سعيدة أنامل قلب اليوم جدا ،
لأني شفت أحدهم وخذت معاه بالكلام "شويه بس" ،
وهالـ "شويه بس" تركت أثر كبييــــر ووسيييـــع وجد طيب فوق ما تتصورون ..
أهو ريال عــــوووود ، وبملامحه كل القصص وكل الحكايا وكل التفاصيل الطيبه ،
رفيج أبوي من الصغر ودومه ما كان يقصر فيه ، بس لمن شفته حسيت صدق بقدره ..
سعيدة أنا وايد ، والرب شاهد ،
على كثر ما أحب الشياب والعيايز ، بس ما مر علي أحد حبيته لهالدرجة ،
ملامحه مادري شلون صايره ، حجمه ، طوله ، ابتسامته ، النور اللي حسيته بويهه ،
طيب كلامه وشلون اسلوبه ودي بالتعامل ، شلون يشوفنا وكأن نحن عياله ..
ياربي ، كلمة [ سعيد أنا ] اهني ، صدق ما تسدني !..
~
ربي يحفظه ويعافيه دنيا وآخره ، ويسلمه ويكرمه ،
ويغرقه برحمته ، ويجيب كل دعاويه ، ويسر خاطره باللي يشتهيه ،
ويرضا عنه ويرضيه ، ويذكره عنده بالسماء كـ حبيب أحب ذكره سبحانه ..
يالله يارب ، صدق مادري كيف أوصف اللي فيني وبـ شو حسيت ،
وبـ شو لازلت حاسه ،
فيني صيحه من وناستي ..!
رد مع اقتباس
المشاركة الأصلية كتبت بواسطة أنامل قلب
مواقع النشر (المفضلة)