. . . اعترافاتكـم ،، فضفضـاتكـم . . .

[حلم الطفوله]

أعترف

كلامك وايد حز بخاطري

[المزوحي]

اعترف إني احتاج مساج هالفترة

[حلم الطفوله]

أعترف

سبحان الله كان بيني وبين المووووت شعره

الحمد لله

[دمعة شوق]

^
الحمدالله ع السلامه ياحلم
الحمدالله يارب ،

~

اعترف
بان صورة خلفية فوني تدفعني لهم !

اعترف
ولهت ع ماماه وااايد :(

اعترف
هالويكند أتمنى يكون ويكند جميل ،
واخلص شي فيه من الأشغال اللي عليّ

اعترف
كم خاطري اكون متواجدة عندهم

اعترف
ان العمر واحد ، والواحد مابيعيش عمره مرتين ، فاستمتعوا فـ كل لحظه انتوا فيها 3>

[شوق القلوب]

اتصدقون...

كرهتوووني بالمكان !

[نجمة دبي]

اعترف.
اني مقهوره وأيد
‏​فيَےّ ناس يطرشون لي رسائل
ويوم ابغي أرد عليهم
م̷ـَٱ يستوي لأن الرسائل فل عندهم


ضغطي مرتفع

[دمعة شوق]

اعترف
انقهرت اليوم من ذاكرتي !!
تخوني في اعز حاجتي لها !!!

اعترف
احب عدادي ولد ختيه وايد

اعترف
لا معنى للصداقة هذه الأيام !!

اعترف
احس بتأنيب الضمير ،

اعترف
ترى بعض البشر مجرد حثآله
مهمآ تسوي مآيثمر الطيب فيها
نيتك بيضآء ونوآيآهم زبآله قلوب
مريضه عسى ربي يشآفيها

[قصايد غلا]

أعترف إنهم يبوني أفشل لكن ربّي ويايه


اعترف إنهم ما يستحقون كل دقيقة ضيعتها وياهم .. المصيبة إنهم وااايد مبدعين في التمثيل
و أخس شي إنه ايي حد يغلط عليكم و عقب ينشر القصة عند كـــل حد
صدق ما اعرف شو أقول

أعترف إني في وقت صـــعــــب
الله لا يحرمني من أمّيه اللي واقفة ويايه قد ما تقدر

أعترف إني وايد ضايجة
الله يفرجها عليّه

[دمعة شوق]

^
ربي يفرجها عليج ويسرلج كل أمورج
ويخليلج ماماتج =)

[الا انا]

.^

الله يفرج همج يا قصووده ><


..

دمعه

^


اعترف
ترى بعض البشر مجرد حثآله
مهمآ تسوي مآيثمر الطيب فيها
نيتك بيضآء ونوآيآهم زبآله قلوب
مريضه عسى ربي يشآفيها


100% صح ><




اعترف

كرهت الدراسه حبتين ><


والله سخافه >< باجر من فير الله ... بنسير وادي الوريعه عشان تصوير وخرابيط >< افففففففففففففففففف شهالحاله ... عشان نحترق بالحر افففف غصب غصب بلوه هالكلاس >< كرهت التصوير منه هالافريقي >< اف


:


كل شي صاير ملل والروتين يلوع بالجبد ><

:

كل حد متغير .. ومحد ويه ثقه ابد .. وشي ناس صج مب كفووو احد يعبرهم ولا يعطيهم سالفه !!

:

اكره يوم احد ينصح غيره والشخص نفسه يباله من ينصحه !! او انه ينسى ينصح عمره ..!!!

><

استغفر الله ><

من الصبح ... من اول ما اطلع من الخور لين ما اوصل الكليه ..< وانا ضغطي يرتفع وتصير اعصابي فلللللللللل وحالتي حاله ><
ماحب زحمتهم .. اموت .. غجر >< اتم تعطي ديم لين ما تطلع روحك والي يدامك < حرمه ولا هندي يمشون ع راتهم والدرب فاضي < زين سيري سيد المين اف ><

...

[مــهــابه]

قصووودتي:
لاتندمييين ع شي ، آنتي فالحالتين مش خسرانه شي..
اعتبريه درس وتعلمتي منه اشيـا ، تجنبيها عقب ~..
ابد لاتزعلين ولاتتضيقين من حد ولازم تگونين شرات ما اقول انا :
" توقعي اي شي من اي حد "

عسب ماتنصدمييين، اي حد اي حد بلا استثنااااء

وربي يفرجها عليييچ


.




.


( آعترف ) :

آتمنى ربي يحقق لي الشي اللي تمنيته وحلمت به طول عمري ..


( آعترف ) :

مستحيييل اعطيهم فرصه انهم يرمسون فيّه، يمگن طيبه لگني مش غبيه ابد..

( آعترف ) :

گل شي اسويه لجل عينه، اضحي ، اتجاهل ، اطنش ..

اللي ترگ كل شي عشآني ، آبييييع الدنيا واطلب رضاااه..

( آعترف):

أغليه .. وأخافه .. وأحبه .. وأداريه
وأخاف لا أفقد دهشتي في اكتشافه
على كثر ما أبيه وأتعب وآنا أبيه
ما قد شكيت لغيمته من جفافه

[وردة روز]

أعترف ،،،

أدركت اليوم أنه فعلا: لا لا لا ،،،

[دمعة شوق]

اعترف
الدنيا حلوة بوجود اللي نحبهم في حياتنا

اعترف
افداج ياجنتي وناري ، كم ولهت عليج ؛(

اعترف
ولهت على كوكو و دودو ؛(

اعترف
مااحب يوم اكون بهالحالة ضيق و مالي خلق لشي ايي حد ويزيدني
احس أني على الدقه

اعترف
ودي اروح للبحر ^^

[حلم الطفوله]

أعترف

شكرا من كل قلبي :)

[مناير]

أول اعتــراف..

اعتـــرف اني استانست بسفرتي العلميه لــ كنـــدا كانت رووووعه وبكمّلها ان شاء الله في الصيف والأحلى
اني خذت في هالكورس البسيط A

ثانــي اعتــراف..

مستانسه مل خاطر ظهرت نسبتيه 98.7% الحمدلله ياربيه كنت اطمح لــ 99% بس الله يسامحه الفزكس نزلت فيه بس بعوضها تيرم 3 ان شاء الله..

ثالـث اعتــراف.. بخلــيه ليومـــه الله يكتبه عاجلا غير اجلا....