عندكـ أستعداد

[صدى جوفي]

السلام عليكم ورحمة الله وبركاته..



منو عنده استعداد أيود عيالي ..

.

.

بسير الصالون أتحنى .. طبعا ما ينفع أشل الصغيروني مب زين ريحة الحنة ع صدره

أوكي بودي معاي ميثا تتحنى ولو أني متأكدة بتطفر فيني وباطلع لي قرون

وعلاوي بخليه مع يدته والله يعينها عليه ..

.

.

وإلا أقول بلاش أتحنى خلني يااسة فالبيت أحسن لي

.

.

أقول .. تودون عيالكم وين ما تسيرون ولا تخلونهم فالبيت ..؟

ولو بتخلونهم..

بتخلونهم عند خواتكم أو حد من أهلكم والا عند الخدامة

وبو الشباب ما يتبرع وييلس وياهم..

.

.

انتظر تعليقاتكم

.

.

صدى جوفي

[دمعة شوق]

ههه الله يضحكج دنيا و آخره .. مايسوا عليها بتتحنا ،
أكيد ان شاالله لي عودة ..
:)

[شوق القلوب]

السلام عليكم...


اااااااه... لا تطريلي سالفه الطلعه ويا الصغاريه.... اليوم رادين من دبي مول.... و بنتي خبلتبي.... الا تباني اشلها طول الوقت... ولا الصيااااااااح حدث ولا حرج !!

...

غالبا ما اشل عيالي ويايي... اولا ما يهونون علي اخليهم... وثانيا عشان اطول في الطلعه على راحتي ... طبعا هالكلام ينطبق اذا الطلعه فيها مول... اما مشاوير الصوالين و هالسوالف السريعه... الله يخلي ماماتي... قايمه بالواجب و زياده ..

و للحديث بقيه ...

هلكانه من التعب

[طير الحب]

السلام عليكم

90% وياي دووووم

ولي عودة

[غرور أنثى]

خليهم عند أهلج