اليـوم وصلنـي أنــه مسـوين فريق تطوّعــي واللي يعرف يغوص ويبا يتطوّع ..
 يتصل أو يضيف بن كود ويسجل اسمـه ..
وبيسيرون الليـلة الساعه 9 . . .
اللـه يستــر =(

.
.

هذه القصيده كتبها الشاعر : ماجد بن سلطان بن علي الخاطري
في ظل ظروف غياب سمو الشيخ أحمد بن زايد آل نهيان. الله يحفضه وين ماكان.


حزن وترقب والعرب في ملاله ..والانتظار إيزيد نار اشتعاله.
 نترقب الاخبار من كل مصدر .. والحال مزري ما نطيق احتماله.
 مزيج م الآمال واليأس فينا .. وندعو إله العرش جل جلاله.
 ندعوه بقلوب ن بها الهم خيم .. والأمر بيد الله والفال فاله.
 الشيخ احمد قد له أيام غايب .. وشعب الإمارات بعنا ينرثاله.
يالله يالمعبود تقبل دعانا .. وتنجي ولد زايد عريب السلاله.
 وعيال زايد من يلوم بغلاهم .. يلومه الخلاق مكثر هباله.
 وعيال زايد غير عن كل خلقه .. من طبع زايد شاربين وخصاله.
 لو تنفدا الأرواح نفدا ثراهم .. أهل الوفا والطيب وأهل الجماله.
 يالله تشملنا بعطفك إلهي .. ويرجع لنا احمد بخير وسهاله.
 مانعترض حكمك ولكن لطفك .. في شعب كثر الهم يعصف بحاله.
 الدار في ضيق اتخبط كئيبه .. ولابه خبر شافي ولاشي دلاله.
 مافي يدينا غير ندعو بحرقه .. وهذا نحن نرقب بحزن وملاله.