آخـــر الــمــواضــيــع

صفحة 1 من 3 123 الأخيرةالأخيرة
النتائج 1 إلى 15 من 38

الموضوع: ستار بكس

  1. #1
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    ستار بكس

    ستار بكس هذا الكوفي أكثر من مشهور ، نحب نعرف هل انتوا من محبي

    هذا الكوفي ؟؟؟ كم مره تسير له او تاخذ من عندهم ، وشو اللي تحبه ؟




    ليش الاسعار غاليه ، شو المميز فيه ؟؟؟ بغض النظر عن باقي الكوفيات

    الاسعار كلها نفس الشي

    بس ليش هالحشره على ستار بكس

    اللي سمعته إنه القهوه ما تكلفهم شي ، ويبيعون الكوب بــ 12 ، 14 ، 16 ،18

    والاضافه 4 دراهم

    السندويتش 22 ، 24 والكيكة 12 ، 14 واغلى


    المهم خبرونا عن تجاربكم



    هي شركة مقاهي أمريكية، بدأت عام 1971 في سياتل بولاية واشنطن على يد ثلاثة شركاء وهم مدرس اللغة الإنجليزية (جيري بادوين) ومدرس التاريخ (زيف سايغل) والكاتب (غوردان بوكر). وتمتلك الشركة الآن أكثر من 16,226 فرعا حول العالم منها 11,434 داخل الولايات المتحدة الأمريكية وأكثر من 172,000 موظف جميع فروعها.

    وتقدم الآن شركة ستاربكس العديد من المشروبات الساخنه والبارده منها الموكا، اسبريسو، قهوه أمريكيه، الشوكولاته، الفانيلا والكريمه، الكراميل وغيرهم. ولاننسى أيضا الحلويات والسندويشات التي تقدمها ستاربكس في جميع أفرعها في جميع أنحاء العالم.






    ستاربكس في الشرق الأوسط
    تتواجد مقاهي ستاربكس في الشرق الأوسط منذ عام 1999م من خلال اتفاقية امتياز حصرية مع شريكها التجاري (شركة محمد حمود الشايع) وهي شركة عائلية كويتية خاصة. واليوم تدير شركة الشايع مايزيد عن 280 مقهى (ستاربكس) في جميع أنحاء منطقة الشرق الأوسط بما فيها الكويت والمملكة العربية السعودية والإمارات ومصر ولبنان والأردن وقطر وعمان والبحرين. وقد كان أول احتفال لستاربكس في الشرق الأوسط في شباط/فبراير من عام 2009 بالذكرى السنوية العاشرة لأول مقهى ستاربكس افتتح في سوق شرق - الكويت عام 1999م.






    محل لستاربكس في ليدز، بريطانيا.



  2. #2
    بروفيسور متميز الصورة الرمزية خيال الحب
    تاريخ التسجيل
    Dec 2001
    المشاركات
    6,085
    مزاجي
    Crappy
    قوة التمثيل
    575

    رد: ستار بكس

    السلام عليــكم


    ستار بكس انا بشكل يومي اقعد فيــه..

    مرات اخذ بلاك كوفي .. مرات عصير ليمون بالنعناع.. مرات فورابتشينو.. مرات هازرنت هوت شوكليت .. الخ

    مرة كنت مريض وشربت عندهم جاي اخضر خخخخ والله عجيب الصراحه ..


    صارت قعدتنا كلها في ستار بكس.. انا واخواني وربعي

    جربنا نروح كوفي ثاني .. بس ما عيبتنا الخدمه ولا الناس الي يشتغلون هناك

    صارلي تقريبا 3 سنوات وانا اقعد في ستار بكس ..

    وانا اشوف اسعارهم بحدود المعقول.. لا هي غاليه غاليه ولا رخيص

    ان مرت الايام فلم تروني فهذه مشاركاتي فتذكروني
    واذا غبت فتره ولم تروني اكون وقتها بحاجه للدعاء


    شكرا واحات بن دبي اداره واعضاء

  3. #3
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: ستار بكس

    انا اللي يبيع حفظ ويهي وحفظ انا شو يعيبني ..
    وقام ما يستغرب لو ارد عليه في اليوم مرتين ^_^!!

    اكثر شي يعيبني عندهم الفرابوتشينو لأني جربته في اكثر من كوفي طعمه مب نفس ستاربكس ..
    وبعد لأني متعود عليه في امريكا ..
    وهو اكثر كوفي شوب منتشر هناك حتى يوم سرت اوروبا كنت اكثر شي ادوره ..
    الأكل عنده طعمه فنان ..
    الساندويشات :
    ساندويش موزاريلا بانيني و grilled hallomi و فلافل راب و تشيكن راب
    الـ carrot cake اللي عندهم ألذ وحده لين الحين .. ( جربت كوستا - دوم -جاتو - كوفي بيين .. وغيرهم )
    الـ brownie بعد طعمها غير .. سواء الـ Marble أو الـ roxslide
    الكراميل مكياتو .. رهيب ..

    الفرابوتشينو .. white chocolate mocha احلى شي .. ويوم يسوون dulce de leche على طول اطلبه

    وفي امريكا اطلب الـ brulee latte .. والـ chocolate cupcake ..زياده على اللي فوق ..

    وفي سنغافوره مره جربت oreo brownie و oreo cheese cake.. رووووووووووعه ..
    وها كل اللي يعيبني عندهم ..

  4. #4
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ستار بكس

    خيال الحب، لازم يسون لكم خصومات حلوه ، على جيه

    يعني عندك نيرو كافيه يعطونك الكرت اللي يختمون فيه مثل صب واي ، آخر مشروب مجانا ، ومع هذا بقولك مب شرط يعيبك الكوفي

  5. #5
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ستار بكس

    مايهزك ريح ، انا عيبني كراميل مكياتو ، وآخر مره طلبته مووول مب شي ، أظن يعتمد حتى على الفرع !

    جربت عندهم هوت تشوكليت والوايت هوت تشوكليت ، ومن ايام جربت مثل دنيش بستري

    بس برع عندهم شغلات اكثر



    http://www.starbucks.com/menu/catalo...ct?food=bakery

  6. #6
    بروفيسور متميز الصورة الرمزية خيال الحب
    تاريخ التسجيل
    Dec 2001
    المشاركات
    6,085
    مزاجي
    Crappy
    قوة التمثيل
    575

    رد: ستار بكس

    ممم ماعتقد يسوون لنا خصم.. بس ممكن نقترح عليهم هالاقتراح ليش لا


    وبخصوص المنيو الموجود في الدول الاوروبية.. صدقك وايد غيييييييييير عنااا.. نحن عندنا كم من نوع وفرحانين فيهم

    ان مرت الايام فلم تروني فهذه مشاركاتي فتذكروني
    واذا غبت فتره ولم تروني اكون وقتها بحاجه للدعاء


    شكرا واحات بن دبي اداره واعضاء

  7. #7
    عضوية الدكتوراه الصورة الرمزية دموع قلم
    تاريخ التسجيل
    Feb 2003
    المشاركات
    2,985
    قوة التمثيل
    407

    رد: ستار بكس

    موضوع عجيب!

    دموع من محبي الكوفي شوبس ,
    وصحيح أن ستار بكس أشهرهم بس بنسبة لي
    أحب كل الكوفي شوبس بشكل عام ,
    يعني أحس كوستا وكاريبو كافيه بعد شغلاتهم حلوة ,

    بس المشكلة عندي هو ,
    وين كوفي شوب قريب من صوب خليفة في بوظبي ومو زحمة >< ؟
    أنا من جريب عرفت أن شي ستار بكس في شنغريلا
    اللي في بين الجسرين في بوظبي ,
    وهاللي عرفته وأجرب شي لمنطفة خليفة !

    أفيدونا ... :D
    ,


    ! ..This world will never be what I expected


    ,

  8. #8
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ستار بكس

    مرحبا دموع ، فروع ستار بكس اللي في بوظبي


    Abu Dhabi Airport (Kiosk) Abu Dhabi +971 2 5758780
    Abu Dhabi Mall Abu Dhabi +971 2 6454914
    Abu Dhabi Men's College Abu Dhabi +971 2 4433824
    Abu Dhabi Mens University Abu Dhabi +971 2 5860487
    Abu Dhabi Twin Tower Abu Dhabi +971 4 6430239
    Abu Dhabi Womens University Abu Dhabi +971 2 5860492
    Abu Dhabi Women’s College, Main HCT Cafeteria, Najda Street Abu Dhabi + 971 2 6426280
    Al Hilal Bank Abu Dhabi +971 2 6350980
    Al Nakheel Tower, Khalidiya St. Abu Dhabi +971 2 6670052
    Al Wahda Mall Abu Dhabi +971 2 4437197
    Blue Towers Abu dhabi +971 2 6429255
    Camellia Flower Abu Dhabi +971 2 6355542
    Hamdan St Abu Dhabi +971 2 6261001
    Khalidiya Mall Abu Dhabi +971 2 6354740
    Marina Mall Abu Dhabi +971 2 6815883
    Shangri-La Souk Abu Dhabi +971 2 5581641
    Standard Chartered Bank (Kiosk) Abu Dhabi +971 2 6359275

  9. #9
    عضوية الدكتوراه الصورة الرمزية دموع قلم
    تاريخ التسجيل
    Feb 2003
    المشاركات
    2,985
    قوة التمثيل
    407

    رد: ستار بكس

    اووه مشكور المزوحي ,

    بطالع وين الأقرب حق خليفة ,
    بس ماظن في كوفي شوب أقرب من اللي في بين الجسرين ,

    ^^
    ,


    ! ..This world will never be what I expected


    ,

  10. #10
    مـراقــب
    مـراقــب الواحة الـمـفـتــوحـة
    الصورة الرمزية الهيثــم
    تاريخ التسجيل
    Jul 2002
    المشاركات
    7,445
    مزاجي
    Cool
    قوة التمثيل
    638

    رد: ستار بكس

    بسم الله الرحمن الرحيم

    مرحبا بك مروان ،، أشكرك على فتحك لهالموضوع ،، لأنه البارحة طرا على بالي يوم كنت يالس ف الكوفي أذاكر مع ربعي ..

    الكوفي شوب ما يخفى عليكم إنه شي جميل سواء من ناحية المشروبات أو اليلسة أو الاجتماعات أو لقاء الأصحاب .. الخ ..
    ولكن إذا بتي ع الخدمات بتفرق من مكان لآخر ..

    ستار بكس أنا مقاطعنه من زمان لغاية في نفسي .. ما قمت أحب أسير له بسبة الزحمة الي عندهم ..
    يعني إذا بسير كوفي معناه عندي وقت فراغ ، وفي هالوقت أبا ارتاح فيه فـ مكان هادي ،، ليش أحشر عمري في وسط الزحمة .. بحكم طبيعتي ما أحب الزحمة موول

    شي كوفيات كثيرة ارتاح بـ اليلسة فيها ،، وتكون اماكنها هادية ..

    إذا بتي لـ موضوع الأسعار ،، طبعا مبالغ فيها وعلى قولتك القهوة ما تكلفهم شي .. ولكن مثل ما نسمعهم يقولون دوم ،، " إنت تدفع ع المكان "
    وفي شي ثاني قاهرني صدق سالفة الفاتورة . . يوم إييبلك إياها وهي 50.40 .. الحين خذ عاد على المصاخة الي تستوي ...

    فرضا وياك في المحفظة نوط بو 500 ،، و50 درهم ... يعني ما تسوى عليك تخرد الـ 500 عسب 40 فلس ..
    وتعطيه 50 درهم ،، تلاقيهم يموتون عليك على هالـ 40 فلس .. ويوم بتعطيه درهم .. بيرد لك 50 فلس .. وانا من حقي 60 فلس ..
    وهاي واايد تستوي في محطات البترول والكوفيات والمطاعم .. نحن نتغاضى عن هالأفلاس التافهة وتكون فوائد كبيرة في أرصدتهم .. احسب عاد ف الشهر كم يكسبون بسبة هالطريقة ..

    واشكرك عزيزي مروان على طرحك للموضوع ..
    ( ولسوف يعطيك ربك فترضى )

    ~

    الهيثـــم

  11. #11
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ستار بكس

    مرحبا خطاب، صح كل واحد حب شي معين ، أنا مرات ادخل كوفي معين

    بحكم إنه ماشي زحمه، وفجأة يدخلون ناس مزعجين

    زعلى طاري المطاعم والخردهن اليوم ربيعي يقو لإنه أمس سار مطعم

    وردوله دراهم وهو يقول شو هالحركات، قلت له ماتعرف السبب ؟؟

    عشان تستحي تشل الدراهم وتخليها لهم ، بس أنا ألبسهم وأشل كل

    الخرده ، وما اعطيهم بخشيش ، لأنه اغلب المطاعم ياخذون ضرايب

    وثاني شي نحن حياتنا استوت كلها برع ومطاعم ما اوبل اعطيهم

  12. #12
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: ستار بكس

    خطاب ..
    انا دايما تستويلي هالسالفه في كارفور .. فغياضا فيهم ادفع بالبطاقه .. خخخخخخخخخخ

    وعن الهدوء انا دايما اسير ستاربكس اللي في دبنهامز الدور الثاني مول الإمارات .. خاااااااااااالي
    وبعد اللي في دبي مارينا مول .. محد فيه غير 2 او 3 انفار .. ومحد يكون حاشر البقعه غيرنا .. ^_^!!

    انا بعد مثلك ما احب الصدعه ..

  13. #13
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ستار بكس

    مايهزك ريح حتى ديره ستي سنتر ، فيه دبنهامز ، وشي ستار بكس فيه

    ومن غير شي 2 في نفس المركز ( اللي جريب السينما ، والثاني جريب الفود كورت )

  14. #14
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: ستار بكس

    أحب يلسة الكوفي شوبس // ستـار بكس خصوصا نظرا لوجوده في الداون تاون عندنـا ( قووولي ما عندكم غييره وريحيينــا )

    تبووون الصدق عااد ستاربكس ررربح من ورا أهــل رااكـ لأنه كـان الوحيد اللي ممكن كبنــات نيلس فيه عشان ديزاين الكورنر (بس خيال بيفهمني ) - طبعا السيرات تكووون الظهـــــر او الصبح عشان الهـدوء و البعد عن عيووون الفضوليين - أما بـاقي الأوقــات أبدا ما تصلحلنــا ..

    أما حــاليا ابشرركم زاادت عدد الكوفيــات (وفرحاانه أوي ) .. بس ما تعدل الوضع بخصوص الوقت .. شبابنا الراقيين مسويلنا زحمة

    عمومـــــــا .. ستاربكس قاطعته عقب ما نط عرررج العرووبة فيني .. قوولي قااطعتيه عقب مقارنات مع كوفيات ثانية مثل كوستا و نيرو ..

    وعموما يختلف ستاربكس من إمارة للثانية ومن كوفي للثــاني بعد .. اللي عندنا مشرووباتهم مااي و ثلج .. لا طعم له و لا رااائحة (خيــــال اظني بتحررررم تسيره )

    المهم استمتعنــــــا في ستاربكس وكانت لنا يلسـات حلوووة .. فيه ذاكرنا و فيه خططنـا لأحلام و رحلات و مشــاريع .. فيه اجتمعنا مع مدرساتنا - أيام الكلية طبعا - و بعدنا يوم نمر هنااك نلاقيهن ماشالله - و جمــاله في هدووءه و خصوصيته -

    وتسلم يالمزوحـــي //
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  15. #15
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: ستار بكس

    صح نسيت أقووول // ستاربكس فتح فرع في مديرية بووظبي أظــن ..

    حبيت الفكرة و جااان أغــــــــــار .. أوووف لو يفتحوولنا في المداارس ،، كل يوووووووم بـــداوم
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ستار اكاديمي 2
    بواسطة قلب الوصال في المنتدى واحة الفضفضة
    مشاركات: 3
    آخر مشاركة: 12-01-05 ||, 03:40 AM
  2. ستار اكادمي
    بواسطة العيناوية الصغيرة في المنتدى واحة الفن و الهوايات
    مشاركات: 14
    آخر مشاركة: 22-02-04 ||, 01:17 AM
  3. ما هو ستار اكادمي؟؟
    بواسطة بنت الزين في المنتدى واحة الفن و الهوايات
    مشاركات: 9
    آخر مشاركة: 10-02-04 ||, 10:04 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •