~ بــــرزة الــواحــــات ~

[حلم الطفوله]

المزوحي ... حتى انته مختفي هالفتره !! عسى المانع خير يا خوي


الظاهر إنه الطيور طارت لأرزاقها .... والكل يتزهب للسفر واستقبال الإجازه :)

الله يسعد الجميع يارب

[دمعة شوق]

مسـآء الخيــر

/


ويـنـكم يـ أهـــل الـوآآحـآآآآآآت

[الموز]

السلام عليكم

يمكن اهل الواحات في إجازة صيفيه

والكل لاهي

إلا ألاحظ هاليومين إنه كل البنات شالين شنط شانيل

شو مستوي

أو لو مب شانيل

ماركه ثانيه بس موديل شانيل

يعني اللي فيها صنقل

وتكون نازله

[المزوحي]

السلام عليكم

حلم الطفوله انشغلت هاليومين

شو اموركم ؟

[مايهزك ريح]

اختي الموز .. انا بعد قمت الاحظ هالشي .. حتى خواتي وينات اختي ما شي سالفه غير هالشنطه ما اعرف شو مستوي !!!

وشو اخبارك مروان .. شو شعورك آخر اسبوع دوام .. وعقبه اجازه ^_^!!

[المزوحي]

السلام عليكم

انا آخر يوم بيكون بالخميس وللحين ماسرت الدوام ، مالي بارض الصراحه

بسير عقب شويه

على قولة ربيعنا مب فاضي احضر اجتماع ولاغيره لين عقب العيد

[مايهزك ريح]

انا الإجازه من يوم الخميس .. يعني اخر يوم بالأربعاء ^_^!!
وديت موتري تشييك واستلمته وافتكيت .. عشان يوم ارد مالي بارض اوديه الوكاله ..

سرت توني المحطه ورديت خذت لي ريوق ..

يالس احسب الأيام !!

[شوق القلوب]

حلو الشعور هالايام... استعداداات السفر... و ترتيب الشنط...

ان شاء الله تستانسون باجازاتكم...

[صريح]

بلادي و ان جارت عليه عزيزة
حر البلاد و لا حشرة مكسمليان و المرينا


للعام الـ 5 على التوالي الكل يسافر و انا يالس فالبلاد و مستانس
----> واحد ما يحب السفر ابدا

[شوق القلوب]

و بلادي و ان جارت علي " بـ حرها " عزيزه

..

ارفع وياك نفس الشعار

بس انا احب السفر... و مجبوووورين ع اليلسه

[المزوحي]

بس مايد لو خليت الاجازه آخر شي ، يعني يوم بيردون الاهل ، لانه الصراحه قهر ترد وبتم روحك

شوق القلوب إن شاء الله الكل ينبسط سواء اللي بيسافر أو اللي تام في البلاد

صريح احسن لك تام هنيه ^_^

[مايهزك ريح]

ما اقدر اخلي الإجازه آخر شي لأنه مديري بيطلع ويباني مكانه .. فمجبور .. على اجازه اسبوعين وبس !!!

صريح ..
يوم السالفه المانيا وتحديدا ميونخ .. انا بعد اقولك لا اتسير .. إلا اذا بتسير شمال في منطقه حلوه وماااافيها عرب اسمها Dresden خمس ساعات درب .. من ميونخ
وبالطياره 40 دقيقه تقريبا !!!

[المزوحي]

آها جيه عيل

هالمشكله في الصيف الكل يبغي نفس الفتره

حتى اخويه مايحب ميونخ .... يبغي بعيد عن ضجة ............................ العرب

[شوق القلوب]

ليش احس اني اكثر وحده تدخل الواحات... وكله اشوف انه محد فيها ..!!!

[دمعة شوق]

^
s:

الواحات خامدة