وعليــكم السـلام والرحمــة ،،

يسعدني أكون اول المتفاعلين في موضوعج أختي فرح ،،

و من وجهة نظر معلمـة / أشاركج الراي .. الجيل اليديد يعااني بشدة من استهتاره وانسحابهم السريع من أدنى مسؤولية تنعطي لهم .. حماسهم محدود ووقتي فقـط .. ويا ويلج لوو سألتيهم سؤال يطلب بعض التفكير .. أو طلبتي مشروع يطلب بعض الجهد البسيط ..

رغم ان المناهج تحتوي الكثير من مهارات التفكير الإبداعي والمشاريع اللي تطلب جهد وشغل مب بسيط .. رغم ذلك المردود بسيط و نتايج شغلهم تكون تحت المتوقع من جيل متوفره عنده كل الإمكانيات والوسائل اللي ممكن يحصلون منها المعلومة .. بس هالجيل المعقــم أكثر كلماتهم .. "ما نعرف " .. و "مانقدر " ..

أعتقد ان حس المسؤولية يبدا من (البيــــت) .. المفروض من صغرهم ينعطون مسؤوليات بسيطة و تبدا تكبر و تزيد مع الوقت .. مثل يكونون مسؤولين عن نظافة غرفهم .. أو تدريس اخوانهم الصغار ...والمفروض يتعودون على نظـــام معين من البيت يعلمهم قيمة الوقت مثل الطلعات بحساب و استخدام الانترنت لمدة معينة ولاازم يحسون بصعوبة تحقيق طلباتهم مهما كانت بسيطة (كل شي عندي بمقابل ) ..

هذا اللي اسويه في البيت و نااافع جداااا جدا الحمدلله -

موضوع جميل أختي فررح وهلا فيج مرة ثاانية ....