مـــردف - ســــتي ســـنتر

[المزوحي]

السلام عليكم

بمناسبة افتتاح مردف ستي سنتر ، حبيت انقل لكم بعض المعلومات ، بالنسبة للي مازار المركز للحين وحاب ياخذ فكره ..


طبعا المركز كبير، تقدرون تقولون يشبه مول الامارات ويمكن أكبر ، واكيد يباله وقت لين ماتتعودون على المداخل أو مكان

المحلات ...


طبعا توقيت المركز من الأحد لحد الأربعاء من 10-10 أما الخميس للسبت من 10-12


عندهم كارفور





http://carrefouruae.com/storedetails...en&country=uae

وممكن تحصلون مواقف جريبه من كارفور ، من المدخل الشمالي P1 و P3


سيني ستار سينما تفتح من الساعه 10-1 في الليل


http://www.cinestarcinemas.com/English/Default.aspx

من المدخل الجنوبي في الطابق العلوي ، المواقف الجريبه P1 و P2 وفي نفس المنطقه FitnessFirst

http://fitnessfirstme.com/home.aspx


للترفيه

(عندكم ماجيك بلانيت + آي فلاي + بلاي نيشن + سوكر سيركس + بولينج )

كلهم في الطابق الأول ، المدخل الجنوبي، وشي مدخل كذلك من دبنهامز


بالنسبة للمصلى شي للرجال والسيدات في الطابق الأول ، جريب من هوم سنتر ، وردهة المطاعم الشمالية وأكوا بلاي



معظم المحلات فاتحه ... وإذا تبون تعرفون شي زياده لاترددون بالسؤال


اخليكم مع الصور، والسموحه لأنها مب واضحه وماقدرت أصور زياده



..
.
.
.
.
يــــــــــــــــتبع ...


.
.
.
.

[المزوحي]

الطريج لــمردف ســتي ســنتر من الشارع الداخلي ، واللوحه تبين وجود عدة مواقف للسيارات ، ممكن تاخذون يمين او تكملون

سيده


[IMG][/IMG]



وطبعا انا اخترت إني ألف يمين


[IMG][/IMG]

الصوره تبين مواقف P1 وممكن تكملون سيده، شي مواقف ثانيه برع المركز


[IMG][/IMG]


المواقف تشبه مول الامارات




وهذا المدخل الجنوبي ، جريب من دبنهامز









هالمحلات مجابله كــارفور





ســنتر بــوينت




و





عندهم كوفيات ، ويبين من بعيد Paul



بتلاحظون المركز مغيرين في الصقف والأرض من الديكورات









محل أثاث للأطفال، لأول مره في الشرق الأوسط




ممر لباقي المحلات





مطاعم




منطقة ألعاب للأطفال






وآخر صوره تبين جزء من المركز






والسموحه مره ثانيه، كنت أتمنى إنه الموضوع يكون أفضل من جيه ، بس التصوير كان على السريع

[بحر الموده]

وعليكم السلام ورحمة الله وبركاته
اخوى المزوحى مبروك عليكم افتتاح مردف ستى سنتر العجيب
ومشكور على هاى التغطيه الحلوه منك ..والصراحه المركز من الصور يبين انه فنان
والاحلى انه الكارفور كبير وتقدر تاخذ راحتك فيه .. انا احب اتسوق دوم فى الكارفور خبرنى وين اقرب مواقف
وكيف الجو داخل انعشى بارد ولا غربى حار خخخخخخ شرات كارفور عيمان
وماقصرت

[ذنـيـنـي]

سرتله ويا كلكلووش اول يوم
بصراحه حلو اذا الواحد بيسير يتشرا

اغلب المحلات الي فيه متوسطة المستوى
يعني مب مثل دبي مول, اغلب المحلات الي فيه هاي كلاس

[المزوحي]

الله يبارك فيك بحر الموده ، بصراحه مادخلت كارفور، مريت من صوبه بس

وأنا كنت ناوي أنزل تقرير عن المول، لكن ماصار إني أصور صوره حلوه وواضحه ومرتبه ..

فقلت أنزل هالصور على الأقل ..

طبعا اقرب موقف لكارفور من المدخل الشمالي - مواقف P1 وحتى لو دخلت من صوب سنتر بوينت بتمشي شويه

وبتحصله ..

[المزوحي]

ذنيني ، صح في محلات يديده ، وفي نفس الوقت المحلات اللي تحصل فيها كل شي من الألف للياء

من لبس واكسسوارات - حق daily use

[المزوحي]

الكــوفيات الموجودة في الطابق العلوي

chocolate bar

bateel cafe

borders coffee shop

caffe nero

costa coffee

gloria jean's coffee

patisserie valerie



الكــوفيات الموجودة في الطابق الأرضي


cafe havana

caffe ristretto

paul cafe

more cafe

starbucks

[أنامل قلب]

تسلم عالمعلومات أخوي المزوحي ، وبالعكس الصور حلوه والعرض وفيت فيه ،،
امممم مادري فيهم الأهل جان ناويين يسيروله ، بس اظني بننطر ليـ تخف الزحمه عليه ،
اووو يفضل لو نسيرله الصبح بالويكند ، بس خل المعاشات تنزل قبل ..





ربي يوفجك ..

[المزوحي]

انامل انا على اساس انزل موضوع مرتب مع صور كثيره ، بس يمكن عقب اسبوعين ، وفي نفس الوقت قلت يمكن حد يبغي يسير


وياخذ فكره ، فنزلت الموضوع بسرعه وبشكل عام


ويوفقج انامل

[وردة روز]

أحلـــى شي فيـــه (عشقي) مطعــــم تونــــي رومـــــاس ،،،

أحــــب أتلذذ بالإستيكــــــات ،،،

شكرا على الصور عزيزي ،،،

[المزوحي]

الله يسلمج وردة روز

زين عندهم توني روماس الطابق الارضي

[وردة روز]

الله يسامحك

أنا واحد مب وحده

[المزوحي]

السموحه ، ماعرفت

خلاص اخويه وردة روز

[وردة روز]

ولا يهمك الغالي

[المنصوري]

يعطيك العافيه يالمزوحي

بس ما احب المولات