. . . اعترافاتكـم ،، فضفضـاتكـم (2) . . .

[المزوحي]

اعترف اني حنيت للواحات

[محقق كونان]

اعترف اني ندمان على التخصص الي درسته

[بوزايد]

احتاج ان اسافر لجزيرة لمدة ثلاث ايام واكون بعيدا عن وسائل الاتصال الخارجي

[ملاك الحب]

في انسان دمرت حياتي وانا كل يوم اتحسب عليه حسبي الله عليه يارب مايتوفق في حياته يارب مايجوف يوم حلو وان شاء الله يتم متبهدل طول عمره

[ملاك الحب]

كثيرون هم الذكور قليلون هم الرجال

[ملاك الحب]

وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!


وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!


و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!


كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!


كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه


و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه


ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه


وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!

ياليته كان يستهال اكره اكره اكره خذا قلبي وسار يارب لاتسامحه يارب يرد فيه الي سواه فيني

[ملاك الحب]

اكره حبي له اللهم انزع حبي له من قلبي وسامحني يارب بكل غلطه ارتكبتها باسم الحب

[الاسطوري]

رغم كل الظروف التي نمر بها ورغم الصعاب وإنشغال أقرب الناس في دنياهم إلا أن هناك جانب جميل في حياة كل فرد منا .. وتستمر الحياة

[شوق القلوب]

هاليومين... كانوا جدا حزينين... اللهم ارحم موتانا و موتا المسلمين...

بس اكتشفت جانب يديد فيني... قوة قلب ما اتوقعتها !!
الحمد الله ...

[الـمـسـتـانـس]

أحسن الله عزاكم أختي شوق القلوب

اذكر حوار دار بيني وبين سفير الخيال .. الله يذكره بالخير وين ما كان (( في حالة الحزن على الميت و بما معناه طبعا))

قال :- ميتكم هذا لو كان حي .. هل يرضى إنك تقضي ساعاتك في حزن و تغرق في الكآبه .
قلت له :- لا ..
قال :- ميتكم هذا لو كان حي .. فهو يبغي يشوفك متماسك و صابر و محتسب و تدعي له بالرحمه و المغفره .

سبحان الله بعدها فهمت العبارة القائلة (( .. و ألهم أهله الصبر و السلوان ,,, ))

السلوان ما يدخل حياتك و يصرفك و يشغلك عن ذكر حزنك فأنت تذكر فقيدك و لا تذكر حزنك عليه بل تذكر حاجته لدعائك و استغفارك و ترحمك عليه

[المزوحي]

الله يرحم المتوفي ويغفر له

اعترف اني تولهت على هالمكان

[شوق القلوب]

آمين يا رب... تسلم يا المزوحي

[شوق القلوب]

السلام عليكم

هي والله قلبي مشتاق وااااااااايد لاصدقاء الواحات ٫٫٫
وقلبي يحن واااااااااااااايد لربعي و صديقاتي

[مزايا]

ماتوقعت آبدا انه هالمكان إلى الآن موجود ..

[همس الوجود]

أعترف اني بالصدفه حصلت رابط المنتدى!!

وقلبي معورني احين.. :"(

ربي يرزقكم بالسعاده وين ماكنتوو