canon 1000D ونزلوا أيدد منهــا Canon 1100D
والأيدد فيهــا فيديــو

ومن النيكــون أعتــقد النيكـون D3100 حلوه لـ المبتدئيـن

وإن شاءالله أكــون فـدتكـ
ويفيدونكـ باقي الأعضــاء أكثــر ^_^

[خيال الحب]

متــابع ..

لاني ناوي اخذ كام يديده..

وحده احترافيه ووحده حق السفرر ابيهاا,, الي هي صغييره وسهله

[المزوحي]

مشكورة اختي طير الغرام على الرد

يعني الفئة 600 و 550 مواصفاتها اكثر عن 1000 و 1100 ؟

بشوف بعد نيكون اللي قلتي عنها وبجربها في المحل


اخويه خيال الحب إن شاء الله تستفيد وتاخذ اللي تباه

[مايهزك ريح]

النيكون اللي اقل من D90 او D7000 اتكون فيها مشكله العدسه .... الفوكس Manual
امثله D3100 ....D5100 هالنوعين ابتعد عنهن ما فيك على ال Manual Focus

[طير الغرام]

-{ المزوحي }-

هيه هـذا اللي أعــرفه يعتبـرون أفضـل
وإنتـه جوفهـن وجربهـن فـ المحــل وإسأل عنهـن ^_^

[المزوحي]

مايهزك ريح + طير الغرام توني اشوف ردودكم

وانا شفت موديل من نيكون وموديل من كانون وتقريبا نفس المواصفات وشوفوا فرق السعر

أول شي سرت شفت نيكون وتم يمدح فيها


وعقب سرت اشوف كانون وقال إنها يابانيه ونيكون تايلندية

[طير الغرام]

^

تقريبــاً نفس الأسعــار
بالنسبه لـ الكانون إذا خـذت العدسـه الأولى معاهـا 55 - 18 mm هاي العدسـه الأساسيـه اللي تي مع أغلب الكيمرات اللي جيه
والثانيه أغلى لنه زومهـا أكثـر

وطبعــاً من بيـن هـ الثنتيــن الكـانون مميــزاتهـا أفضــل !

[المزوحي]

ايوه يعني تقدرين تقولين الأولى سعرها بــ 4000 والثانية بــ 5000

بشوف كانون مره ثانيه وبرسي على وحده

شكرا

[تحفه]

Sony NEX5 Digital Camera .. best camera in the market for everyday use!

[المزوحي]

مرحبا اختي تحفه ، ولكم باك

تعتقدين سوني منافس للي فوق ؟؟ ابغي اتطلع عليها أكثر وأشوف تصويرها

مشكورة

[خيال الحب]

ادخل هني اخوي المزوحي

http://www.hosaa.com/main/?p=4388


الكاميرا طلعت طرر والله.. عيبتني الصراااحه .. بس وين يبيعونها؟؟

[تحفه]

مرحبا اختي تحفه ، ولكم باك

تعتقدين سوني منافس للي فوق ؟؟ ابغي اتطلع عليها أكثر وأشوف تصويرها

مشكورة

للاستخدام البروفشنال nikon احسن .. معروفه كيمراتهم تخولك تتحكم كليا بالمانيوال
للسفر و الاستخدام اليومي مافي افضل من سوني NEX 3 and NEX 5 احسن كيمرتين جداد في السوق

[تحفه]

ادخل هني اخوي المزوحي

http://www.hosaa.com/main/?p=4388


الكاميرا طلعت طرر والله.. عيبتني الصراااحه .. بس وين يبيعونها؟؟

متوفره في اسواقنا لاكنها دايما out of stock .. خذها من محل سوني في دبي مول احسن شي

[المزوحي]

تحفه قبل ماتتكلمين عن السوني، وفي نفس اليوم اللي سرت فيه عشان اشوف النيكون و الكانون ، مريت على سوني، وكنت اقول في خاطري اشوف سوني وإلا ما يحتاي ؟!!!

عقب قلت برايه مب لازم، خلني اشوف هالهنتين وأقارن من بينهم

يبالي زيارة ثانيه عشان اشوف السوني