مهرجان صيف الواحات

[المزوحي]

السلام عليكم

بإمكانكم المشاركة في الموضوع شي يخص الصيف واليلسة في البلاد ،

تشاركون بمكان زرتوه، شي شفتوه، تتضمن المشتريات ..

المزوحي

[طير الغرام]

موضــوع حلــو

الصـراحـه هـ الفتـره أنا وخواتيــه انجـرب كل حيــن مطعـم من الملل
آخر مطعم كان مطعم إيطالي Frankie's فـ فيرمونت بس الصراحـه ما عيبنـا
وقبله مطعم هندي Ushna ف قرية البري فـ شانجريلا كان وايد حلو مع إني ماكنت متحمسه لـ الأكل الهندي

عادي انحـط صـور ؟
لني امصوره الأكل

ولي عــوده إن شاءالله

[المزوحي]

مرحبا بج اختي طير الغرام ، الناس قامت تجرب مطاعم الفنادق وحلو التغيير

وإن حطيتي صور بالعكس شي ممتاز والموضوع بيكون احلى

[طير الغرام]

^

هيــه حلـو التغييـر من هـ الناحيــه
ومن أنزل الصـور من الفـون بحطهـن اهنيـه ان شاءالله

[المزوحي]

ننتظر المشاركات

[شوق القلوب]

السلام عليكم..

موضوع صدق في وقته !!

اليوم يالسين انفكر.. نبا انغير جو.. نبا انسير اماكن يديده.. مب بس حواطه في المول... وحلو لو انشوف اقتراحاتكم...

..

للحين ماطلع ويايي غير انسير اتلانتس .. كنت امجربه فيه مطاعمهم ..حلوه.. و بنشوف اذا بودي الصغاريه لشووو الدلافين.. ولو انه الجو مول ما يساعد !!!

[مــهــابه]

الويك اند لي طآف بت في فندق pullman ..

اهم شي انه نظييييف واوكي كـ تغير جو

[شوق القلوب]

اول مره اسمع عنه... شكله حلو....

[مــهــابه]

^
اللي صوب امرتس مول بعد الكمنسكي ..

هو حلووو ، وانا صورت ماقصرت لووول

اي فندق ازوره لازم اصووره وهو يضحك عليه اووونه شرا الهنود والاجانب يصورووون كل شي

[طير الغرام]

Back

:

مطعــم Ushna الهندي

هذا كان أوردريـه






:

مطعـم Frankie's الإيطالـي

أوردريـه





ماحبيــت الباستــا

[شوق القلوب]

مهابه...

بالعكسسسسس هالصور بتكون لها احلى ذكري...

حاولي تاخذين من كل فندق ذكري... ان شاء الله ورقه من دفتر النوتس مالهم...او اكتبي عليه موقف حلو استوى... جمعيهم و رتبيهم في دفتر.. اسكتج بوك...هذا مشروعي المؤجل من كمن سنه... ما ادري متى بتفيجله

[طير الحب]

هههه...شوق انا لازم اكتب نوتس في اي فندق ازوره...ومشروعي مؤجل شراتج ابا ارتب البومات اليهال نو تايم...


سرنا قرية السنافر في بوظبي وايد حبوها اليهال افكار الالعاب حلوة ةفي ارض المعارض يعني مب مكشوفة...والباجي مولات

[خيال الحب]

ابي شاليهات او شقق ع البحر في الفجيره او دبي

كل شي فللللل

شوهالحاله@_@

الي يعرف اماكن بليز يخبرنييي