طلب مساعده

[مزن هتان]

السلام عليكم و رحمة الله و بركاته

ماخذه الراوتر من اتصالات و ماني عارفه شلون انصبه



ركبت كل الوايرت اللي جايه معه و ماكو فايده
مادري اذا احاجي اتصالات يجون يضبطون لي اياه و الا الشغله ما تحتاج بس انا مقفله ؟

ممكن تنوروني !

[أمطار]

ســالــــفـــــه.. !!
يباله شوي طولت بال. . .

أحــس أفـضــل لـو تتصلين بخدمـة العملاء وتتابعين وياهم خطوة خطوة ^^~

[وردة روز]

1- أول شي راوتر اتصالات من أتعس الراوترات ،،، وما أنصح حد بشرائه ،،،
2- الراوتر يحتاج لتضبيطه من الداخل ،،،
3- لازم تتصلين فيهم وتاخذين المعلومات التالية (وهم بيسؤلونج عن اليوسر نيم ،،، فخليه معاج):

connection type: PPPOE or PPPOA

VPI/VCI

encapsulation

وطبعا اليوسر نيم والباسوورد ،،،

وعشان ما تلعوزين عمرج ،،، اتصلي في خدمة العملاء وهم بيعطونج كل الخطوات اللازمة ،،،

والعادة الخطوات كالآتي :

1- توصيل الجهاز بالكامل ،،،
2- وصلي الجهاز باللاب توب عن طريق كيبل الإيثرنت ،،، والمفروض يكون متوفر في الصندوق .
3- فتحي صفحة الإكسبلورر ،،، واكتبي الآتي : 192.168.1.1 ،،، أتوقع هذا الرقم اللي يستخدمونه في راوتر الاتصالات ،،، وإذا ما صار جربي هذا 192.168.2.1
4- ابدي بعملية التضبيط بإدخال المعلومات اللي سجلتها في الأعلى .
5- تسوين حفظ للمعلومات مع ريستارت للجهاز .

والمفروض بعدها يشتغل

[مزن هتان]

ايه والله سالفه يا أمطار

وردة روز : حق أخوي بما انه أغلب الايام ما يكون بالبيت، و خالتي مدحته لي
البارحه وصلت كيبل الانترنت و فتحت الاكسبلورر و دخلت الرقم عشان الراوتر بس تهايزت اكلمه و حسيت به شغلانه
اتصلت ابهم من شوي قالوا انهم راح يبعثون لي الخطوات عالايميل و بعدني اتريا

لميت الاغراض و حطيتهم بالبوكس تبعه، ابد ماني متفيجه
باجر بتفرغ له ان شاء الله تعالى و الا بالليل ان ظليت سهرانه