~ بــــرزة الــواحــــات ~

[طير الحب]

هههههه...بنت الدلع مبروك عالتخرج

جد جد تولهت عالشارجه

[طير الحب]

سهرانه من الملل والليل قصير وصلنا متاخرين البيت ولين ما رقدوا اليهال ما بجى شيء عن الفجر

تعرف انا من عرست سكنت فيها كانت حلوة الحين مب رايمه اتاقلم لاني تعودت عالشارجه ...ووايد تحويلات

بس ان شاء الله بتاقلم اليهال حابينها وايد

[بنت الدلع]

خيال الحب

منو متخرج بعد؟
اللي اعرفه قصايد غلا
و طير الغرام
والحين عرفت طير الحب

انتو سوولنا عزيمه
نستاهل فديتنا

طير الحب
حبيييبتي الله يبارك في حياتج
وانتي بعد مبرووك
تستاااهلييين

اوييييه ليش سرتي بوظبي
انا وايد احب الشارجه

[خيال الحب]

الله كريييم .. كل الشغل والمعاشات القوية في بوظبي.. والي حاب يكون نفسه لازم يروح بوظبي بس بشرط

لازم يمشي بالشارع 80 وهو طالع من بيته رايح بوظبي خخخخ عسب ما يدفع مخالفات تطير معاشه بالكامل

[طير الحب]

الله يبارك في حياتج بنت الدلع


لانه ريلي يداوم في بوظبي...كنت هايته فالشارجه..هههههه فديت الشارجه والله


خيال الحب زين قلت لي هالمعلومة بحاسب وانا اسوق

تصبحون على خير حان وقت النوم

[المزوحي]

خيال الحب دبي حلوة ونحن مانحاول نستمتع فيها من اي ناحية كانت، ابسط شي مانحب نسير الحدايق، اوكي الحين حر ، لكن يوم الجو حلو، نقول مب سايرين .. او اي مكان يسيرون له مثل ماقلت العروض


بنت الدلع ،، لالا .. هذا حالهم من فترة، يعني الصيف مسافرين والشتاء ؟؟؟ ^_^

[بنت الدلع]

هيه والله الحين حسيت ان الاعضاء انقرضوا

[مــهــابه]

بنت الدلع :

مهاااابه گمان و عافك الخاطر وعفاريتووو ..

صبايا الواحات كلهن تخرجن ..

مبرررروك التخرج =)


.


.


طير :

آنا بعدددني مش مستوعبه اني اتخررجت ..
احس اني ف اجازه الصيييف..

محتاره وين اقدم فالعين ولا الشـارجه ..
هو يقولي فالعين عسب نستقر وانا اقوول لا اريد فالشارجه وانت انتقل ومش عارفه للحييين ><

محصله وظيفه فالشارجه لكن اتريا بابا يرررجع من السفر عسب اكلمه وبرتب الامور ..

[طير الحب]

العين بعد حلوة...ورواتبها اعلى عن الشارجه...استخيري قبل

[مايهزك ريح]

يا جماعه التنزيلات شغاله في كل مكان
كل الماركات تقريبا ما عدا ديور ..
وجينا ( اللي نعوله كريستال ) بعد مسوي سيل ..
اتجسحت البارحه ويا الأهل ندخل محل محل

[المزوحي]

صح دبي بكبرها سيل

وزحمة الخليجيين بعد

هارفي نكلز

بلومينج ديلز

ساكس فيفث افنيو

يبالكم اتدورون

[مايهزك ريح]

مرحبا المزوحي ..
درناهن كلهن ..
ماخلو شي ما خذوه من غير اللي طالبينه من برا ..
انا اللي مالي حظ احصل شي عدل حقي ..

[المزوحي]

مرحبتين مايهزك ريح

افا ،، كيف ما حصلت شي

تدري !! يبالك تسير روحك وتنبش، وتفلي المكان

إذا كنت حاب لبس او جواتي ، اكسسوارات وبتحصل إن شاء الله

ترى هم مب مرتبين المحل ، كل القطع حاطينها مع بعض مع قياسات مختلفة ونحن مب متعودين ندور بــ هالطريقة

[مايهزك ريح]

عيل شكلي برد مره ثانيه .. روحي او بشوف حد من الربع ..

[المزوحي]

احسن لك .. على الاقل تاخذ لك كم شغلة ..