. . . اعترافاتكـم ،، فضفضـاتكـم (2) . . .

[قصايد غلا]

أعترف إني أحمد الله و أشكره على النعم اللي أنا فيها


أعترف إنه باجر بيسوون لي البصمة في الدوام و قلبي يعورني من الحينه بس ما باليد حيلة



أعترف إني من طلعت من مكة بالاثنين و أنا سايرة المدينة أحس قلبي بعده في مكة و الحينه أحن على أبويه قم ردنا مكة >.<


أعترف إنه الجو فظييييييع .. لدرجة إني أرظف الثياب و ألبس شال و سويتر و جوتي و دلاغ حق الدوام و بعدني بردانه (جنّي سايرة البر مب الدوام بس ما يهمني شو بيقولون المهم أتدفا) .. قمت أفكر إني أعق العباة و ألبس كوت





طير حبيبتي : تستاهلون سلامة أخوج .. الله يحفظه و يحفظ كل الشباب و يكفيهم شر الحوادث و المصايب يااااا رب

إلا أنا : الله يكون في عونج .. مأجورة إن شاء الله حبيبتي

[طير الغرام]

شوق القلوب ،، مزن هتان ،، الا انا ،، مهـــابه ،، قصايد غلا

ربــي يسلمكــن من كــل شــر خواتيــه ،،
تسلمــون والله

:

الا انا // ربي يقومــج بـ الســلامه إن شاءالله ،، واترديـن شرات قبـل وأحســن =)

قصـايد غـلا // ربي يوفقــج وايسـر لـج أمورج ^_^

[مزن هتان]

أعترف
ما عرف كم راتبي
يستغربون زميلاتي شلون ما تعرفين، يسألوني ما تشوفين الـ monthly payslip
اقولهم امبلا بس ما انتبه عالراتب اللي انتبه عليه 600 و كسور تنخصم حق التقاعد اهم شي
يقولون غلط هالشيء لازم تعرفين شدخل ؟

[المزوحي]

الله يهداج نحن نشوف الراتب وماننتبه على التقاعد وانتي العكس ،

[مزن هتان]

اضمن مستقبلي بعد سنين


أعترف
مدري قلبي شاف حبك و اعتمى لاغي اللي بعدك و ما يبغي زود
و الا قلبي شاف من بعد العمى

[قصايد غلا]

أعترف إني أخاف عليهم أكثر من نفسي .. يآآآآ رب احفظ لي إياهم ولا تحرمني من ولا واحد منهم
يــآ رب الشر في عدوانهم ولا فيهم
يآ رب احفظهم و احرسهم بعينك التي لا تنام

أعترف إني أبا أرد العمرة =(


أعترف إنه إحساسي إني في الجامعة بعدني أدرس ما تغير بس ناقصتني الكتب و السهر


أعترف إن شغلي يخليني أحس بمتعة خاصة يوم اييوني الطلاّب .. أففف وايد أعطيهم ويه و يتعبوني لكن يغمضوني يوم أتذكر عمري كيف كنت أستانس لو حد ساعدني

[بنت الدلع]

طير الغرام .. ويه !! الحمدلله على سلامته

قصايد: وين اتداومين؟

[دبلوماسية]

أعتــرف اني اشتقت لأيام لـن تعـود ..

[قصايد غلا]

بنت الدلع : في الجامعة =p

[شوق القلوب]

السلام عليكم..

ماشاء الله ... حلوو قصايد... كان خاطري اشتغل هناك ..
انا كنت استمتع بايام التسجيل الطلاب الجدد... ايلس اساعدهم و اشرحلهم... متعه والله

[قصايد غلا]

و عليكم السلام

هيه أنا مثلج كنت أتمنى أكون في هالمكان لكن وقت الجد يلست أقول مابا و إن شاء الله ما يقبلوني
لكن الحمدلله الحين مرتاحة و أحس إنه حلو الشي =D

[شوق القلوب]

توني انتبه !!! محد ذكرني من الواحات في يوم ميلادي :(

زعلانه منكم :( :(

[الا انا]

^

كل عام وانتي بالف خير ^_^

اسمحيلنا عاده ما انتبهنا :)

عسى عامج سعاده وحب .. ولج طولة العمر يارب 3>

[طير الغرام]

-{ شوق القلوب }-

كــل عـآم وإنتـي بـ ألــف خيـــر
وعســى هـ العـآم كلـه خيــر وفــرح

^_^

[مايهزك ريح]

كل عام انتي بخير اختي شوق القلوب ..