السلام عليكم...
بصراحه.. انا صرت اخاف .. كيف بربي عيالي في ظل هالظروف !! كيف بيتعلمون القيم و الاخلاق.. كيف بغرس فيهم حب القراءه و المطالعه.. حب الرياضه.. حب الدين و الالتزام به..!!
لانه و بكل بساطه التلفزيون .. يهدم !
اصدقاء الدراسه ... و المدرسه .. تهدم !
المجتمع حوالينا.. يهدم !
الخدم و تعاملهم ... يهدم !
نظرتي مب متشائمه.. على كثر ما هي خوف و حس بالمسؤوليه ... لانه الاطفال هم نعمه.. و امانه في ايدينا .. ربنا بيحاسبنا عليهم..
حدثنا آدم حدثنا ابن أبي ذئب عن الزهري عن أبي سلمة بن عبد الرحمن عن أبي هريرة رضي الله عنه قال
قال النبي صلى الله عليه وسلم كل مولود يولد على الفطرة فأبواه يهودانه أو ينصرانه أو يمجسانه كمثل البهيمة تنتج البهيمة هل ترى فيها جدعاء
...
من فتره ربيعتي اتخبرني عن ولد اختها.. في صف سادس.. اتقول قام يحن عليها يبا بلاك بيري لانه كل ربعه عندهم و هو لا ...!!!! و في الاخير رضخت و خذتله.. بس عشان ما يحس انه محروم من شي...
يعني مرات الاهل يضطرون يتصرفون بعكس قناعاتهم بس عشان ما يحسسون عيالهم انه في شي قاصرنهم.. و الغلط الاكبر يكون على الاهالي اللي يشترون لعيالهم اي شي يبونه.. ما يدرون انه الحب مب بالفلوس والصرف.. الحب بالحنان و التربيه ..
..
الله يعين .. اخاف باجر نستوي منهم !!
رد مع اقتباس
مواقع النشر (المفضلة)