كــــان يا مكــــان... في قديم الزمــــان

[شوق القلوب]

ولد شاطر.. اسمه حمادتي...

ومن بعدها.. ابدا اسرد احداث اليوم في محاوله فاشله اني اجذب اهتمام ولدي قبل لا يرقد و اخليه يهدا بدل نقيزه علر السرير قبل النوم... وللاسف بما انه خيالي ناشف و مقفر... فما يهتم وايد بالموضوع !

افكارنا صارت جدا محدوده في ظل وجود وسائل الاتصال من اي فون و بلاك بيري و من قبلها الانترنت و المسنجر... قراءاتنا صارت جدا قليله.. حتى الجريده يالله جان جلبناها شوي قبل لا نرقد...

ومب بس احنا الي انعاني... حتى اطفالنا... اليهال بو سنتين عندهم اي باد !!! وهذا من باب التدليل و المحبه و ما ابا اقصر عليه بشي... لكن للاسف حرمهم من من النشاط و اللعب في الحوي.. الناس اتسوت مب فايقه لعيالها... يبونهم ساكتين في مكانهم و يلعبون... و اتوقع الجيل الياي بيكون منغلق على نفسه اكثر و اكثر...

مساكين... تلقينهم صاير من ام بي سي ٣ و نيكلوديان.. و براعم اللي اعتبرها الافضل من بينهم
حتى كان يا مكان.. في قديم الزمان ما اظني يعرفونها
..

اااااه.. شكلي بغفل...
وجنه باب الحجره انفتح .. و صوت ريول صغيره اطلعت تركض

[المزوحي]

يايه ترقدين حمودي ورقدتي بداله ، تصير فعلا

الله يعينا مع الجيل اليديد

كان يا مكان في قديم الزمان هناك واحة من الواحات اسمها واحات بن دبي

[الهيثــم]

بسم الله الرحمن الرحيم

ضريبة التطور في التكنولوجيا وفي وسائل الإعلام المختلفة
الحين بدال جهاز كمبيوتر واحد في البيت .. كل شخص في البيت يحمل كمبيوتر .. بشتى أنواعه .. سواء آي باد ولا آي فون ولا بلاك بيري .. هي في النهاية اتغطي وايد أمور من تصفح مواقع وألعاب وتراسلات فورية

فـ صار الأمر أسهل من ذي قبل بـ وايد وايد ..
أعرف واحد من الاهل مرة من المرات تصادفنا في طلعتنا في أحد المراكز مع بعض .. كنا مودين الصغارية للألعاب .. وهو كان يتمشى وياي .. والله ما أبالغ إنه قتلكم هالإنسان ما تكلم وياي أو فاتحني بموضوع .. إلا إذا انا قطعت سلسة بلاك بيريته ورمسته .. كان مندمج اندماج مش طبيعي مع الماسنجر ..

هذا ونحن مع بعض وما سولفنا .. فـ كيف بيكون في تواصل من الأساس ..
فـ هالنوع من التكنولوجيا أثرت حتى على العلاقات الاجتماعية إن لم يتم السيطرة عليها سيطرة من قبل المستخدم نفسه.

وغير الأضرار الصحية الي تسببها كثرة استخدام هذه الأنواع من التكنولوجيا لفترات طويلة من الإضرار بصحة العين والتركيز لفترة طويلة يتعب ويتلف الأعصاب وآلام الرقبة وعدة أمور تسببها الاندماج بشكل كبير في هالأنواع من التكنولوجيا

في النهاية .. نقول دائما لا إفراط ولا تفريط
نستخدم كل شي بحدود وعقلانية ، لنستفيد ونخف الضرر قدر الإمكان
وللتسلية والمتعة والفائدة والتواصل .. ولكن بحدود وكل شي له وقته

وجزاج الله خير يا شوق ع المداخلة الطيبة

[المزوحي]

الهيثم

كان مندمج في البلاك بيري، صح انا اتنرفز يوم شخص ماسك البلاك بيري ومتجاهلني، مب عشان انا ما عندي بلاك بيري، ولكن انا ماحب اكون جيه بعد .. عشان محد يتذمر مني !

البلاك بيري قرب البعاد وبعد القراب

يمدحون البلاك بيري وإذا شخص صادفك يقول لك على طول عطني البن كود مالك ، عنده ثقه كبيره إنك تمتلك هالجهاز ..

ناس من سنين ماشفتهم ويكونون وياك على اللسته .. والواحد مايصدق خبر ينشر للكل

[الهيثــم]

يقرب البعاد .. فـ هاي صدقت يا خوي

[خيال الحب]

راحت موضة البلاك بيري ويانا الاي باد

الحين بالميلس كل حد مجابل الاي باد ويطقطق ع الالعاب .. خلص من هذا رجع للبلاك بيري@_@

صرنااا بلاك بيريين بشكل مو طبيعي@_@


الله يعينهم اليهالووووه @_@ احسهم ما بيعيشون شرات طفولتنا قبل..

[طير الحب]

الغلا في مكتبة اسمها كان يا مكان فالخوانيج مشروع سيدة اماراتية يعلمون الام كيف تجذب انتباه طفلها اثناء روايتها للقصه في الاتحاد مول كل سبت يقولون لليهال قصه الساعه 12 الظهر واذا عندهم اي فعاليه خلال الاسبوع يتصلون فيج يخبرونج انا وزوجي عجبتني تجربتهم وايد وقصصهم حلوة برد بشتري مجموعة منهم وبعد ممكن تمرين هيئة الثقافة والاعلام تشتري اخر مجموعاتهم القصصيه ووديه حمودي هو يختار عسب تعرفين
ميوله

وبالنسبة للاي باد انا اشجع يستخدمه الطفل بس ما شاء الله عبادي حفظ الباس ورد وقام يشتري العاب بدون ما يشاور فالحين مخليه الاي باد ببوظبي لين ما يخلص ولاني جد ما عندي وقت ارقابه وهذا غلط فقلت خلني اتخرج واجابله

حبيبتي اونهم متفقين بياخدون الاي باد 2 وحور الاي بود مالها بتعطيه علايه مب يايز لها الاب بود تبا اي باد شرات اخوها...ام بي سي لي تحفظ عليها

وتعرفين شريت كل رسوم الثسعينات لهم اباها يشوفونها


سواء رسوم البنات او الاولاد جونعر...رعد العملاق..سالي...الخ

واذا تحبين اي استفسار تواصلي وياي عالخاص