~ بــــرزة الــواحــــات ~

[المزوحي]

هاااااا جيه عيل :) مايهزك ريح


طير إذا ممكن تسوين تصميم ( يا خليفة إذا قلنا سمانا ............ )

[طير الغرام]

^

أكيد ممكن
بس كيف الحجم تباه حق بي بي ؟

وإن شاءالله بسويلگ ايآه يوم برد البيت
لنه حالياً ف بيت قوم خالي امسوين باربيگيو

[طير الغرام]

مســــائكـــمـ مسيـــرات ويولـــه ~

عن خاطرنـــآ سرنــآ واتطمشنـــا ع أجــواء المسيــرات
صدق شي ناااس امفلـــع من الخــاطر ههههه بس أهم شي غيرنــآ جــو

[المزوحي]

الحمدلله غيرتوا جو طير، بس عن التصميم لا مب حق البي بي يعني حطيه في واحة التصوير ..

[طير الغرام]

^

هيــه والله غيرنــا جــو مع إنيـه اشوي ميهـوده اليـوم وامبوني ماكنت بروح معاهــم

امممم ما أعــرف كيـف المواصفــات اللي تباهــا ! عندكـ صوره ؟

[المزوحي]

ماتشوفين شر

لا ماعندي شي معين، ومب إني أباها حقي، كنت اقصد بما إنج تسوين تصميم بين فتره والثانيه، فقلت لو تسوين تصميم يوم الاتحاد وتكتبين هالبيت او تحطين صور الشيوخ

[طير الغرام]

^

الشــر ما اييكـ ياخويــه

أهــااا أنا قلت بعـد يمكن قصدكـ جيـه بس حبيت أتأكــد
من زمــان ماسويــت تصاميــم حدي بطايــق بسيطــه ولا حق الفـون

[مــهــابه]

مســآگم ورد ..

گيفگون ؟

[طير الغرام]

مســـا الـ خ ـيــر ~
الحمدالله يسـرج الحــال ،، وشو عنــكم ؟

:

المزوحــي // وايـد عليــّ أمـس سويــت هاي




أسمينـي لعبــت بـ بنت ختيــه ،، وفي صـوره لحفتهـا بالعلــم
وهي حبيبتي كانت تضحكـ ورافعـه إيديهـا فـوق بالصدفـه لقطتها وهي اتسوي جيـه

[المزوحي]

السلام عليكم

خاتلين الجماعه ، ويـــــــــــــن ؟؟



هلا طير، حلوه الصورة ، موفقه

[مــهــابه]

وعليكم السلام والرحمه


عني انـا موجوده


صااايره ما ارقد موووووليه ، ناشه من الساعه ٥ بلا شغـله ..

احاول ارقد ومافيّه رقاد ..



انتو علومگم ؟ شو مسسسوين ؟


شو تريقتوا ؟

خاطري بـ قرص من ايد مـامـا ><

[المزوحي]

السلام عليكم

مهابه غيري الروتين ، اشغلي عمرج عسب ترقدين او امشي


جو النوافير في دبي مول + سوق البحار هاليومين غير ، حاولوا تمرون لو في نص الاسبوع

[مــهــابه]

^
امشي يومياآ تقريبا او شبه يومي المـغرب ..
احيان اتعايز امشي


رحت النوافير ف دبي مول يون اليمعه وكانوا يحتفلون ف العيد الوطني
زززززحمه مشششش طبيعيه ..
كانت الاجوا حلوه ، لگن ززززحمه

حتى المول اشششل الغرض بشتريه اطالع الزحمه ع الكاونتر ارد الشي مكانه واروح


ماحب چييييه

.



.



الحياه بلا خدامه صعععبه ><


بروح امشي فالحوش طشوووونه وبسويلي حليب زنجبيل ..

[طير الغرام]

المزوحــي // أهليــن

أنا عن نفسي دوم أحدر الواحـات وأشاركـ أو حتى بين فتره وفتره
بس من يوميـن مليـت لنـه اللي يشاركـون أو يتواجدون بمعنى أصـح ينعدون ع الأصابـع
آخر شي شكليـه بسولف روحي وبرد ع عمريـه !

[الاسطوري]

المزوحي

من قبل الحج مارحت المول ودخلته الويكند اللي طاف يوم الجمعه العصر ويه الحرمه آخذ غرض وحسيت وايد زحمه مع أني كنت مبركن قريب المحل اللي نباه، احس يوم ويه ربعي غير آخذ راحتي وشكلي بروح هالخميس بروح وساهم عن خاطري مع أني ماروم اقطع عن مركاتو احس اكثر مكان احب اروحه

مهابه

الله يعينك بس دامج ماتداومين حلو تروحين تتسوقين ايام الاسبوع الصبح لان مافي زحمه بس عاد لازم تشوفين حد يروح وياج، هيه صدقج هالزمن الواحد مايستغني عن الخدامه صرنا نحتاج مساعدتهم في وايد اشياء

طير الغرام

قبل يومين كنت ارمس احد الاعضاء اللي مادخلوا من زمان وقلت له ان في اعضاء مناظلين ومقاومين موجة المواقع الاجتماعيه واللي هم انتوا فلا تطلعون بليز الواحات تباكم