يــوم .. ومــيــلاد ..!

**مايهزك ريح** · 20-07-10 ||, 11:07 AM

في مثل هذا اليوم من عام الف وتسعمائه وسبعة وسبعين..
ابصر النور .. مايهزك ريح ..مــايد ^_^!!

كان كأي طفل .. يبدا بالصراخ في يوم ميلاده .. ومرت السنين تلو السنين ..
حتى اكمل اليوم عامه الثالث والثلاثين .. ( وزعلان محد سوالي موضوع happy birthday )

بعد كل تلك السنين التي مرت .. بدأت افكر .. فيما اضعت .. كل تلك السنين التي مرت ..
بين دراسه ووظيفه .. وسفر وتصوير ..

ترى هل تحققت احلامي ..

نعم بعضها تحقق .. والبعض الآخر في علم الغيب ..

واشكر الله على النعم .. التي انعمها علي ..

ومنهم اسرتي .. التي لا استطيع ان ان اتخيل ان اعيش بدون وجودهم في حياتي

وايضا .. اصدقائي في المنتدى .. اعضاء واحات بن دبي ..

وزملاء العمل ..

وشكرا لكل من وصل لهذا المكان وقرأ كلماتي ..

وكل عام وانا بخير

**مزن هتان** · 20-07-10 ||, 11:12 AM

كل عام و أنت بخير أخوي مايد
و عقبال نبارك لك بزواجك، رب يحقق لك باقي أحلامك اللي تتمناها

سامحنا عـ القصور

**مايهزك ريح** · 20-07-10 ||, 11:59 AM

وانتي بصحه وسلامه .. اختي مزن هتان .. ^_^!!

وان شاء اتكون سنة خير عليه .. مادري هالسنه احس اني متفائل شويه اكثر عن العام ..

ومسموحه اختي ..

**صريح** · 20-07-10 ||, 12:09 PM

كل عام و انته بخير بو سلطـان
و عقبال 100 سنة يا رب

و عقبال العرس ان شاء الله
عزم و توكل و لا تتاخر تراه العمر يمشي

ها بديت تصبغ اللحية و لا بعدك شباب ؟
احنا شكلنا سنه زيادة و بنبدا نصبغها و نخفي الشييب هههه

**مايهزك ريح** · 20-07-10 ||, 12:24 PM

حيالله صريح ..
وانته بصحه وسلامه اخويه

انا من زمان اصبغ اللحيه .. !!!!!!!!!
اصلا شعري مكس ابيض واسود خخخخخخخخخ

لازم ادور لي على وحده اتطيع بي وترضى بالشعر الأبيض .. يالله ادعوا لي .. !

**صريح** · 20-07-10 ||, 12:35 PM

الشعر مكس ابيض و اسود شي لابد منه
نعاني من هالشي من سنين خخخخخخخ

الحريم الحشام واايد بس عليك تعزم و تخبر الاهل
و الله يرزقج بالحرمة الصالحة ان شاء الله