تعرفين العجيبة ,,

أعرف وااايد أزواج قبل مايعرسون يقولون نفس الرمسة ,
فلان ما يعرف يربي , وفلانة ما تهتم , ونحن في المستقبل لازم لازم ,
وبالأخير تشوفينهم هم اللي يابو عيال وفارين عيالهم عالبشكارة ,
ويوم تسألينهم , يقولون لج انشغلنا بالعمل , والحياة مشاغل ووووو,

المشكلة في مجتمعنا , الشباب والبنات يعرسون وبعدهم صغار ,
وحتى الجيل الحاضر يوم صارو يعرسون فوق الـ 20 , عقولهم بعدها صغيرة ومو ناضجة ,
وأصلا أنا بعدني أسميهم مراهقين , لأن صدق الجيل الحاضر مراهقتهم وااايد تتأخر , ما يعقلون !

من اللي أشوفه حولي , أنا أشوف هالسبب , قصدي يعني البنت والولد بعدهك صغار , وخاصة البنت ,
ما نضجت وبس تبا تتهنى في حياتها وتستانس , وعقب اييبون عيال من وقت بدون مايفكرون ,
بداية الشهور يستانسون عالياهل لأنه شي يديد بنسبة لهم وعقب فترة يطفرون !

سالفة والله إني بربي عيالي تربية دينية صالحة ,
عشان صدق يخدمون أمتهم الإسلامية ويرفعون راسنا , هاا نادر !

والله يستـــــــــــر ,,



السموحة عالمداخلة أدري وايد طولت :)