<font color='#000080'>منظر صار طبيعي نشوفه كل يوم , مب بايدنا بس للأسف الشئ صار غصب عنا
البنت صارت تنش الصبح نشيطه على زقزقة الدجاج مب علشان تساعد امها في تجهيز الريوق وتنظيف البيت ( الله يخلي البشاكير ) لكن علشان تستعد للدوام
طبعا تتعدل وتتعطر وتتدخن وادق موترها سلف وتتوكل على الله ( على بالها رايحه عرس )
للحين كل شي طبيعي , بس اللي مب طبيعي ان في نفس البيت شخص نايم للظهر , واللي هو اخوها الحبيب خريج جامعي مخلص من سنتين وللحين مب لاقي وظيفة , بينما اخته تشتغل بشهادة الثانوية العامة ( على قولة اخوانا المصريين " عشنا وشفنا " )
ظاهرة غريبة منتشرة في هالوقت وللاسف مب لاقين لها حل او سبب . ( يا حبة عيني ) الخريج يقعد يلف الدوائر الحكومية والخاصة اللي تهتم بتخصصه لكن للاسف يلقى جواب واحد ( لا يوجد شاغر ) او بالعربي الفصيح ( مفيش وظايف دلوئتي ..... تعاله بعد سنه ) . ولو راح دوائر ثانيه مالها اي خص في اختصاصه يقولون له ( يالطيب انت تخصص هندسة ليش تقدم في الصحة ) !!!
انزين شو الحل ... وشو السبب ؟!؟!؟!؟ ليش اصحاب الشهادات الثانوية يحصلون شغل بسرعة والخريجين طايح حظهم ؟!؟!؟ ليش البنات يتوظفن بسرعة والشباب طايحين في لبيوت بلا شغل ولا مشغله ؟!؟!؟
لو مسكنا السبب الاول وحللناه من عدة جوانب بنطلع بنتيجة منطقيه وهي :
1- ان شهادة الثانوية العامة كانت تشغل الواحد بدرجة نائب مدير ( طبعا هذا في العصور الغابرة ) , اما الحين فيا دوب خريج الثانوية يحصل وظيفة مندوب يراكض تحت الشمس من مكان لمكان .
2- خريج الثانوية العامة صارت عنده قناعة بأن شهادة الثانوية العامة صار حالها حال شهادة الاعدادية , يعني ما تأكل عيش وعلشان جذيه رضى صاحبنا بالمعاش اللي يحصله واللي ما يتجاوز
الـ 2000 دي أتش هذا اذا زاد طبعا .
3- السبب الثالث والاخير والخطير ان قطاع العمل صار مليان من اشكال بابو وراجو وكومار اللي يايين بفيزة زيارة ومعاهم كيلو ونص شهادات مزورة ومسماهم الوظيفي مدير , مستشار , مهندس وخبير وعلى قولة المثل ( رزق الهبل على الـ .... ) .
هذا بالنسبة لسبب الاول ام السبب الثاني فهذا سالفته سالفه , فخلونا نحلله تحليل كيميائي دقيق ونطلع جميع العناصر المركبه له :
1- قالوا قديما في المثل " الماء والخضره والوجه الحسن " وبما ان قطاع العمل فيه ضغط وكبت وتعب فلازم يكون فيه شي يفتح النفس , وطبعا صعب تواجد الماء الخضره لكن ممكن تواجد الوجه الحسن .
2- اثبتت التحاليل والدراسات العلمية بان وجود الكادر النسائي في مجالات العمل المختلفه سبب رئيسي لتنظيم العمل والتقليل من الازدحام ورضا العملاء والمدير ( اونه ) .
3- الكادر النسائي قليل الكلام ولا يضيع وقت العمل في السوالف اللي مالها داعي ولا يحشون في زيد وعبيد , بالعكس الكادر النسائي كادر عمل وبس ( قويه لاه ) .
نرجع لحال ( سي السيد ) وما آل اليه من احبط وكسل وسمنه وضغط وسكر بسبب الطرد الجميل والمنمق اللي يحصله كل مره وهو ( لا يوجد شاغر ) .
لو تخيلنا حالنا بعد 10 سنوات , بنلقى ان المدام صارت هي ( سي السيد ) يعني على الريال انه ينش الصبح ويجهز الفطور وينظف البيت لين المدام تنش ... عفوا اقصد ( سي السيد ) .
وطبعا بعد ما تغادر يبدا هو في عمل باقي الوظائف المنزلية ( يا حظه قبل مب لاقي وظيفة والحين صارت عنده وظائف ) .
بس فيه سؤال محير وهو اذا فكر صاحبنا يعرس فلازم هو اللي يروح يخطب والا يتريا يخطبونه ؟!؟!؟ واذا صار نصيب المهر على من , عليه والا عليها ؟!؟!؟
واذا صار حمل , من اللي بيحمل , هو والا هي ؟!؟!؟!؟
الوضع هذا يذكرني بالهنود لان ريايلها في البيوت وحريمهم يشتغلن ..... بصراحه صدق من قال " العرج دساس " , الله يرحم جدودنا كانوا اذا سافروا الهند يتزوجون منهم , والظاهر ان مورثاتهم الجينية انتقلت لنا نحن .
الواحد ما يقدر يقول شي غير ... الله هيك بدوه والحمد لله على كل شي , والسموحة منكم
<span style='color:firebrick'>حمدالله اني حصلت شغل ولا كنت بطبخ وبغسل ..</span></font>
رد مع اقتباس
مواقع النشر (المفضلة)