~ بــــرزة الــواحــــات ~

[المزوحي]

اختي طير الغرام يبون كل شي على حسابي يبون الخيمه من صوبي ويبون

الاكل من عندي مايستوي الله يهداهم

خلاص انا بشوف عقب يومين خيمة ونتي عليج الطباخ ،، عشان رمضان

شو قلتي ؟؟

[طير الغرام]

وعليكــم الســـلام والرحمـــه ،،

الواحـــات نصهـا لا بعـد نصهـا يعتبــر اشوي
المهـم الواحــات شبــه راقــــده !

صــح ليـش ماشي خيمــه رمضانيــه السنـه ؟!

[طير الغرام]

^

امــوافقـــه ^_^

[المزوحي]

خلاص عيل

يومين والخيمه موجوده

[طير الغرام]

نتريـــاهـــا ^_^

[مايهزك ريح]

اليوم 13 من رمضان .. يالله الأيام كيف اتمر .. شو اخباركم ..
خلصتوا اغراض العيد .. ولا مخلينهن لين ينزل الراتب .. !

[خليجيه]

انا وايد اتهايز مع اني احب السوق....وما اشتغل عشان اقول دوام وتعب. واغلب المناسبات اخلي الشي لين اخر لحظه واتم مثل المينونه. بس ان شا الله بسير خلال ها الاسبوع اخلص اغراضي لازم اتنشط، وايد استويت كسلانه عقب ما ودرت الدوام

[المزوحي]

اليوم سرت وافي اشوف محل نعول وانتوا بكرامه ، اسمه private collection خذت فكره عن المحل، ماعرف من وين آخذ

[دمعة شوق]

آآمم بآقـي أشيآء بسيطـه آن شآءالله هالاسبوع نخلص كـل شـي
:)
~

صبآح آلخير

شخبـآركم

[طير الغرام]

أنــا الحمــدالله السنــه امخلصـه أغــراض العيــد من وقــت باقي أشيــا بسيطــه
ومــووول مالي بارض أظهـر مستويــه بيتوتيــه بشكــل فضيــــع عكـــس خواتيــه
فـ مايندرى متى بخلـص هالأشيـا البسيطــه ولا شكليـه عـادي بستغنـي عنهــم لنـه عيدنـا السنـه غـير

سبحــان الله هالسنــه مابنعيــد شــرات كــل سنــه وبنتيمــع فـ العيــن
لنــه خالتيــه فـ العــده ومانقــدر انخليهــا فـ كلنـا بنعيـد فـ بوظـبي

[مــهــابه]

انا ماسويت شي للعيد لاعباه ، ولاكنادير لصباح العيد ولانعول وانتو بكرامه ولا شي
ماعرف احس في وقت
روحت ٣ مرات مردف ماحصلت شي

كل ماقول بروح يطيح لنا حد فالدختر حماده

ماعرف كيف بعيد السنه ..
اهم شي عندي العباه

[المفتاح]

بسم الله الرحمن الرحيم
اللهم صل على محمد وال محمد
السلام عليكم ورحمة الله وبركاته

اهلا بالاخوة والاخوات
كيف الحال مرتاحين انشاءالله تعالى

تقبل الله صيامكم وقيامكم امين يارب العالمين

ووفقكم الله للاستفادة من باقى الشهر الفضيل امين يارب العالمين

والله الموفق
المفتاح

***
اَللّـهُمَّ ارْزُقْني حَجَّ بَيْتِكَ الْحَرامِ فِي عامي هذا وَفي كُلِّ عام ما اَبْقَيْتَني في يُسْر مِنْكَ وَعافِيَة، وَسَعَةِ رِزْق، وَلا تُخْلِني مِنْ تِلْكَ الْمواقِفِ الْكَريمَةِ، وَالْمَشاهِدِ الشَّريفَةِ، وَزِيارَةِ قَبْرِ نَبِيِّكَ صَلَواتُكَ عَلَيْهِ وَآلِهِ، وَفي جَميعِ حَوائِجِ الدُّنْيا وَالاْخِرَةِ فَكُنْ لي، اَللّـهُمَّ اِنّي اَساَلُكَ فيـما تَقْضي وَتُقَدِّرُ مِنَ الاَمْرِ الَْمحْتُومِ في لَيْلَةِ الْقَدْرِ، مِنَ الْقَضاءِ الَّذي لا يُرَدُّ وَلا يُبَدَّلُ، اَنْ تَكْتُبَني مِنْ حُجّاجِ بَيْتِكَ الْحَرامِ، الْمَبْرُورِ حَجُّهُمْ، الْمَشْكُورِ سَعْيُهُمْ، الْمَغْفُورِ ذُنُوبُهُمْ، الْمُكَفَّرِ عَنْهُمْ سَيِّئاتُهُمْ، واجْعَلْ فيـما تَقْضي وَتُقَدِّرُ، اَنْ تُطيلَ عُمْري، وَتُوَسِّعَ عَلَيَّ رِزْقي، وَتُؤدِّى عَنّي اَمانَتي وَدَيْني آمينَ رَبَّ الْعالَمين.

***

[المزوحي]

السلام عليكم

الله يتقبل من الجميع اخونا المفتاح

اشحالكم ؟؟

[طير الغرام]

وعليكـــم الســلام والرحمـــه ،،

ناااس قالوا بيفتحــون خيمــه فـ ارمضــان

:

الأيـــــام تركــض والله
باقـي عشـرة أيام وبيخلــص ارمضــان !

[المزوحي]

نصبنا الخيمه الا انتي ماعرفتي مكانها السنه بطرش لج الموقع
بس الله يتقبل صيامنا وقيامنا يااارب
وعيدكم مبارك
اقوول زهبتوا خردة العيد ؟