ديكورات

[طير الحب]

مسا الورد...

حاليا الحمدلله بدينا نشطب البيت....وأتمنى تساعدوني بأفكاركم...

محتارة بألوان غرفة النوم احب الغوامج...بس محتارة بين

العنابي والذهبي

العشبي مع اي لون


الباذنجاني واذا عندكم افكار غير خبروني



المطبخ اخترت له لون صعب السيراميك عشبي على رصاصي وكان لون المطبخ في الصورة اخضر فسفوري...والمطبخ وايد مهم عندي ابا اسويه من الخاطر عيبني شغل محل بالشارجه بس محتارة جدا باللون...


وين ممكن اشتري غرفه نوم وخشب زين لفينا اكثر الاستيلات جديمه وصيني مكتسح السوق..

فكرت ايب من مصر شو رايكم...؟؟؟؟؟؟؟؟؟؟؟؟؟

ولا تنصحوني بمحلات معينه بالبلاد خبروني ما اعرف في دبي

[مــهــابه]

ممم هلآ آم عبودي ..

بالنسبه لـ بيتج ، يعتمد على لون حجرتج الحآليه ، يعني حاولي قد ماتقدرين ماتكررين ف الآلوان والستآيل عسب تحسين بشي يديد ..

بخصوص البآذنجآني آنا آحس يركب مع السلفر وحتى مع الذهبي ، لكن عنآ ف البيت حجره بهاللون البآذنآجي والسلفر كـ ستآير وكنب وجيه آحس طآلع حلو " عملي " ..


آنا ف بيتنآ وآيد سويت آلوردي ومدرجاته ، سويت وردي فآتح آول ماسكنآ وخلاف غيرت ع بيج ، احمر ، فوشي ، .. الخ

هالآلـوان ..


فـ شوو اللون اللي اخترته ؟

آخترت لـ حجرتي الذهبي + مع الفسـتقي ..




آيدار الشبريه هو الوحيد اللي فيه ورق الجدران وسويته شرآ اللي ف الصوره بالظبط لكن بدل البني ذهبي ويدرآن الحجره فستقي

طبعـاً ف البداييه ماشجعني وقآل مب شي وجيييه ، وحتى خوآتي قآلوا مابتظهر الحجره حلوه ، لكن آنا اصريت ، وقلت مع الآكسسورات وغرفه النوم بتطلع حلوه ..

وخصوصاً ان الآرضيه مب جرآنيت آو رخام ..

ف ماحبيت كل شي يكون غآمج ..



مدحولي آثاث مصر وآيد ، بس مآقد شفته ع الطبيعه ، لو في جآنس تآخذين من هنآك لاتفوتين ، وبعدين يعتمد ع الذوق وشكل وترتيب البيت



آنا احب محل يونيك اللي ف العين مول وآآيد ، يعني كـ آسسوار وترتيب وحتى غرف روم آحس آشياءهم حلوه ، انا مالفيييت وااايد ، ولا دورت واااايد ، لآن في بآلي شي وسويته ..


بالنسبه للمطبخ مآعندي فكررررره ..


لو أقدر آصور لج الفيلآ مالت ختيه ام خليفه جآن صورت لآن صدق ريلها اشتغل عليها وتعب ف تصميمها وطلللعت وااااااااااو ماشاء الله ..

بس هي للحين ف بيتنآ ..


آنتي مطبخ حددتي لون الكبتآت وجيه ولآ ؟

آو حاطه شي في بآلج ؟


لـو آتحوطين ف المواقع وتآخذين آفكااار بيسآعدج هالشي ..

حآولي قد ماتقدرين كل حجره تكون كـ شكل غير عن الثآنيه لكن في شي يربطهن ..

مآعرف شقآ آشرحلج ..

[مزن هتان]

أم سيف اتدور على محلات المطابخ
ريلها متبهدل معاها، مو أي شيء يعيبها

خلصت من الثريات و الحين تدور على محلات مطابخ
ساحبه أخوي هاليومين، ريلها شل ايده

[مايهزك ريح]

^
نحنا مجربين ...
الميدور للمطابخ .. في دبي
ايكيا .. دبي >>>>>>( بس لازم تنتبهون لأنهم وايد يغلطون )
المري للمطابخ في الشارجه ..

[طير الحب]

هذا المطبخ بس لونه بيكوني عشبي خشبي وفيه تغيرات بحكم مساحه المطبخ بس عموما هذا شكله

[طير الحب]

العشبي للمطبخ

لبني المحروق للدريسنج روم الي بغرفتي


الرصاصي للكبتات في الدريسنج رووم



تعليقاتكم وافكاركم بليز

[طير الحب]

شو رايكم فلبغرفتين شو الاحلى....بالنسبة للغرفة الي لونها بني محروق الكبت بابه سلايد وكنت افكر اغير المرايه بالمرايه الي تحت في حاله اقتنعت....


وبخبركم رايي بعدين باجر بحط صور غرف اليهال هم اختاروهم عطيناهم الحرية يختارون

[طير الحب]

مهابه...والله كل حياتنا في شقق ولون اليدار أبيض....ابا غرفتي فخمه من حيث اللون والستارة


المجلس ستايله ابا فخم


الصاله ستايل امريكي عملي وانيق


غرف اليهال على ذوقهم بنشتري الروم ست

وابا اعرف شايفين قماش على رسومات اطفال في مكان غير ايكيا



مايد وايد شكرا...بس ايكيا مطابخهم تناسب مطبخ داخلي مع الوقت وجونا الحلو مطبخهم ما يستحمل وايد بس سويت مطبخي على استايل ايكيا من حيث التخزين

مزن بحط صورة المطبخ الي اخترته طبعا عدلت عليه وخبري ام سيف .



حطولي صور الوان غرف النوم

[مزن هتان]

امممم المطبخ عيبني وايد براويها اياه، بس ما قلتي لي منين سويتي المطبخ ؟
عن الغرف امممم البني المحروق اللي بيبانه سلايد أشوفهم افضل و أنسب اذا كانت
الغرفه صغيره

و اذا الغرفه وسيعه راح يناسبها الاثاث اللي بالصوره الاولى

[المزوحي]

يعني اخترتي عند من تسوين المطبخ ؟

[مــهــابه]

طير :

مآتحسين آنه الحجره ضيجه ووآيد متروسه ؟

هو يعتمد ع مسآحه الحجره ، بس انا مثلاً ما احب الحجره تكوون وااااااااايد زحمه ، لو مافي مكآن آستغنى عن آشيا مثل التسريحه ..

لون الحجره الآولى شرآت حجره ختيه العوده فـ بيتها ، بس لآن بيتها شوي الحجر صغآر وهي مش حآطه آضاءه قويه ف امبين واااااايد داكنه لكنهآ حلوه بمآ آنه ماعندها يهال

بس يمكن انتي عندج علآيه وبتكون عندج ف الحجره مآينفع


بعدج دوري ، البيت جيه يباله حوااااااااااااااطه من الخاطر ..

[مــهــابه]

شورآيج بهن ؟ هذيل كلهن من محل 2xl عندهم آشياء حلووه

مارحتيلهم ؟

[شوق القلوب]

انا اتعيبني هالاستايلات.. مهابه

[مايهزك ريح]

2XL .. مركز الغرير و اب تاون مردف
Unique او Q .. دبي مول و الواحه سنتر
the one .. مول الإمارات وشارع جميرا المنطقه الأولى
home option الكرامه .. في نفس سيد البريد المركزي
ID design .. مول الإمارات

من احلى المحلات للي يحب الأثاث المودرن
ID design عندهم صباغين فنانين اذا تبين تصبغين الغرفه .. !

[مزن هتان]

شكلي بغيّر أثاث غرفتي
تحمست من شفت الصور اللي حاطتهم مهابه