آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 29

الموضوع: كــيــب تــاون ~ جـنـوب افـريـقـيا

  1. #1
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    كــيــب تــاون ~ جـنـوب افـريـقـيا

    العمله : الراند ZAR))
    صرف العمله تقريبا 1.82 يعني الـ 100 درهم تعادل 182 راند
    الـضريبه (VAT ) تقريبا 14 %
    السيارات ~ سكان يمين مثل بريطانيا !
    الرحله كانت على متن طيران الإمارات .. استغرقت 9 و 35 دقيقه تقريبا ..
    من الجو ..




    درجات الحراره في كيب تاون تتراوح بين 10 – 20 درجه مئويه في نهاية شهر مايو ..حيث يبدا فصل الشتاء ^_^!!



    كيب تاون بها 4.5 مليون نسمه .. مليون منهم جاليه مسلمه .. ولذلك الكثير من المطاعم الموجوده ..
    مكتوب عليها حلال .. مراعاه لوجود المسلمين ..
    نزلنا في فندق The Westin
    تصنيفه خمس نجوم ..



    وهذه الغرفه .. من الداخل ..


    من مزايا الفندق وجود باص (Free Shuttle) يتحرك كل نص ساعه لفكتوريا وارف Victoria Wharf او ما يسمى بالـ Water Front
    وهذا المكان عباره عن مول .. والمطاعم والكوفي شوب فيه تطل على المحيط ....
    ومنه تقدر تنطلق لرحله بحريه .. طبعا العديد من الرحلات منها الغوص مع اسماك القرش في قفص ..وغيرها الكثير ..
    اول ما يوصلكم الباص مال الفندق بينزلكم عدال الـ Clock tower mall ومنه اتسيرون مشي لين Victoria Wharf



    Clock tower..




    الخارطه .. لتحديد المكان ..


    مناظر من هالمنطقه ..





    لازم اصور لي نورس بما اني على البحر ..



    وهاي العلامه اتراويكم كم بعد العواصم من هالمنطقه ..





    يلسات المطاعم في Victoria Wharf


    تصوير ليلي لنفس المنطقه ..




    السوبر ماركت موجود في Victoria Wharf واسمه Pick n Pay انتبهوا انه الأكياس بفلوس .. فحاولوا انكم تاخذون اكياس (reusable bag ) من كارفور قبل ما اتسافرون ..



    او تاخذون Trolly مثل هذا .. وانا افضل هذا لأنه مريح .. حتى للـ shopping



    وبعد في باص ثاني من نفس الفندق يتحرك لمكان اسمه (Canal Walk ) في ساعات معينه ..
    وهذا شكله ..



    ارجعوا للفندق وتأكدوا من الأوقات عندهم جدول .. وسعر الشخص للرحله الواحده تقريبا 40 راند (one way )
    يعني اذا رايح راد يكلف 80 راند !
    هو عباره عن مول .. ومنطقه سكنيه محيطه به ..
    وهذي بعض الصور للمكان .. المشكله وصلنا متأخر .. وما واحالنا نلفه كله ..




    الـ Food Court


    المنظر الخارجي ..




    بالنسبه للناس اللي يحبون المشاري (Shopping ) وخصوصا البنات .. ما اعتقد انه يعيبهم لأنه مستوى الأشياء اللي تنباع عندهم مب بالمستوى المطلوب (Bad Quality ) للأسف !!!!!
    بس الشي الوحيد اللي حلو .. وممكن يتخبلون عليه هو الألماس ;_;
    اكبر مصانع الألماس موجوده في كيب تاون وعليها حراسه .. يعني مب أي حد يقدر يدخل ..
    وفيه حجر اسمه Tanzanite اشتهر في جنوب افريقيا اكتشفوا وجوده في جبال كلمنجارو .. ويعتبر بمستوى الألماس ..
    ومنه لونين .. الأزرق والبنفسجي .. وكلما كان اللون غامج .. كل ما زاد سعره .. !!!
    ادخلوا السايت اذا حابين اتعرفون عن هالحجر ..
    http://www.etanzanite.com/section4.htm

    طبعا محلات الألماس مجوده في كل مكان .. ممكن تتوقعونه او ما تتوقعونه !!!!
    اول رحله كانت الـ City tour and Table mountain تستغرق 3 ساعات تقريبا
    Table mountain
    التلفريك اللي في هالمكان يشبه TITLIS اللي موجود في سويسرا ..يلف 360درجه وهو يصعد ..
    طبعا انا اول ما شفته ما ركبت .. لأني مليت من التلفريكات اللي ركبتهم .. >_<
    فاكتفيت بالتصوير ..

    وهذه بعض الصور ..







    باص التور ..








    تقدرون تشترون التذاكر online عشان ما توقفون في الطابور ..





    حتى في اليبل .. لازم اصور الورد ^_^!!




    Castle of Good Hope














    وصلنا للمتحف .. بس ما دخلت لأني شفت حديقة الروز(Company's Garden) ..
    وانقهرت لأني مب شال ويايه لا عدسة الماكرو ولا حتى mm50
    هذا المدخل للحديقه ..






    طبعا الصور اهداء لكل محبي الورد ..












    وهذا السنجاب وراريه ورايه يتحسب انه في يديه اكل .. مايدري انها الكاميرا ^_^!!






    وهذا مادري كيف طلعلي !!



    والرحله الثانية .. كانت للـ Cape point and Peninsula وتستغرق 8 ساعات .. من 9 صباحا وحتى الخامسه ..
    ولكن وصلنا الساعه السادسه وذلك بسبب تأخر بعض الركاب في كل منطقه ننزل بها >_<
    اول مكان وقفنا فيه انصور ..
    كأنه الـ French Riviera

    وصلنا للمنطقه اللي تقدرون منها تركبون باخره اتوديكم للـSeal Island
    بس انا ما ركبت ..


    وهاي الباخره ..


    في الوقت اللي ساروا فيه الباخر انا يلست في الكوفي شوب مالهم ^_^!!


    بعدين اتحركنا للمنطقه اللي عاده تتيمع فيها الحيتان في شهر 6 و 7..
    بس كنا يايين من وقت ( شهر 5 ).. وما شفناهن .. >_<
    لكن المنظر رهيب ..

    ومن نفس النقطه اللي كنت واقف اصور فيها .. قربت للمكان اللي كنا قبل شويه واقفين فيه للباخره ^_^!!
    عشان اتعرفون كم مشينا بالباص طالعوا الصوره اللي قبل عشان تكتشفون !!!


    وهنيه التور جايد يشرحلنا .. عن المنطقه .. ومتى اييون الحيتان ..


    Cape of good hope (رأس الرجاء الصالح)

    Cape point




    Two ocean Restaurant

    في هالمكان كنت يالس آكل سندويش الغربان ما خلوني في حالي ..
    شوفوا الوغد كيف يطالعني ..


    وهذا القرد الأفريقي (Baboon) شفناه في الدرب ووقفنا انصوره ~ سامت الأخ


    Penguin

    هالمنطقه يتكاثر فيها البطريق ..


    بس المنظر رهيب فيها ..

    آخر محطه Kirstenbosch Botanical Garden
    في هالمكان حسيت انه البتري مالي خلص .. صدق تعبت >_<









    اتمنى ان يعجبكم الموضوع .. خصوصا اني وايد تعبت عليه ^_^!!

    * أضغط على الصورة للتكبير *
    التعديل الأخير تم بواسطة مايهزك ريح ; 15-06-10 || الساعة 03:30 PM

  2. The Following 6 Thank You to مايهزك ريح For This Useful Post:

    اليازيـــة (20-06-10 ||), خيال الحب (04-05-11 ||), دمعة شوق (16-06-10 ||), شوق القلوب (15-06-10 ||), فرفوش (15-06-10 ||), مزن هتان (15-06-10 ||)

  3. #2
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    356

    رد: كــيــب تــاون ~ جـنـوب افـريـقـيا

    رووووووووووووعة روووووووووعة روعة روعة

    واااااااااااااااااايد عيبني التقرير و الموضوع و الصور .. جنّي سافرت و ردّيت لوول


    واااااااااااايد حبيت رحلاتكم و كل شي كل شي


    شكرااااً أخويه على الموضوع :)
    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  4. #3
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    مشكور على الرد اختي قصايد غلا .. ^_^

  5. #4
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: كــيــب تــاون ~ جـنـوب افـريـقـيا

    مسا الخير ما يهزك ريح

    ما شاء الله مبين ان بلادهم حلوه
    من الصور حسيت ان بلادهم هاديه وايد !

    الاهم انك استانست و غيرت جو
    شكرا عـ الصور و التغطيه، و حبيت صورة الروز اللي ما عرفت لونها
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  6. #5
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    مسا النور اختي مزن ..
    صح البلاد كانت هاديه وخاليه .. محد يمشي في هالمكان .. غير السياح اللي اصلا عددهم قليل .. !!
    الروز كان اشكال وانواع ..
    يباله موضوع روحه ^_^!!

  7. #6
    مـشـرف واحـات
    مـشـرفـة الـواحـات الـعـامـة
    الصورة الرمزية شوق القلوب
    تاريخ التسجيل
    Dec 2001
    المشاركات
    5,889
    مزاجي
    Pensive
    قوة التمثيل
    565

    رد: كــيــب تــاون ~ جـنـوب افـريـقـيا

    السلام عليكم..

    ماشاء الله ... صدق تقرير وايد حلو... و المكان شكله هاااادي.. بس يستاهل الزياره..
    عن نفسي ما اتوقعت الاجواء اتكون جي...
    و ماشاء الله شكلك تعبت ع التقرير.. ربي يعطيك العافيه..:)

    ..

    اكثر صوره عيبتني.. صوره الغراب... صدق انه نظرته وغده ..
    ههههههه..
    .
    .

    ربي.. لك الحمد
    .
    .

  8. #7
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    وعليكم السلام .. مرحبا اختي شوق القلوب ..
    طبعا الأجواء غير للي جربها P:
    والغراب .. عندي له كم صوره .. جنه في استوديو مصور ^_^!!
    بحطهن عقب !

    ومشكوره على الرد

  9. #8
    عضو جيد الصورة الرمزية مزيونه العرب
    تاريخ التسجيل
    Aug 2005
    المشاركات
    117
    قوة التمثيل
    232

    رد: كــيــب تــاون ~ جـنـوب افـريـقـيا

    مـآ كنت اعرف انه في جنوب افريقيآ منآطق حلوه جي
    الصرآحه روووووعه خصيصا انه المكـآن مو مزدحم وهالشيء وآيد حلووو ..

    عيبتني صور الوروود وفي منآطق طبيعيه وآيد حلوه وعيبتني ..
    اهم شيء انكم غيرتو جو واستآنستوا

  10. #9
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    مشكوره على الرد اختي مزيونة العرب ..
    انا روحي ما كنت مصدق انه المكان جيه فنان إلا يوم سرت وشفت بعيوني ..
    وفي وايد اشيا ما قدرت اصورهن لأنه بصراحه المناظر وايد حلوه .. وافضل انه الواحد يزورها بنفسه ويشوف بعيونه روعة المكان ^_^!!
    ومشكورة على الرد

  11. #10
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: كــيــب تــاون ~ جـنـوب افـريـقـيا

    الحمدلله على السلامه

    التقرير وايد حلو ، والشرح مبسط ، وواضح

    والاحلى إنه مافي وايد ناس عندي عقده

    مشكور على الموضوع

  12. #11
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    الله يسلمك مروان ..
    اهم شي انه المكان هادي وما فيه زحمه P:
    ومشكور على الرد

  13. #12
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: كــيــب تــاون ~ جـنـوب افـريـقـيا

    ما يهزك ريح
    اخويه تقريرك ممتاز والتقييم ممتاز
    جهد مشكور عليه
    يزاك الله خير
    عرفتنا بهالبلاد
    ما عليك زود
    وعلى طاري الصور
    استانست وايد على هذه الصوره
    لها ذكريات عندي




    اخوي مايد بغيت اسالك شيخي كيف سويت الحجوزات
    وكم يوم تميت هناك
    او كم يوم يكفينا انحوطها كلها
    وتسلم
    ودايم زيدنا مثل هذه المواضيع

    يستحق التثبيت والتقييم
    ^_^




  14. #13
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    مرحبا فرفوش ..
    بالنسبة للحجوزات ..
    حجزت التذكره بالنت ..
    وبما اني كنت مرافق لشخص رايح لمؤتمر ..
    هو حجز الفندق عن طريق النت وعطوه سعر خاص ....للجروب (تقريبا 2300 راند للغرفه )
    وشل جوازي وطرش المندوب ..وظربلي الويزه ..(هو يشتغل في بوظبي فودوا الجوازات السفاره هناك ) ^_^!!
    تقريبا الويزه خذت اسبوعين ..
    بالنسبه للرحلات ..
    المنظمين مال المؤتمر هم كانوا مرتبين رحلات تور بسعر خاص للمرافقين مثلي في باصات صغار ..
    فخذت لي رحلتين بس .. كلفني تقريبا 1000 راند
    اول يوم وصلنا هناك كنا تعبانين .. فيدوب خذنالنا عشا وماي من المطعم القريب من الفندق ( marimba ) وردينا رقدنا ..
    الرحله كانت اسبوع .. بس ما تكفي لأنه وايد شي رحلات ثانيه انا ما سرت لهن .. لأنه ما شي وقت ..

    انا كنت شال ويايه كاش 2000 راند +1000 دولار
    على اساس اذا قصرت اخرد الدولار احسن .. والصرافين في كل مكان ..
    الأكل ما كان وايد غالي .. سعره معقول .. حتى لو بتشتري من الفندق .. مب غالي
    ولأني ما اجرت موتر .. فما خسرت وايد .. لا بترول ولا دفع باركنج مثل المانيا !!!
    وبعد لأنه ما شي مشاري هناك .. ما يبت هدايا ويايه .. غير Earring الماس للوالده خذته من المطار وشريته بالكريديت كارد .. جيمته 5000 راند !
    فالشنطه كانت خاليه ساير راد ^_^!!

    واذا فيه اي سؤال انا حاظر ^_^!!
    ومشكور على الرد والتثبيت

  15. الأعضاء الذين قالوا شكراً لـ مايهزك ريح على المشاركة المفيدة:

    فرفوش (16-06-10 ||)

  16. #14
    مـراقـبـة واحة التصاميم و الفنون التشكيليه الصورة الرمزية طير الغرام
    تاريخ التسجيل
    Jun 2002
    المشاركات
    7,537
    مزاجي
    Fine
    قوة التمثيل
    643

    رد: كــيــب تــاون ~ جـنـوب افـريـقـيا




    ماشاءالله تقريــر راااااااائـــــع ومتعــــــوب عليـــــه
    وجوهـــم حلـــووو ماشاءالله + الصــــور رهيييبـــه وماعليهــا كــلام
    عيشتنـــــا الأجـــــواء الحلـــــوه
    يبالنــــا انروح اهنــاك

    كفيـت ووفيـت












  17. #15
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: كــيــب تــاون ~ جـنـوب افـريـقـيا

    مشكورة على الرد اختي طير الغرام .. ^_^!!

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •