تـــقريري المـــتواضع لـــ هــونج كــونج

[المزوحي]

السلام عليكم

اسمحوا لي بالتقرير البسيط لهونج كونج واللي هي تنقسم لكولون وهونج كونج

نحن سكنا في المدينة الشعبية كولون ، أما هونج كونج تعتبر المدينة التجارية

اعتمادهم الكبير في المواصلات على المترو ، يمشون بكثره

وأول شي يعتبر مطارهم ضخم جدا ، أول ماتوصل المطار ويختمون الجواز

مافي غير إنه المترو ينقلك عشان تستلم الشنط ( وهنيه النقل مجاني )

تابع للمطار

أما إن كنتوا حابين تنتقلون من مكان لمكان عن طريق المترو شوف الجهاز



شوفوا المنطقه اللي تبون تنتقلون لها ، تضغطون على المكان وبيظهر على

الشاشه كم السعر



طبعا هم عمليين، نادر محد يساعدك ، يعني دبر عمرك


للموضوع بقيه

[المزوحي]

زيارتنا لحديقة أوشن ( أوشن بارك )

فيها عروض، بس منطقة الالعاب للكبار، تنتقلون بها عن طريق التلفرك ( كيبل كار )




وهنيه الدخول















بعد ماتنزلون ، الناس كيو على كل لعبه والجو رطوبه والناس فيهم صبر إلا نحن



خذنا عمرنا وطلعنا ، تعب في تعب في تعب

[المزوحي]

اليوم الثاني

citygate الاولت لت جريب من المطار، يعني كان علينا مشوار نص ساعه تقريبا



بعد ماتسوقنا، انتبهنا إنه شي كيبل كار عندهم وقلنا خلنا نشوف وين يودينا



سرنا لين وصلنا أعلى قمه في اليبل كل هذا عشان الأخ اللي يالس فوق



هنيه عقب مانزلنا من الكيبل كار



مشينا وشي دكان صغير إذا تبغي تشتري هدايا تذكاريه





أول ماوصلنا كل شي كان مسكر، المطاعم، بغينا نشرب شي على الاقل

قالوا لنا لا

بغينا نرد، ولا 500 شخص ينتظر الكيبل كار عشان الرده وزحمه فضيعه

حصلنا باص يردنا لأنه لازم نتريا هذا كله والباص دفعنا له زياده وردينا فيه والجو

كان مطر

[المزوحي]

اليوم الثالث حبينا ننتقل للضفه الثانيه وهي هونج كونج

كان الــferry جريب من الفندق، يعني تمشي دقيقه وتحصل المحطه

عشان نسير نشوف هونج كونج من فوق البلاد





بعد ماركبنا العباره وصلنا خلال عشر دقايق









هذا اطول برج عندهم وفيه مول اسمه IFC MALL للأسف ماشي وقت نسير له

لأنه خذنا جوله بالباص




ماعرفنا وين نسير فخذنا تكسي وقلنا له نبغي نسير THE PEAK

جربنا من المحطه



شفنا الناس مسوين كيو كان واااااااااااااااااااااااا يد طويل وعشان الاختصار

شفنا شركة BIG BUS اللي منها في دبي عشان ياخذونا جوله

بس قبلها نركب الترام ويودنا فوق

مع إنه اختصرنا لكن تمينا نتريا وايد بعد









وصلنا فوق طبعا فيه محلات وكوفيات ومطاعم ومتحف الشمع





طبعا المنظر في الليل روعه

وبعد مانزلنا ، شفنا مطاعم





سرنا NYF شفناه برع قلنا نصبر عمرنا بالفرايز









عقب سرنا نركب الباص





وعقب ماتجولنا به وصلّنا عند المحطه، فماسرنا المول

[طير الغرام]

ماشاءالله تقريـــر رائــــع
كفيــــت ووفيـــــت
والمنــاظر حلــوه وايـــد خصـه الفيــو اللي ظاهـره فيـه العمايـر من فـوق

بالتوفيــــق

[مايهزك ريح]

يا عيني على المكان الفنان .. تسلم على التقرير الغاوي

[المزوحي]

شكرا اختي طير الغرام وهالمنظر يكون من فوق تشوفين هونج كونج بكبرها

مايهزك ريح الله يسلمك أخويه


كنت أتمنى يكون التقرير افضل من جيه بس الصور عطتكم فكره على السريع

[بحر الموده]

المزوحى
سلامى على هونج كونج صراحه الصور روعه
وعقب آسيا ماشىء احلى مكان عندى... مشكور وماقصرت ونتريا سفراتك اليايه لووول
ماقصرت

[المزوحي]

شكرا بحر الموده _ يبالنا سفرة في إجازة العيد

[غرور أنثى]

Τ̲̣̣̥H̶̲̥̅̊ɑ̤̥̈̊П̥̥Κ̣̝̇Ƨ̇� �̣̣̇̇̇