~ بــــرزة الــواحــــات ~

[مــهــابه]

مسـا الورد ..


گيفگووون ؟

واخبـار الدوامات ؟

ابا اششششتغل لووول بس ماعرف وين اقدم تخصصي كريه لوول



اليوم عندي ضيييف ' خلافي ' ولد ختيه
ماماته عندها مراجعه ومخلتنه عندددي ، ماشاء الله عليه شيطااااان

[المزوحي]

مايهزك ريح ،، اهم شي ماتفر الشغل وأتم جيه، دام إنه تسوي شغلك بضمير وتأخرت في السيره .. تقدر تعوض




مزن هتان .. والله تستوي .. مرات يوم احس بعمري اتأخر ساعه عن الدوام، فأخليها ساعتين وأسوي أذن خروج ساعتين ، بس بحيث اطرش مسج واقول إني بتأخر

مهابه شو التخصص يمكن نساعدج

[مايهزك ريح]

الحمدلله خلصت كل اللي عليه عشان ما احس بالذنب اني تاخرت ..

[المزوحي]

الحمدلله .. انا جيه،، اقول مافيّه اخلي شي، حتى لو في شغله تتأجل لليوم الثاني ، خاصة إن تأخرت

بـــرافو بــراذر

[المزوحي]

السلام عليكم

اشحالكم ؟؟؟

واخيرررررررررررررررا اليوم الخميس

[مايهزك ريح]

اخيييييييييييييييييييرا .. بنرتاح اشويه

[طير الغرام]

مســا الخيـــر ~


أخيــراً امــس غيــرت اشوي من روتيني اليومــي الـممل وسـرت عنـد اربيعاتيــه المستشفى قيـّـلت عندهــم
وبالمـره احتفلنــا بـ عيدميــلاد اربيعتيــه الكلــوز

وناســه والله


واليــوم رديــت ع طيــر يلي

[مــهــابه]

صبـاحكم ورد



تبون فلافل لوول ؟



المزوحي:

انا تخصصي اقري بززززنس وهو مايعادل يعني الهندسه الزراعيه ..




طير :

تخيـلي انا انششش من الصبح ..

واتم فاااضيه ، اخلصصصص تنظيف وارد ارقد وانش وبعد الوقت مايخطططف
ابد


من الفضاوه صرررت اسير العزبه وياهم هههه


امسسس اقولهم بتخبل لو يلست فاضيه اكثر من جذه

[شوق القلوب]

السلام عليكم...

هلا اخواني...

مهابه... حبيبتي اشبعي فضاوه.. باجر بدورين هالدقايق...

وايد امور في بالي ابا اسويها .. بس ماشي وقت...! و ان فضيت ابا افتح النت و ادخل الواحات ^ـ^

[طير الغرام]

وعليكـــم الســـلام والرحمـــه ،،

أنــا بمــوت من الفــضاوه والمــلل
قمــت أرقد وأنا مافيـه ارقــاد بس أبا الوقت يمـر ويردون من دواماتهــم وأحس إنه في حـد معايـه
صح أمايه موجوده بس أكثر الأوقـات عند يدتيـه ولا يظهــرون السـوق وزيارات

وصايبني اكتئاب من الجامعــه مالت عليهـم مادري متى بيخلصـون تعديل الشهـاده ع قولـة أمايه جنهـم يصبونهـا ذهب ههههه

الله يعيـــن ويرحـــم

^_^

[المزوحي]

السلام عليكم

مهابه بتحصلين شغل في الوزارة

شوق القلوب والله فيج الخير تدخلين الواحات

طير الغرام باجر بتشتغلين وبتملين بعد، بني آدم ماعنده قناعه

[طير الغرام]

^

وعليكـــم الســلام والرحمــــه ،،

صــح انزيــن أنا دوم أقول جيــه
يلسنــا فاضيـن ملينـا وماعيبنــا ،، اشتغلنــا اتشكينـا وتعبنـا وبعد ما عيبنــا

لـو حــد معايــه فاضــي كبري عادي مابقـول شي

[مــهــابه]

شوق :
لووول


المزوحي:

اتصلولي عشان المقابله لكن هاك اليوم مارمت اروح ..

[بنت الدلع]

يا الهي !!
الواحات وايد راقده
وين البقية الباقية ؟؟

كل ما اختفي وارجع القى الواحات مثل ماهي

انزين سؤال في مخي
وين باجي السمايلييييز ؟؟؟ "اللي نحطهم في الرد"

[شوق القلوب]

هلااااااااااا... بنت الدلع...

شو انسوي.. كل حد لاهي من اهل الواحات...

و انت لييييييييييش تدخلين مره في الشهر...؟؟!!!!