آخـــر الــمــواضــيــع

النتائج 1 إلى 14 من 14

الموضوع: بلاد حلوه...جو احلى...شعب احلى واحلى

  1. #1
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    بلاد حلوه...جو احلى...شعب احلى واحلى

    السلام عليكم ورحمة الله وبركاته



    في تاريخ 25/09/2010 سافرت لإيرلندا عن طريج مطار ابوظبي الدولي لانه طيران

    الامارات للاسف ما عندهم رحلة مباشره





    الرحلة خذت سبع ساعات ونص تقريبا اصيح عشان طول المده وكنت مريضه بعد. لكن البلاد تستاهل العنوه



    تقع ايرلندا في شمال جنوب القاره الاوروبية وتحديدا جنوب بريطانيا. كانت مستعمره بريطانيه وبعد التحرير ظلت شمال ايرلندا تابعه لبريطانيا




    شعب ايرلندا مختلف تماما عن البريطانيين. ناس في قمة الذوق وحبوبين وايد



    بالنسبة لدرجة الحراره اول ما وصلنا كانت تقريبا في حدود 15 لين 17

    و في اخر اكتوبر وصلت 10 في النهار وفي الليل وصلت 7





    تمينا هناك لمدة شهر بالضبط في مدينة دبلن



    سكنا في فندق ميريون (خمس نجوم) وهو من الفنادق العريقه عندهم وتم بناه في

    1769






    ادمنت على اكل الاسكريم في الفندق. ذكرني بالاسكريم مال اول






    لكن للاسف الهوت شوكولا عندهم مب دوم مضبوط بس عموما لاباس فيه






    وطبعا عندهم الكب كيك لذيييذ






    قريب من الفندق حديقة ستيفن جرين (Stephen's Green Park) وهي كذلك قديمه اتبرع بارضها واحد من اثرياء ايرلندا. الحديقه موجوده من سنة 1664. هاديه وحلوه وروعه خاصه في الجو البارد



















    هجوم عالاكل





    ----------


    عيبني وايد شارع للتسوق اسمه كرافتون، الشارع حي وايد، عالم سايره يايه وهذا مدخل الشارع






    وفيه ناس من اهل الفن






    وفيه مركز مشهور اسمه براون توماس، فيه الماركات العالميه وقسم العطور والمجوهرات وقسم للبيت. وايد عيبني المركز






    الشارع فيه الكوفي شوبس طبعا ومن بينهم كوفي شوب اسمه بيولي وشكله معروف لانه مذكور في قصه اقراها هاي الايام وبعد دومه زحمه رغم انه دورين ومكان وسيع.






    فيه محل للصناعات المحليه اسمه افوكا. عندهم اكثر من فرع. فيه كتب طبخ، صابون، عطور، ادوات مطبخ، بذور وادوات للحدايق






    واكلهم لذيييييييييذ





    ----------


    زرنا متحف الشمع عيبني مع انه مب كبير وايد. فيه شخصيات سياسيه وسينمائيه وكارتونيه بعد






    في دبلن توجد ثلاث متاحف غير الشمع. متحف الرسم، متحف التاريخ الطبيعي ومتحف الاثار. ماصار لنا نصيب انزور المتحف الاخير ومتحف الرسم ممنوع التصوير فيه. هاذيل صورتين من وايد صور خذيناهم من متحف التاريخ الطبيعي










    ----------


    حديقة الحيوانات عندهم وايد كبيره وفيها طبيعه حلوه. اليوم اللي سرناه كان الجو وايد بارد طبعا ابرد عن المدينه لان الحديقه في منطقه مفتوحه.






    كنت خايفه من الاخ في الصوره اللي تحت وبالزور وقفت اصور عداله






    ----------


    سرنا منطقه اسمها مالاهايد يسكن فيها الاغنياء وحد من السفراء. مثل ما قلت الجو روعه في دبلن لكن الاروع وسبحان الله الغيم كانه رسم وقريب والسما عندهم صافيه وزرقا بمعنى الكلمه.






    ----------


    مره خذنا باص مال السياحه ويلسنا فوق وطبعا الباص مكشوف. ايدي اتيبست من البرد لكن مابغيت انزل تحت عشان احب اشوف المنطقه بوضوح. الجوله طبعا كانت في دبلن وخذت ساعه بعشرين يورو للشخص.






    ----------


    حضرنا مسرحية روميو وجوليت بالصوره الحديثه وكانت مسرحيه تمثيليه صامته










    ----------


    وهاذي ركشة دبلن







    ----------


    مرينا على منتجع ماكردين وهو يبعد عن دبلن حوالي ساعه. المنطقه وايد حلوه محاطه بمزارع









    ----------


    بالنسبه للمطاعم، كلنا في مطعم هندي، لبناني ومغربي. احلى اكل ذقته المغربي ولين اليوم خاطري فيه






    واحلى حريره






    -------


    في النهايه ان شا الله التقرير عيبكم، ادري انه مختصر وايد وحتى الصور مب معروضه بالصوره المطلوبه بس السموحه. واغلب الصور نحنا فيها فما قدرت احطهن. وهذا احلى غروب شفته في حياتي على نهر ليفي في دبلن




  2. #2
    بروفيسور متميز الصورة الرمزية دمعة شوق
    تاريخ التسجيل
    Feb 2004
    المشاركات
    4,708
    قوة التمثيل
    481

    رد: بلاد حلوه...جو احلى...شعب احلى واحلى

    شـي جميـل أهم شـي آنـكم آستـآنسـتـوا
    :)
    وحـلوة شكلها كآنت رحلـتـكم وآلمنظـقه آمبين عليها هآآديـه
    ~
    مشـكوره على التقـرير
    ")
    ,

    قـُلــوْبّ تُـرِيــدْ وَ رَبّ يـشَـآءْ } ~



  3. #3
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    رد: بلاد حلوه...جو احلى...شعب احلى واحلى

    الحمدلله استانسنا وايد وفعلا البلاد هاديه

  4. #4
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: بلاد حلوه...جو احلى...شعب احلى واحلى

    مشكورة على التقرير .. شوقتينا انسيرلها ^_^!!

  5. #5
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: بلاد حلوه...جو احلى...شعب احلى واحلى

    حلوه البلاد =) ما شاء الله
    شكرا عالتقرير خيّتي الخليجيه
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  6. #6
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    رد: بلاد حلوه...جو احلى...شعب احلى واحلى

    البلاد والله مثل ما قلت تستاهل العنوه. احين واحد من اهلي راجع من هناك وايقول درجة الحراره اول الصبح توصل واحد. ايرلندا كلها حلوه بس للاسف ما سمحت الظروف نتجول فيها الا دبلن

    اخويه ما يهزك ريح نتريا التقرير الكامل عنها من عندك باذن الله

  7. #7
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    رد: بلاد حلوه...جو احلى...شعب احلى واحلى

    ومزن عفوا اختيه

  8. #8
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: بلاد حلوه...جو احلى...شعب احلى واحلى

    هلا أختي خليجيه
    سفرة موفقة ووناسة والحمد لله
    بس زعلت عن الصور مش موجوده

    حتى الصور مب معروضه بالصوره المطلوبه بس السموحه. واغلب الصور نحنا فيها فما قدرت احطهن. وهذا احلى غروب شفته في حياتي على نهر ليفي في دبلن

    طيب تستطيعين عرض الصور بتعديل الصورة حيث قطع الأشخاص المتواجده فيها

    شكرا على تقريرج المفيد




  9. #9
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    رد: بلاد حلوه...جو احلى...شعب احلى واحلى

    بس الصوره احسن يوم تتصور بغرض العرض في منتديات مثلا، بدون اشخاص عشان يوم نمسح ويوهم الصور ما تطلع وايد حلوه.. وانا الصراحه ما كنت حاطه في بالي اسوي تقرير. وبعدين حجم الصور كبير وحاولت اصغرهن قد ما اقدر لكن للاسف ما طلعن زينات وايد

  10. #10
    مـشـرف واحـات
    مـشـرفـة الـواحـات الـعـامـة
    الصورة الرمزية شوق القلوب
    تاريخ التسجيل
    Dec 2001
    المشاركات
    5,889
    مزاجي
    Pensive
    قوة التمثيل
    565

    رد: بلاد حلوه...جو احلى...شعب احلى واحلى

    السلام عليكم..

    للاسف مت طلعت عندي ولا صوره !!!

    ..

    حبيت موضوعج.. تدرين ليش..؟؟ لانه ايرلندا اكثر بلد زرته.. زرناها ثلاث مرات.. و كل مره اتم فيها اكثر من شهر.. و في مره تمينا شهرين و شوي.. اجازه الصيف كلللللها...

    زرت متحف الرسم و التاريخ الطبيعي و وايد استمتعت فيهم.. و يوميا تقريبا كنت اسير حديقه ستيفنز جرين.. و يا سلام على ايس كريم الكاكاو باللوز.. كنت اخذه من اول شارع جرافتن.. حتى لو الاجواء مطر و برد.. اشتريه..

    و هالمطعم اللي طريتيه .. ماكله فيه مرتين.. حتى اذكر فوق امسوين مثل المتحف الصغير..

    كنا نتسوق من جرافتون و هنري ستريت...
    و مره سرنا حديقه كلها العاب ماىيه بس هاديه.. و مزه سرنا منطقه جبليه.. حلوه..

    دبلن بصفه عامه مدينه قديمه و شعبها لا يقارن بالبريطاني... ناس طيبين و شرحين حتى لكنتهم غييير..
    ..

    يالسه اكتبلج و مرت في بالي ذكريات وااااااايد.. :)
    خاطري انسافرلها مره ثانيه..
    .
    .

    ربي.. لك الحمد
    .
    .

  11. #11
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    رد: بلاد حلوه...جو احلى...شعب احلى واحلى

    الله يكتب لنا زيارات لها ان شا الله

  12. #12
    المشرف العام للموقع الصورة الرمزية الحاضر الغايب
    تاريخ التسجيل
    Apr 2002
    المشاركات
    1,598
    مزاجي
    Chatty
    قوة التمثيل
    200

    رد: بلاد حلوه...جو احلى...شعب احلى واحلى

    السلام عليكم

    ماشاء الله والله شوقتونا لزيارتها

    انزين كيف الجو عندهم هالفتره ومتى احسن وقت للسياحه في ايرلندا

    والسموحه
    كــــــل عام وأنتم بخـــــــــــــير

  13. #13
    عضو جيد الصورة الرمزية خليجيه
    تاريخ التسجيل
    Dec 2009
    المشاركات
    110
    مزاجي
    Fine
    قوة التمثيل
    179

    رد: بلاد حلوه...جو احلى...شعب احلى واحلى

    طبعا الجو احين وايد بارد وصل ناقص -4

    اول الصيف بيكون افضل للي ما يتحملون البرد

    يقولون انه جو ايرلندا من ثابت. يعني الشهر اللي كان فيه نسبة بروده ممكن ايكون حار السنه اللي عقب والله اعلم.

    انا بالنسبة لي ناسبني شهر 10و11

  14. #14
    عضو فعال الصورة الرمزية سبيجة
    تاريخ التسجيل
    Dec 2001
    المشاركات
    497
    مزاجي
    Breezy
    قوة التمثيل
    295

    رد: بلاد حلوه...جو احلى...شعب احلى واحلى

    السلام عليكم


    باين عليها بلاد حلوه ..ورحله موفقة ...


    افكر اسافر في شهر 4 أو 5 .. وحابه اسير اوروبا ...

    والحين فكرت في ايرلندا ... شفت الفنادق ,,, وبالنسبه للطيران ...ما اعتقد في دايركت إلا على الاتحاد صح ؟؟؟ طيران الامارات لازم توقفين في مانشستر ..


    ابا اعرف شو اللي يميز دبلن عن باجي البلاد الاوروبيه ...؟!!

    وما شاء الله اشوفكم انتي وشوق ..كلكم تميتوا اكثر عن شهر ... هالشي مستحيل اتخيله .. انا من النوع اللي أمل بسرعه ولازم اغير ... شو الشي اللي خلاكم اتمون هالمده؟؟؟ كنتوا جروب كبير ؟؟

    انا اذا بسير ... بنكون روحنا انا وريلي ... شو ممكن نزور ونسوي هناك .. ياريت لو تفيدوني أكثر ,,,


    شكراً جزيلاً
    اثنان يذهبان ضياعاً

    المعروف في غير اهله .. المعروف في عقل يتباهى بجهله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. احلى همر !!!!!!!!!!!!&
    بواسطة بن دبي في المنتدى واحة السيارات والدراجات والقوارب
    مشاركات: 7
    آخر مشاركة: 04-10-04 ||, 03:47 AM
  2. احلى كيكه من احلى صدوي
    بواسطة صدى الأحزان في المنتدى واحة المأكولات
    مشاركات: 6
    آخر مشاركة: 06-01-03 ||, 03:20 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •