السياحه في الامارات

[المزوحي]

السلام عليكم

حبيت اطرح هالموضوع عن السياحه في الامارات ونحن مقصرين من هالجانب





الاماكن السياحيه عندنا في الدولة

من فنادق ، مطاعم، متاحف ، سفاري رحلات بحريه .. الخ

المهم

تخبرونا عن تجاربكم، او حتى تعطونا افكاركم وين الواحد يسير وخاصة

في الصيف ، وبالنسبه للي مابيسافرون

الجو ماينقهر ويلسات برع مب شي والمولات كذلك مب شي

خلنا نشوف ردودكم

[عهد الوداع]

وعليكم السلااااام والرحمه

موضوع مفيييييييييييييد صراحه ,,,


اسم المطعم: سي فود ماركت sea food market
نوع الطعام : seafood
الإمارة : دبي - فندق ميريديان المطار
الأسعار: تقريبا للشخص 300 درهم
رأيك في الطعام: رائع جدا و لذيذ
رأيك في الخدمة: ممتازة
رأيك في الأسعار: مناسبة لجودة الطعام
رأيك في جو المطعم : الجو العام حلو و يوجد الكثير من الاجانب و العرب ... و لا يوجد كبائن ولكني لاحظت وجود مكان منعزل و حاطين فيه مثل الحاجز .. للعوايل ..
الحجز المسبق: ضروري
ملاحظات: الي يحب السيفود الصح الصح يروحله ...

-------------------------

اسم المطعم: مسالا كرافت
نوع الطعام : هندي
الإمارة : الشارقة - قناة القصباء
الأسعار: تقريبا للشخص 70 درهم
رأيك في الطعام: رائع جدا و لذيذ
رأيك في الخدمة: ممتازة
رأيك في الأسعار: مناسبة
رأيك في جو المطعم : الجو العام حلو و يوجد طاولات بالخارج حلو في ايام الجو الحلو ....... ولا يوجد كبائن ..
الحجز المسبق: غير ضروري
ملاحظات: مكانه في الضفه الي ما فيها عين الامارات ..

--------------------------

اسم المطعم: تاكو شوب - ماريا بونيتا
نوع الطعام : مكسيكي
الإمارة : دبي - جميرا صوب سبينيس و حذاله مطعم حاتم
الأسعار: تقريبا للشخص 70 درهم
رأيك في الطعام: رائع جدا و الذ اكل مسكيكي كلته في الإمارات على اصوله ..
رأيك في الخدمة: ممتازة
رأيك في الأسعار: مناسبة
رأيك في جو المطعم : الجو العام حلو و كله اجانب نادر ما اشوف عرب يوم اروحله .. يوجد طاولات بالخارج حلو في ايام الجو الحلو ....... ولا يوجد كبائن ..
الحجز المسبق: غير ضروري
ملاحظات: ديكور المطعم يحسسك كانك في مسلسل مكسيكي ... يعني شكله وايد تراثي



لي عوده ^^

[فرفوش]

شكرا أخوي المزوحي بس ياليت تعطينا فكره واضحه كيف نبدأ معاك يعني هل مثل ما طرحته الأخت عهد الوداع أم طريقه أخرى كصور فقط
لو تبدأ أنت ونحن ان شاء الله بنتابع معك وبنكمل
^_^

[المزوحي]

مشكوره اختي عهد الوداع على المشاركه

اخويه فرفوش ، السياحه تشمل كل شي، وطبعا يستحسن بالصور، لكن اللي مايقدر مب مشكله ( حتى لو تعرفون منتزهات، احواض سباحه نظيفه .. الخ )

[فرفوش]

يزاك الله خير اخوي الغالي
انزين انت أبدأ اول عشان نحن نمشي وراك
تراك إماراتي
^_^

[المزوحي]

ليش ماانشط هالجانب من السياحه ؟؟ السياحه في الامارات

إذا حد منكم له تجربه في فنادق الدولة