آخـــر الــمــواضــيــع

النتائج 1 إلى 8 من 8

الموضوع: و الله مادري صح ولا غلط

  1. #1
    بروفيسور متميز الصورة الرمزية ايه احبك
    تاريخ التسجيل
    Aug 2006
    المشاركات
    3,685
    قوة التمثيل
    400

    Thumbs down و الله مادري صح ولا غلط

    سلام عليكم كلكم يا حلويين



    ادري انه من زمان مب مشاركة نفس الناس بس شو اسوي احس الظروف التعبانة ما تخلص
    سبحان الله لو رحت ولا رديت ما بحصل مكان ارتاح افضفض فيه او له كثر الواحات

    واليوم قررت استشيركم في طبع من اطباعي ما ادري اذا صح ولا غلط

    انا انسانه اتعلق في اي شخص ارتاح له بشكل مب طبيعي
    وخاصة اذا سوى شي وايد زين لي حتى لو كان هالشي مجرد كلام
    عادي ارفعة سابع سما

    لكن لو سوى شي يضايقني
    بدون فرصة ثانية
    Game Over

    ينتهي من حياتي نهائيا

    وايد من البنات الي تعلقت فيهم واعتبرتهم صديقات مقربات الغيتهم لنهم بكل بساطة
    مودياااات
    متى ما احتايوني بيعرفوني او متى ما يحتايوني ما يعرفون رقمي

    احيانا
    احسه شي زين لي لنه ما اضايق لمدة طويله من تصرفهم الي ما عيبني
    ولا اندم على الوقت الي ضيعته عليهم
    يعني بكل بساطة ولا جنهم دخلوا حياتي

    واحيانا
    ال game over strategy احس
    ما بتمشي على خلق الله لنه مافي حد انخلق ملاك
    وما بتم لي علاقة طويلة ويا حد لنه كل الناس تركض ورا مصالحها

    صح اني انسانه اجتماعية بشكل مب طبيعي ما شالله واعرف اني اقدر اكسب الناس بسهوله
    وهذا الي مخلني اطبق استراتجيت القيم اوفر
    و الغاء فكرة المسامحة من بالي ..بعني مب مولية بس ما اسامح اكثر عن مره
    حتى لو كان حد من اهلي (مب انكلودنغ اخواني وخواتي او امي او ابوي)

    بس بعد ابي احد اعتمد عليه واعرف انه مهما صارت لي تغيرات مادية او معنويه بيكون موجود في اي وقت

    مادري والله شو الصح






    "We love life, not because we are used to living but because we are used to loving."



  2. The Following 2 Thank You to ايه احبك For This Useful Post:

    خنفروش (21-05-10 ||), فرفوش (21-05-10 ||)

  3. #2
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: و الله مادري صح ولا غلط

    صباح الورد يا ورد


    إنتي صح وغلط !!

    والحلو بالموضوع إنج فكرتي بالموضوع ...يعني حسيتي احتمالية صوابه وخطأه


    محد ملاك ... هالشيء إنتي متأكده منه

    وحتى إنتي !! مستحيل تكونين ملاك لأنه كل انسان يحس بنفسه الصح دايما مهما يكابر

    الناس أطباع وأذواق وشخصياتهم تختلف في البيت الواحد نفسه مع إنه تربوا نفس التربية من نفس الأبو ونفس الأم بس بعد يختلفون

    على أي أساس تحكمين على شخص من فرصه وحده !! وتعطينه جيم أوفر

    يمكن هالموقف إلي إنتي ما حبيتيه فيه له أسباب !! والأسباب لازم نسمعها

    عطيهم فرصه !! اعرفي الأسباب يمكن تعذرينهم ويمكن تصكينهم بلوك من حياتج نهائيا بعد

    إنتي صح لأنه بتريحين عمرج من صدعة الراس بالتفكير بالأسباب ( مع هالشيء أعتقد إنه بيخليني أفكر أكثر وأضايج من نفسي لأني ما عرفت السبب ويمكن ألوم نفسي أكثر لأني ما عطيتهم فرصة التفسير )

    وإنتي غلط لأنج بتعيشين حياتج تتعرفين وتتركين وما بيكون عندج صداقات دائمة تسمعينها وتسمعج توجهينها وتوجهج تتعلمين من غلطهم ويتعلمون من غلطج


    فكري وياي للبعيد شوي !!

    في مجال شغلج مثلا !! ما عيبج لقروب إلي وياج ولا حبيتي قرارات مديرج هل بتعطينهم كلهم جيم أوفر وبتغيرين شغلج كل مره أو تسكتين عنهم !!

    جان الله سهل لج أمورج وتزوجتي !! هالزوج تضمنين إنه ملاك مثلا !! لازم بتتحملينه وبتحاولين تغيرينه أو يغيرج لأنه الحياه الزوجيه بتغير فيج مفاهيم كثيره وبتتعلمين فيها التنازل والتغيير عشان تستمر الحياه للأفضل


    ايه أحبك !! وايد رمست صح

    بس الحياة محتاجه منا نعطي فرص للناس عشان لو قررنا نتركهم نتركهم ونحن واثقين إنه قرارنا كان صح

    يعني كأنج تسحبين ورقة حاول مرة أخرى
    لو كثرت عيوبي بعينك تباهيت .... أبقى الوحيد إلي عفس لك مزاجك

  4. The Following 3 Thank You to حلم الطفوله For This Useful Post:

    أنامل قلب (21-05-10 ||), خنفروش (22-05-10 ||), فرفوش (21-05-10 ||)

  5. #3
    بروفيسور متميز الصورة الرمزية أنامل قلب
    تاريخ التسجيل
    Oct 2006
    المشاركات
    4,759
    قوة التمثيل
    449

    رد: و الله مادري صح ولا غلط

    اقتباس المشاركة الأصلية كتبت بواسطة ايه احبك مشاهدة المشاركة
    سلام عليكم كلكم يا حلويين



    ادري انه من زمان مب مشاركة نفس الناس بس شو اسوي احس الظروف التعبانة ما تخلص
    سبحان الله لو رحت ولا رديت ما بحصل مكان ارتاح افضفض فيه او له كثر الواحات

    واليوم قررت استشيركم في طبع من اطباعي ما ادري اذا صح ولا غلط

    انا انسانه اتعلق في اي شخص ارتاح له بشكل مب طبيعي
    وخاصة اذا سوى شي وايد زين لي حتى لو كان هالشي مجرد كلام
    عادي ارفعة سابع سما


    لكن لو سوى شي يضايقني
    بدون فرصة ثانية
    Game Over


    ينتهي من حياتي نهائيا

    وايد من البنات الي تعلقت فيهم واعتبرتهم صديقات مقربات الغيتهم لنهم بكل بساطة
    مودياااات
    متى ما احتايوني بيعرفوني او متى ما يحتايوني ما يعرفون رقمي

    احيانا
    احسه شي زين لي لنه ما اضايق لمدة طويله من تصرفهم الي ما عيبني
    ولا اندم على الوقت الي ضيعته عليهم
    يعني بكل بساطة ولا جنهم دخلوا حياتي

    واحيانا
    ال game over strategy احس
    ما بتمشي على خلق الله لنه مافي حد انخلق ملاك
    وما بتم لي علاقة طويلة ويا حد لنه كل الناس تركض ورا مصالحها

    صح اني انسانه اجتماعية بشكل مب طبيعي ما شالله واعرف اني اقدر اكسب الناس بسهوله
    وهذا الي مخلني اطبق استراتجيت القيم اوفر
    و الغاء فكرة المسامحة من بالي ..بعني مب مولية بس ما اسامح اكثر عن مره
    حتى لو كان حد من اهلي
    (مب انكلودنغ اخواني وخواتي او امي او ابوي)

    بس بعد ابي احد اعتمد عليه واعرف انه مهما صارت لي تغيرات مادية او معنويه بيكون موجود في اي وقت

    مادري والله شو الصح







    بالأول : ،
    لا تغيبين عن الواحات وايد ..!

    اممم تدرين ايه أحبك ، أحس اغلبنا بأحيان كثيره يكون عارف الصح من الغلط بس مادري ليش نتشتت ،
    يمكن بسبب مشاعرنا حيال الأمور ، فالصعوبه ليست باتخاذ موقف كثر ما إنه بالتحكم بمشاعرنا وتوجيها قبل اتخاذ الفعل ،
    مثلا : كيف بقدر أشعر بإن هالفعل من هالشخص ما يستاهل رد فعل معين ، عشان أحتفظ بالعلاقه !.

    يعني عندج اللي بالازرق ، هذا شي طيب ومبين كرم أخلاقج ،
    مثلا مثلا من غير ولا نتفة مجامله ، آنا شنو اهوه أكثر شي محببني فيج من دخلتي الواحات ،
    إني واااايد أحسج الدارين غيرج ، تكترثين لمشاعرهم وتحبين تحسسينهم بالشي الطيب ..

    وكذلك عندج اللي بالاخضر ، اللي اعتبره اممم خلنا نقول غلط ،
    ترجمتيه على إنه بسبب كثرة علاقاتج ، وسرعة اختلاطج بالغير !.

    اهني المفروض نبدي من البدايه ، ما أدري إن كانت نظرتي سليمه ،
    بس أعتبرني من الأشخاص اللي يشوفون بإن تكوين علاقة متينة مع الغير شي المفروض ما نكثر منه ،
    يعني تختلطين مع غيرج وايد ما يخالف دامج مرتاحه ، بس لا توثقين علاقتج بغيرج
    لدرجة ممكن تحتاجين فيها للتفكير بـ [ قطع العلاقه ] تالي ، مثل اللي تتعاملين معاهم بمحل العمل / مثلا ..

    جميل رد حلم ، وما أقدر أضيف عليه ،
    بس بتكلم عن الجانب "اللي نشوفه نحن" سيء بالناس ، وكيف ممكن تصرفينه بشكل طيب ..

    عندج اللي نحسهم من النوع المتسامح ، ليش اهمه يقدرون يكونون متسامحين ونحن لا !.
    باختصار لأن طريقة تفكيرهم ونظرتهم لهذي المساويء تختلف ..

    كلنا بالأخير بنغلط أغلاط منها اللي نعرفها ومنها اللي مانحس فيها لكنها بالنسبه لبعض الناس شيء كريه أو سيء ،
    ما بنقدر اهني نجبر الكل على إن يتقبلنا بالصورة اللي نحن عليها بتفاصيلنا كلها ، ولا نقدر نجبر الغير يكونون بالشكل اللي نحن نشوفه طيب ،
    كلنا بالأخير مجورين على هالأخطاء ، وهالحساسيات وهالتقصير ..

    أكيد بالمقابل حنا مانا مجبورين نتقبل كل شي من كل الناس ،
    بس نقدر نكون مرنين بالتعامل بحيث نبعد عن الطالح بالصالح ، باختيارنا ،
    مو لأن فلانه قالت كلمه وعلانه سوت كذا ..

    وووو بالأخير ، بالنسبه للي بالأحمر ،
    فـ جربي تصيرين هالشخص لأحدهم ، وقتها بتحسين بإنج ملكتي فعلا هالشي ،
    وبعدين صبري ، إذا ما لقيتيه اليوم بتلقينه باجر =)

    بس بادري انتي ، وتالي بتلقين ..



    [ وما تقدموا لأنفسكم من خير تجدوه عند الله } ..






  6. الأعضاء الذين قالوا شكراً لـ أنامل قلب على المشاركة المفيدة:

    فرفوش (21-05-10 ||)

  7. #4
    مـراقــب
    مـراقــب الواحة الـمـفـتــوحـة
    الصورة الرمزية الهيثــم
    تاريخ التسجيل
    Jul 2002
    المشاركات
    7,445
    مزاجي
    Cool
    قوة التمثيل
    638

    رد: و الله مادري صح ولا غلط

    وعليكم السلام ورحمة الله وبركاته

    إختي إيه أحبك ،، التسرع في الحكم على الناس من موقف واحد بيرجع بالضرر على صاحب الحكم وليس على الطرف الثاني

    في حياتنا قد نمر بمواقف وأمور ما تعجبنا ولازم تصرفنا في هذه المواقف يكون فيه قدر من الحكمة ما يكفينا لتخطي الموقف بأقل الأضرار ..
    بتقولين لي إنتي إنسانة تسوين Game Over بسرعة للناس إلي في حياتج وما تعطينهم فرصة ثانية .. وإذا عطيتيهم ما اتكون إلا فرصة وحدة ..

    وعنوان موضوعج ( مادري صح ولا غلط ) .. باختصار .. رايي في هالطبع إنه غلط ..

    لأنه صفة الكمال غير موجودة إلا في الخالق سبحانه وتعالى ، ما في إنسان كامل ، وإذا بنحاسب إلي حولنا على النقص إلي فيهم ترا ما بنقدر نعيش وبنتعب ، ما في شي كامل أبدا ..
    إذا بتقيسين هالأمر على مستوى العلاقات الدولية والعلاقات التجارية والعلاقات الإدارية والعلاقات الاجتماعية والعلاقات الأسرية ، مستحيل تلقين علاقة كاملة ، لازم بيشوبها شي من الخلاف أو شي من الشوائب إلي ممكن تعكر سير العلاقة

    ولكن العاقل منا إلي يقدر يتكيف مع المحيط إلي هو عايش فيه بما يحافظ على مبادئه وضميره وكرامته ، وفي نفس الوقت ما يخسر الي حوله

    في أشياء لازم نتعلمها عشان نقدر نمارس حياتنا بشكل طبيعي وسلس
    نتعلم كيف نتواصل مع غيرنا
    كــيف نتقبلهم .. كيف نرضيـهم .. كيف يقتنعون فينا .. كيف نعتذر إن اسانا .. كيف نسامح إن اخطأوا .. كيف نوصل لهم فكرتنا .. كيف نفهم أفكارهم

    عشان تعيشين أفضل عيشة .. عاملي كل فئة وكل شخص بمستوى عقله وفهمه .. وبهالشي بتقدرين تكسبين قلوب كل الي حولج
    بس أهم شي تعرفيـن كيف تسـامحين .. حاولي تمحين شي اسمه زعــل من حيـاتج

    وعسى الله يوفقج دوم ..

    ( ولسوف يعطيك ربك فترضى )

    ~

    الهيثـــم

  8. The Following 2 Thank You to الهيثــم For This Useful Post:

    أنامل قلب (21-05-10 ||), فرفوش (21-05-10 ||)

  9. #5
    مـراقـب
    مـراقـبـة واحـة الخواطر
    الصورة الرمزية مــهــابه
    تاريخ التسجيل
    Apr 2003
    المشاركات
    11,014
    قوة التمثيل
    807

    رد: و الله مادري صح ولا غلط

    ولكـم بـآك إيـه آحبك ..

    تـدرين آنـتي صّح فـ الحـآلتين ..
    لآنج تعـترفيـن بغـلطج وضميرج يـآنبج ع الشـي اللي آنـتي قـآعده آتحسينه غلط في حيـآتج ..
    يعـني مثـلآً لـو حّد ثـآني مكـآنج بيقول هذآ طبعـي وخلآص ..

    آما آنتي ضميرج حّي ويقـول لـج انه هالشي لي تسوينه غّلـط ، ف بـالتـآلي بتحاولين وأنـا متآكده بينج وبين نفسج تغيرين هالشي فيج
    آذا انتي فعـلاً مـآقد جربـتي قبل وحـآولتي تغيرين هالشي فيج ..


    تـدرين يوم بــتييين مثــلاً يعني تتنازلين عن صدآقه وحده من البنـآت ، آو بتاخذين موقف من وحده ، قبل كـل شي فـّكري وكـوني قـّنوعه بـ شيئين :

    - مـآفي حد كـآمل ف الحيـاه وكلنـا معرضين للخـطأ " آبونا آدم غّلط "

    - رب العـالمين يسـآمح عبـآده ، ومـآفي حد آكبر من " الله " ، فـ ليش آحنـآ مانقدر ؟!


    لـو تقولين آنا ماقدر ؟ صدقـيني لـو كنتي آنتي مقتنعه كل القنـاعه بالنقطتين اللي ذكرتــيهن بـ تسـآمحينهن ،ولكــن مب كل شي تقدرين آطوفينه وتقولين : المسامح كبير ..


    آحنـآ وآيد آنقرصنآ ، وآيد انلدغنا من آقرب النـآس لنـا ، مـآقلنا : آحنا بنقطع علآقتنا فيهم والسلآم ، لآ ..
    لآن يمكن مثل هالشخص يواجهون فـ الحيـآه ميـآت من الآشخاص وآذا كل مره قلنآ بنمحيهم بحيـآتنا آخرتهـآ بنصفى بدون آحد آبداً تدرين ليش ؟!

    لآن كلنا نغـلط ..

    فـكري بينج وبين نفسج ، آنتي مب آحيان تكونين مثـلاً مزاجيه وماتحبين تكلمين حّد ؟ ولآتشوفين حّد ؟ ولآ لـج خـآطر تجابلين خّلقه حد ؟

    هالشي مب عن قصّـد

    صح في نـآس مزآجين وآآآيد ونـآس لآ ، بس آحيان الواحد يمر بظروف " شغل ، دراسه ، .... الخ " يمكن آنها تأثر عليه وبالتـالي تآثر على علاقته بالطرف الثـاني ..


    آحنا آشخاص نتأثر بالمحيط الخارجي وآيد وهالشي يأثر علينــا ..


    آحنـآ نغلـط ويسـآمحونـآ بالتـآلي لآزم آنسامح ..


    اللي مريـتي فيه يمكن أغلبنا مر بالظروف المشابه ، انا ماصفـولي من ربيعـآتي إلا القليل والسبه هالشي






    مؤمنه بّ / آن اللہَ سيمنحني أجمل مَمآ آريد ♥'



  10. الأعضاء الذين قالوا شكراً لـ مــهــابه على المشاركة المفيدة:

    فرفوش (04-06-10 ||)

  11. #6
    بروفيسور متميز الصورة الرمزية ايه احبك
    تاريخ التسجيل
    Aug 2006
    المشاركات
    3,685
    قوة التمثيل
    400

    رد: و الله مادري صح ولا غلط

    شكرا على الردود بس بفهمكم شي يوم برد عليكم الفير XD برب


    "We love life, not because we are used to living but because we are used to loving."



  12. #7
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: و الله مادري صح ولا غلط

    السلام عليكم

    للأسف ماقدر افيدج بالرد، لأنه الكلام اللي كتبتيه ينطبق عليّه

    فالحين بقرا ردود الاعضاء

    عشان اعرف إني انا صح ولا غلط

  13. #8
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: و الله مادري صح ولا غلط

    فيه شيء في الموضوع هب فاهمنه
    شو يعني XD?
    يمكن خرجت عن الموضوع بس الموضوع كنت متابعنه ومندمج فيه وقلت ما برد خايف ردي يا أنه أختيه صاحبة الطرح ترفعني السما أو أتسويلي GAMEOVER ومن جهه أخرى متابع ردود الأعضاء والعضوات يزاهم الله خير ومستفيد

    بس إلا هاي الكلمه هب فاهمنها
    XD
    ياليت التوضيح
    وموضوع مفيد
    شكراً




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مادري بـ شو اوصف الحاله ..
    بواسطة أنامل قلب في المنتدى واحة الفضفضة
    مشاركات: 13
    آخر مشاركة: 27-05-09 ||, 03:13 PM
  2. مادري ليش كل هالتحدي وهالعناد ؟؟
    بواسطة المزوحي في المنتدى واحة الفضفضة
    مشاركات: 4
    آخر مشاركة: 22-11-04 ||, 12:20 AM
  3. أنا أباه وهو مادري به !
    بواسطة المزوحي في المنتدى واحة الفضفضة
    مشاركات: 25
    آخر مشاركة: 06-09-03 ||, 08:50 AM
  4. خقاق.. على شو مادري!!
    بواسطة إسهر معي ليله في المنتدى الواحة المفتوحة
    مشاركات: 19
    آخر مشاركة: 04-09-03 ||, 05:14 PM
  5. مادري وش مسوي في دنياك
    بواسطة راس المعزه في المنتدى واحة الفضفضة
    مشاركات: 4
    آخر مشاركة: 19-08-03 ||, 01:32 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •