Mauritius - جـزيـرة الاحـلام

[الـيـاه]

Oh AFRICA!

السلام عليكم
نفس ما قلتلكم في واحد من المواضيع اني من اخلص امتحانات بسير جزيرة لمدة 5 ايام !!

Mauritius
تبعد عن جنوب افريقيا بساعتين تقريبا ويسمون موريشيوس جزيرة الاحلام وانا عن نفسي حسيت اني في رسوم مدغشقر لووول .. طبعا مافيها مولات وهالسوالف كلها اسواق شعبيه ومنتجعات لكنها اكثر من روعـــــــــه

طلعنا من دبي متجهين لموريشيوس وتقريبا توصلون في 6 ساعات



وصولنا لموريشوس



اليوم اللي وصلنا فيه كان الجو ولا احلى ومطر
المنتجع اللي سكناه هو Four Seasons Resort في منظقة اناهيتا شوفو الصور فاللنك عندعم احلى سبا
http://www.fourseasons.com/ar/maurit...os_and_videos/



هالممر اللي يوديكم صوب الرسبشن







في هاليوم سرنا تور بالهيلكوبتر على الجزيره .. صوب الشلالات والنهر الاسود












نسير ليوم ثاني .. سفاري في الادغال لول بتشوفون lion king فالحياه هههه
ياخذونكم تور بالسياره تشوفون الحيوانات من دون اسوار





وخلصت الرحله بسرعه للاسف
وايد وايد حلو المكان وان شاء الله تعيبكم الجزيره

.
.
.

[مزيونه العرب]

السلآم عليكم ..

الصرآحه وااايد حلو المكآن
احب الأمــآكن اللي فيها طبيعه حلوه مثل هااي .. ^^"
والجو شكله من الصور رهيييييييييب .. حتى الفندق حبيته حلوه الطبيعه عندهم..

تسلمين الياه ع النقل الحلوو =)

[طير الغرام]

طبيعتهـــم حلــوه ماشاءالله
شكلكــم استانستــوا فيــها

تسلميــن ع هـ النقــل الرائـــع

[عهد الوداع]

وعليكم السلااااااام والرحمه

يا سلااااااام صج كشته ولا احلى منهااااااااا ,,لوووول ليش ما خذتوني وياكم ,,احم

الي نشوووفه بالرسووم شفناه بصووورج ..

ما شاء الله صج طبيعه عندهم ,,الواحد يسير يسويله رفرش كم من يوووم وويرد ...

مشكوره الياه ع النقل الممتع ,,^^

[الـيـاه]

مزيونة العرب :
الجو على حظنا كان وايد وايد حلو .. هيه الريزورت عباره عن فلل خاصه وها احلى شي فالجزر
اله يسلمج حبيبتي والحمدالله انها عيبتكم ;)

طيرا الغرام :
وايد استانسنا فيها .. هي ما يبالها اكثر من اسبوع بس
ومشكوره حبيبتي ع الرد

[مايهزك ريح]

ما شاء الله المكان وايد حلو .. ما مريتوا علينا .. كيب تاون ^_^!!

[فرفوش]

بالعربي تكتب "جزيرة موريشيوس"
ومنهم من يطلق عليها بجزيرة الأحلام أو جزيرة الخيال
قرأت عنها أن العرب هم أول مستكشفي هذه الجزيره
يسكنها الهنود والأفريقيون وقليلا من الأوروبيون
وهذه خريطتها
Country-Map.jpg

جزيرة جميلة وخلابه بالفعل أختي "الياه"
نتمنى أن نزورها يوماً
ياليت أنعرف متى كانت السفره في أي شهر وهل اللبس في هذا الشهر يكون خفيف والا ثقيل؟
واذا عندج معلومات أو صور فزيدينا
مجهود وكرم رائع أختيه
يستحق التثبيت
^_^

[بنت الدلع]

يا أم الحركااات انتي
الحمدالله عالسلامه اول شي
شو يبتيلنا من هناك؟ p=
حبيت طبيعتهم ماشالله

[المزوحي]

الحمدلله على السلامه الياه، بس هي ما بتعيبنا الجزيره لين مانزورها ..

أكيد الجزيره بتكون حلوه، بس ماكثرتي من الصور ( طمع )

على العموم مشكوره على التقرير السريع ..

[الـيـاه]

عهد الوداع :
لووول يالله المره اليايه جهزي عمرج تين ويايه هههه
صح هي ما يبالها اكثر من اسبوع .. لانه مافيها شي غير الراحه والاستجمام
يعني وايد وايد حلوه حق شهر عسل لول
ومشكوره حبيبتي على الرد

مايهزك ريح :
تدري والله انا بس كان خاطر اسير جنوب افريقيا .. بس مافي وقت للاسف
شو اجواء تحضيرات كاس العالم ؟

فرفوش :
مشكور على هالاضافه .. صح وفيها وايد مسلمين الحين وعملتهم هي الروبيه
يتكلمون لغة ماعرف شو اسمها + هندي شوي غريب + انجليزي وفرنسي
يعني نفس جزر القمر

انا الحين كنت سايره موريشيوس هالشهر .. والجو كان معتدل يعني مطر خفيف بس مب برد ولا حر جوهم حلوو اذا تبا تلبس لبس وايد خفيف ف الصيف هو اللي ينفع
لول المشكله باقي الصور نحن فيها .. ما كان عندي وقت كلها 4 ايام ونص لول

[بن دبي]

بجميع الكلمات المعبره عن الجمال ,, ,, **(( جزيرة الأحلام )))** ,., جزيرة في قمة الجمال ,,,

وشكلي بسويلي تور فيها بس .. أختي الياه ,, ممكن اتخبرينا بطريقة الحجوزات , هل كانت عن طريق مكتب للسفريات ,, وكم تكلفة الرحلة ,,

وكلي شكرا وتقدير ..

بن دبي

[مايهزك ريح]

مرحبا الياه .. عن تحضيرات كأس العالم .. مروبنا التور عدال الـ Stadium
قالوا لنا انه اكبر stadium مغطى بزجاج من فوق .. ضد الصوت .. لأنه في نص منطقه سكنيه .. فما يبون الصوت يطلع ..
وكانوا في مرحله الترتيبات الأخيره .. وناشرين السيكيوريتي على كبر المكان ..
بس ما قدرت اصوره لأنه يباله رحله بالهيليكوبتر ..

[أنامل قلب]

حلوه واااااايد ما شاء الله ،
تريح النفسيه وتنعشها ..

مثل ما قالو ، مشكوره جدا عالطرح اختي ولمشاركتج معانا بـ هالاصور ،
الواحد بس يشوف الطبيعه الحلوه تتغير نفسيته ، فمابالنا جان طاف ابها =)


* الحمدلله ع سلامتكم مؤخرا ،
وربي يديمكم بـ راحة بال ..

[الـيـاه]

بنت الدلع :
الله يسلمج من الشر حبيبتي ... ولهت عليج
ههههه صراحه ما يبت شي! ما وحالنا نسوي شي

المزوحي :
الله يسلمك اخويه
شسوي يدوب قدرت اصور .. 4 ايام ونص ماتكفي
وباقي الصور نحن فيها بس ان شاء الله تزوها يوم من الايام

بن دبي :
وايد جميله .. يبالك تسوي تور فيها كمن يوم
والله يا اخويه مادري عن مكاتب السفريات ... السفره ما كانت عن طريقهم

شاكره لك مشاركتك

[المزوحي]

إن شاء الله تكون لي زياره هناك ، تسلمين الياه