أحب يلسة الكوفي شوبات ،،، لكن من كثر سفراتي بديت أحس إنه الكوفي شوبات اللي عندنا بصراحة ولا شي مقارنة باللي يلست فيها في الخارج ،،،

وأنا أتكلم هنه عن الخدمة ،،، وطعم الكوفي ،،، ونوعيات من الأكلات المقدمة ،،، يعني مثلا لو الواحد يحب يشرب كوفي لاتيه ،،، لين اليوم ما ذقت أحلى من اللي ذقته في مطار سانغافورة ،،،

بخصوص ستار بوكس ،،، أنا حطيت عليه إكس ،،، خصوصا بعد ما كلت كيك الشوكولاته عندهم ،،، وكان في فرع أبراج الإمارات ،،، بصراحة لوع بجبدي ،،، والكوفي كان ماصخ لدرجة إني ما شربته ،،،

وأنا دايما أقول ،،، كله يعتمد على الشخص اللي يسوي الخلطة ،،، يعني أحيانا بتحصل مكان يضبطونها ،،، وفي مكان موووول ما يضبطونها ،،،

أسعارهم اشوي مرتفعة مقارنة بالكوفي شوبات الثانية ،،، والأكل المعروض عندهم أحسه لشخصين مب شخص واحد !!!