*&^& بـــرودكاست&^&*

[طير الحب]

السلام عليكم ورحمه الله وبركاته...

خطرت ببالي فكرة ...طبعا من الاستخدام الايجابي للبلاك بيري الخدمات المطروحه من قبل مؤسسات أو أشخاص غاية في الرقي سخروا هالخدمة لهدف سامي...

طبعا هذه النقطة الأولى الي راح أتكلم فيها لاحقا...



الموضوع الي يتمحور حوله العنوان برودكاست وتعليقك عليه... ومثالي التالي:


كلام صريح وموجه للكل
بمناسبه عيد الاتحاد
‎​‏​‏​‏​شوفوا بعطيكم اياها من الأخير ..
احتفالات البلاد لليوم الوطني بعد فترة ..

سوالف البنات المنحطات/ ما نباها ..
قلة أدب و رقص معلاية/ ما نبا ..
شباب يحوطون بين السيايير و يدورون سيايير فيها بنات و حريم و يرشونهم بالرش/ ما نبا !
شباب يلبسون وزارات و فوانيل و يتحرون أعمارهم رايحين الغوص و يتمشون بين السيايير بهالمنظر/ ما نبا!
شباب يشلون بسياييرهم بنات من مختلف الجنسيات و يخلونهن يترقصّن بلبس مرصص و على اغاني معلاية/ بعد ما نبا!

كل واحد يحشم عمره و يتأدب، استووا رياييل و خلكم على قد مسؤولية هالوطن اللي حضراتكم أتمثلونه و خلكم رياييل ينشد فيهم الظهر ..

و اللي ما ترضونه على خواتكم و أهلكم لا اتسوونه في بنات الناس، ماله داعي تخربون على الناس احتفالاتهم/ تتحرون اعماركم خفيفين دم يوم ترشون الحريم بهالرش و الماي؟ ما اعتقد ترضون هالشي على خواتكم! يعني وصلت فيكم ان حتى البنات اللي أبوهن وياهن ما حشمتوهن و لا حشمتوا أبوهن!

غير عن جيه / البنات اللي من جنسيات ثانية و شادين حيلهن و يتحرون يوم بيلبسون عبي مرصصة و بيتدلعون باللهجة الاماراتية بيستوون اماراتيات؛ بس حبيت أقوللكم شي:
الدار دارنا و الاحتفال احتفالنا/ ما لكم شغل باحتفالاتنا! تبون تحتفلون؟ أحشموا أرواحكم و احتفلوا بأدب و أعتزوا ف البلدان اللي انتوا يايين منها .. ماله داعي تشويه صورة بنات البلاد المحترمات!
و هالكلام بعد للامارتيات و الاماراتيين اللي مناظرهم تفشّلنانحن گ شعب اماراتي/ انتوا تمثلون دار زايد يا ناس ..
احتفلوا و ارتقوا بطريقة احتفالاتكم/ مالها داعي المظاهر اللي تخالف الدين و تخالف القوانين / ف ماله داعي المكياج و الرقص ترانا مب ناقصين تشويه نحن !
و بالنسبة للناس اللي بتقول ان البنات المحترمات يتمّن بالبيت استر و ابرك:
ترى الاحتفال حق شعب الامارات بكبره، ما قالوا بس الرياييل يشاركون فيه .. حال البنات من حال الرياييل/ و يوم انهن حاشمات أرواحهن و ظاهرين بأدبهن فَ ترى محد يقدر يقول ششي .. المحترمة محترمة في بيتها و إلا في الشارع .. البنت بتحتفل و بتستانس ب عيد اتحاد دولتنا حالها حال الغير..
العيب مب بالمشاركة باحتفال البلاد/ العيب لما البنت تظهر بعبي مرصصة و مكياج و الشعر ثلاث أرباعه برع و تترقص
*
ربے استرنے فـٷق الأرض ٷ تحت الأرض ٷ يـٷم العرض









لي عودة خلاص لازم اطلع علي امتحان بس عسب ما تضيع افكاري كتبته.

[طير الحب]

اوافق على مضمون الموضوع بشكل عام من باب غيرتي على وطني...لذلك قمت بارساله



تذكر دائما ان ما ترسله يعبر عن اسلوبك وطريقة تفكيرك


ودمتم بخير

[المزوحي]

ماعندي بلاك بيري عشان اطرش برودكاست ^_^

لا

اقصد عاشت الامارات

شكرا لج على الموضوع

[طير الحب]

المزوحي...العفو :) شكرا عالتواجد:)

من الخدمات الجميلة والتي تشارك فيها مؤسسات خدمة ثقافة بلا حدود...ومن خلاله تستطيع الاستفسار عن جميع الاحداث الثقافية ...ويقومون بإرسال بعض المقولات أو الامثال التي تغذي الفكر ...بصراحة خدمة جدا رائعة.

[المزوحي]

وين اصحاب البلاك بيري يشاركونا الموضوع

[دبلوماسية]

ســلام !

كلامـج يــاختيه للأسف صحيــح ،، ســوالف وحركــات مالها داعــي




واللــه يعيــنا ع الاحتفالات اليــايه


والسمــوحه

[دمعة شوق]

تـذكـرتـكم فـ أحببت ان تشآركـوني بـ / شجـرة فـ | الـجـنـة
فقـولوا ..

لا إله ألا الله محمداً رسول الله ..
لا حول ولا قوة ألا بالله ..
سـبحآن آلله وبحمـده سبحآن آلله آلعـظيـم.

~

شكراً لج يـ طـير آلحـب

[طير الحب]

لا إله ألا الله محمداً رسول الله ..
لا حول ولا قوة ألا بالله ..
سـبحآن آلله وبحمـده سبحآن آلله آلعـظيـم.

[غرور أنثى]

الصراحة برودكاست مميز

[طائر الأشجان]

الحمد لله حمدا كثيرا طيبا مباركا فيه ..

22994_imgcache.jpg