آلآعـتـنـآء بـ الوجه و آلشعـر ~

[خيال الحب]

هذا الي اسويه حاليااا.. بس انا ماقهر الماي البارد ابداااااااااااااااااااااا اااااااااا لازم يكون دافي

شكرا تحفــه^_^

[تحفه]

^ الماي البارد وايد مهم خاصه في منطقتنا .. ليش كلحد من دول اوروبا يوم ايوون بلادنا بشرتهم وشعرهم تتغير؟ ... السبب الحر والرطوبه .. تخيل نحن نعيش في حمام سونا على مدار السنه! + ماينا معالج! ف الحمام البارد وايد مهممم! اولا:ا الماي البارد يحرك الدوره الدمويه في الجسم .. ثانيا: يحافظ على الشعر وبتشوفه يلمع! جرب مره وحده .... ما بتخسر

[أمطار]

كلااامــج صح تحفــه ..
بس أنا أتعايز أسوي مساج يومياً لـ شعري..
مرات أتذكــره أول ما أطلع من الحمام وأسوي مساج ~

ومثل ما قلتي .. الماي البارد ضروووره ..
يعني ع الأقل لو قبل ما نطلع من الحمام نغسلــه شوي بالماي البارد . . .


..
مهاابــه ..
أنا يطيح وااايد بشكل مش معقوول فـ استغربت أنه طلع ليه بس شعرتين!
وجربت بعد مره ثانيــه قبل شوي .. وطلع ليه شعرتين!!
اممم الحمــدلله يعني ما بصلــّع anytime soon

أنــامل ..
جربي الثوم ع اليانب الأخف من شعرج ..
يعني تقصين فص ثوم نصين وتفركين فيه فروة راســج ..
هاي الطريقه واااايد أحسن وتفيد أكثر عن يوم يكون الثوم من ضمن مكونات زيت أو كريم شعر. . .


امم اظن دمعه شوق سألتني عن حمام زيت النخاع والصبار..
قبل كنت أشتريه من الصيدليــه ومرات ألقاه في الجمعيـــة. . .
بس الحينه اختفى من الوجود
للأسف حتى ما أتذكر شو اسم البراند عشان اسأل عنه!


---

حد يقدر يفيدني بموضوع علامات الـ chicken pox .. من يوم وأنا صغيرة وعلاماته في ويهي مب طايعه تخف.. الليزر ممكن يحل هالمشكله؟!

[أنامل قلب]

مزن ، حلو الشعر المدرج ، دومه ـ بنظري ـ أحلى ،
بس مشكلته إنج تحسين بطرف شعرج خفيف ، لكنها شكل القصه جذي ..

وحي ، هلا دبه وينج ما تنشافين ؟. ممم بخصوص الثعلبه فـ زين طمنتيني ،
بس مادري قلت يمكن المفروض أراجع الدكتور ولا شي لأن صدق احس الفرق يبين ،
جي تحسيبه خط الراس يظهر ابـ جهه ، وبالجهه الثانيه عادي !.

أمطار ، لا تمزحين معاي ترى صدقيني بسويها !.

وووو عن سؤالج فما عندي فكره عن الليزر جان بيفيد ولا ممكن بيأثر عقب ،
ان شاء الله غيري بيفيدج ..

+ بالنسبه للي يسحون شعرهم واهو مبلول ، ترى صدق واااايد يضر ،
أنا يمكن جي استوى بشعري لهذا السبب ، وحاليا صرت مستحيل أقرب عليه وأهو مبلول ،

بس بعد شو ..

~

أخوي خيال الحب ، عادي قرعو انتو شو وراكم P=

[خيال الحب]

تحفه ادري والله .. بس انا بالصيف اسبح بماي حار @__@

جربتهااا مره وصبيت دبة ماي مسافي من الكرتون بعد مش بارده واول ما صبيتها ع راسي شهقته شهقه@__@ حسيت الدم الي بمخي بيوقف خلاص ومن يومها قلت التوووووووووووووبه بلا شعر بلا بطيخ لوووول


بس شكلي الحين بروح بشتري الكريم الي قلتي عليه ..


انامـــل :@ وليش انصلع هاااااااااع خخخخخ

[أمطار]

أنامل..
ما أمـــزح!!
وحده من قريباتي شعرها واااايد خفيف وقبل عرسها بكمن شهر تمت جي تسوي قبل ما ترقد
تفرك الفروه بثوم والصبح تسبح وتغسل شعرها وعشان تطلع منه ريحه الثوم كانت تعصر ليمون على شعرها بعدين تغسله ~
بعدين تسوي مساج لفروة الراس وما شاء الله زادت كثافة شعرها ..

بس ماعرف اذا تسوي شي ثاني ولا بس جي . . .

[أنامل قلب]

أخوي خيالا لحب ^____^ ..

اختي أمطار ، اها ، حلو !.
عيل نحن الحمدلله شعرنا بالأساس غليظ ،
بس من فتره بديت احس فيه شلون انه خف واااااايد عن قبل ،
وووو ما بقول إني بجرب الطريقة أكيد ، بس بفكر ^^"

ما قصرتي حبــابه ، يعطيج ربي العافيه ..

[المزوحي]

زين بغيت أسألكم الرقبه بعتبرها من الوجه، تمام ؟! حبيت اعرف شو تسون لها ، يعني عادي اسوي لها سكراب وإلا تستخدمون شي ثاني ؟

[حلم الطفوله]

عيني عليك بارده يالمزوحي

متبرض ما شاء الله عليك


بخبرك عن طريقة الوالد في تنظيف رقبته

قحفيه يحطها تحت الماي ويفركها بصابون ويعج فيها رقبته عجاج

والله الحاجه أحيانا أم الاختراع

[المزوحي]

حلم الطفوله يوم الوالد ماشاء الله متبرض

كيف ماتبيني اتبرض حق عمري


بس الفراك القوي مب يخليها تسود ؟؟؟

[حلم الطفوله]

أصلا أبوي ( يدلع ) وإلا رقبته ماشيء أبيض عنها ههههههههه ما شاء الله تف تف عن أحسد أبويييه :)

المزوحي ..........جرب بس لا تفركها بقو عن تزرق :(

[ذهب]

مرحبا انا عضوه يديده حبيت اعلق عموضوع الماسكات اولا لبشره نضره لازم اتشوفين انتي شو تاكلين وكم تشربين من الماي

[المزوحي]

حلم الطفوله بيرب بس بشرط اودنها في ماي وصابونة لايف بوي

[حلم الطفوله]

ترى اللايف بوي هو سر الطريقة !!! جرب جرب وإنته والخير رباعه

[قصايد غلا]

السلام عليكم


شحالكم صبايا ؟

بغيت أسألكم عن أحسن سن بلوك جرّبتوه .. شو هو ؟


أحيد شمعة أمل الله يذكرها بالخير مدحت لي EVE LOM
بس بعدني ما خذته .. قبل لا آخذه بغيت أعرف شو اللي جربتوه و عايبنكم


أنا كنت استخدم نوع .. ما أحيد اسمه بس أحين ما قمت أحصله مووول