-{ Strawberry CheeseCake // كب كيـكس ~

[طير الغرام]

Strawberry // CheeseCake CupCakes ~

• نص كوب طحين
• ثلاث أرباع كوب سكر [caster sugar ]
• 1 1/2 ملعقة شاي باكينج باودر
• ذرة ملح
• 40 جرام زبده غير مملحه ،، بدرجة حرارة الغرفه
• 120 مل حليب كامل الدسم
• 1/2 ملعقة شاي فانيلا
• بيضــه
• فراولـه مقطعــه شرائــح [ يفضل أن تكون طازجه ]
  
• بسكــوت دايجيستيـف [ لإضافة نكهة الجيز كيكـ ]
  

{ مقادير الكريمه }
Cream Cheese

• كوب وثلث سكر ناعم
• 50 جرام زبده غير مملحه ،، بدرجة حرارة الغرفه
• 125 جرام جبنـة كريمه

• يسخــن الفــرن لـ درجـة حــراره

170ْْC ،، 325ْF

• يتم خلط الطحيـن + السكـر + الباكينج باودر + الملح + الزبده

فـ الخــلاط لحيـن الحصـول على خليط رملي ومكونات متجانســه

• نضيف الحليب + الفانيــلا

ونلخــط

• نضيـف البيضــه إلى الخليـط

ونخلــط لعـدة دقائــق للتأكــد من أن الخليط أصبـح متجانــس

• نوزع شرائـح الفراولـه

فـ قوالـــب الكـب كيــكس

• نضيف خليـط الكيـك لـ ثلثي حجم القوالــب

• نضـع القوالــب فـ الفــرن لـ مدة 20-25 دقائــق

:

• نتركـ الكب كيــكس لـ يبــرد قليــلاً بعد اخراجــه من الفــرن [ قبل إضافة الكريمــه ]
  

:

في هــذه الأثنــاء نخلــط مقاديــر الكريمــه

• نخلط السكـر مع الزبده للحصول على خليط متجانس ،، ثم نضيــف الجبنـه

ونخلـط لحين الحصول على خليـط كريمي متجانــس

• نفتت بسكوت الدايجيستيف

:

• نضع الكريمــه علـى الكب كيــكس ونغطيهـا

ثم نذر بسكوت الدايجيستيف المفتت

[دمعة شوق]

يـآلـبـى قـلبج يـ طــير ,,

آن شآءالله فـ أقـرب فـرصـه بسويـهـآآ
شكــراً شـيف طيــر

[دمعة شوق]

صـح بـس بغيت اسـآالج
[caster sugar ]
عـآادي لو كـآن المطحـون
.؟

[طير الغرام]

^


اسمحيليه بطيت عليج لين رتبت الصور وترجمت الطريقه

وبخصوص الـ caster sugar يستوي تستخدمين الشكر العادي اللي متوفر عندكم هب المطحون
المطحــون icing sugar والكستر حبيباته ناعمه

وإن شاءالله اتطبقينــه ويعيبـــج ^_^

[عهد الوداع]

وعلييييييكم السلااام والرحمه

يم يم ..ابا

ياربي يا طيييييييييير سويتج لذييييييييييذ

تسلم الايادي ,,

[الـيـاه]

يممييي يمممييييي يوعتيني من الخاطر .. شكله لذيذ
الطريقه وايد سهله شكلي بسويه ... مشكوووره وايد طير وتسلم ايدج يا احلى شيف فالواحات

[طير الغرام]

-{عهـد الوداع }-

ربي يسلمــج ياختيــه
وأشكرج ع هـ الإطــراء


:

-{ اليـــاه }-

لا شكــر ع واجــب ياختيـه
وإن شاءالله اتسوينه ويعيبــج

وأشكرج ع هـ الرد الغــاوي
^_^

[شوق القلوب]

السلام عليكم..


طير !
يوعتيني.. !!

..

ماشاء الله ... تسلم ايدج والله ... ان شاء الله بسويها... و اكيييييييييد بتطلع يمي ^ـ^

[دمعة شوق]

مسموحه يالغاليـه

اممم سويتهـآ أمـس بس واجهتني عدة مشـآكل ، ولانها أول مرة اسويها


امم اولا ماطلع الخليط شرا مالج ، يعني غليظ
بس مشيت حآالي

وثانيا الكريمة ماطلعت جـي عندي


اي نوع استخدمتي من الجبن ؟
اانا يمكن لاني ااستخدمت جبن المراعي وطلع شبه سائل بس زدت عليه الشكر وما طلعت الكريمة بيضاء
ووطلع لا باس به ~

وثااالث شي طلع الطعم يمي
بس تبهدلوا كيف ياكلوونها

~

بس بشكل عام الطعم يمي
والطريقه سهله ومايباله .
بس المره اليايه ان شاءالله بضبطها

[طير الغرام]

-{ شوق القلوب }-

وعليكم الســلام والرحمــه ،،
ربي يسلمــج وان شاءالله اتجربينهــا ،، وتطلـــع يمــي



:

-{ دمعة شوق }-

ماعليــه أول مــره لازم جيــه
بس سوري يمكــن انا ما انتبهــت لـ هالنقطــه بخصوص الكريمــه والجبـن اللي تستخدمينـه هب الكوبـات شرات المراعي وبوك
الجبـن اللي أستخدمــه شرات فيلادلفيــا اللي فـ علـــب ايي مب سايـح ،، شرات علب اللبنــه
هاي الأجبــان اللي تستخدم عادةً فـ الكريمــات

وطريقـة الأكل أنا أوني ايتيكيــت كلتهــا بـ شوجــه بس اللي عندي غجـر دايركــت

وأهـم شي الطعـــم
وإن شاءالله المره اليــايه تضبطينــها

بالعافيـــه عليـــــكم ^_^

[المزوحي]

يعطيج العافيه طير الغرام ، من شويه كنت ادور حلو عسب آكله وأشوف هالصور !!

شكله يم يمي

[فرفوش]

أكيد أكله طيبه
تصلح حق العزايم
جهد تشكرين عليه
يثبت

[طير الغرام]

-{ المزوحـي }-

اقـــرب
وأشكركـ ع المرور الطيـّب

:

-{ فرفــوش }-

تسلــم
وأشكركـ ع التواجـــد والتثبيـــت

[عذبة الروح]

عذااااااااب
ويل حالي


تسلم يمينج حبوبه :)

[بنت الدلع]

يااااااي طييير توني اشوف هالموضوع !!
باجر بتزورني وحده البيت وان شاء الله بسويه
احس طعمه حلو

بس الفانيلا اي وحده
السائله اللي اتي في الغرشه
ولا البودره البيضه؟

والطحين اي واحد تستخدمين؟؟
رقم واحد ولا كيف