رد: . . . اعترافاتكـم ،، فضفضـاتكـم . . .
صباااح الخير
اعترف :
اني انسانه كذابه اكيد بتقولون كيف وحده تقول عن نفسها
كذا ؟؟؟
انا اكذب ايه اكذذذب وكثثثثثثثثثثير بعد
بس تدرون بشنو اكذب
اكذب لا احد سالني وقالي كيفك ؟
ارد عليه واقول له تمام
واضحك معه واجلس اسولف واقوول له تراني
" حييييييييييييل مبسوووطه "
وابتسم له ابتسامه كذابه عكككككس اللي بداخلي
داخلي حززززززن عجزت امحيه
انا يتيمه الاب عايشه مع اهل امي ماعنندي لا اخوان ولا خوات
صحيح امي معوضتني عن الدنيا ومافيها
لاكن مستحيل تعوضني عن حنان الاب اللي فقدته
ليته ع كذا وبس
انا تخرجت من الثانوي توني
وكل صدمات عمري ومشاكلي جت ايام المراجعه قبل هالامتحانات
جتني صدمه مستحيل انساها بيوم
من اعز ناسي يقول لي حنا مو اهلك روحي لعمك
هو اصرف لك وطلع عني كلااام جرحني حيل وانا وربكم ماقلت له شي
يبي يطلع من البيت وركب سالفه علي عشان يقول هي طلعتني < يقصدني
يحلف ان نيتي كذا ويحلف اني سويت اللشي اللي وربي ماسويته
اكيد تتسائلون منو هذا ؟ هذا للاسف خالي اللي عشقته بيوم
ولاحظوا اني قلت بيوم لان اللحين كل ذره حب وعشق بداخلي له
تحوولت صرت اكرررهه ماحبه ما اواطنه
تدرون مابي اشوفه لان لا شفته ماحس بنفسي
الا ودموعي ع خدي
والله انجرحت منه جرح مابحياتي انساه
انا انسانه. حساسه وامي كانت تداريني ماكنت اتوقع بيصير لي كذا
يجي هو يسوي كذا
غير اشياء ثانيه وثانيه
~~~~~~~~~~~~~~~~~~~
عرفتوا ليه اكذب ولا اقول ؟
اكذب لان فيه نااس حوالي يستاهلون اني اخبي حزني بداخلي واظهر لهم
اني مبسوطه لانه لو تكلمت بيتكدرون معي ويتضايقون
وانا مابي هالشي ابيهم دايم الدوم مبسوطين
انا احاول اني انسي بس كل مانسيت
طلعت لي سالفه ثانيه
حياتي مو مرتاحه فيها الا لشي
الله رزقني ب ام وخالات وصديقات مايتعوضون
وعشانهم انا احاول اكون من برا ومن داخل واحد
بس احيان تصدقون اكذب ع نفسي بعد
واقول اني نسيت كل احزاني وانا مافيني شي عادي
اضحك واستانس لاكن لا صرت لحالي مافي شي يشغلني بعيده عن الكل
هبت احزاني بوجهي و دموعي تناثرت ع خدي
ااااااااااااااااااااااااا اه حاولت اوضح لكم الصوره
بس ماقدرت لان فيه اشياء. ثانيه ماقدرت اعبر عنها
بس قررت اني بين فتره وفتره بدخل هالموضوع واكتب كل اللي بخاطري اوك
نفسي احد ما اعرفه يجي ويكتشفني
يعرف اللي بداخلي كككككككله
ويحكم علي و يخبرني انا وش فيني
تقبلي اطالتي
" ادمنت طاريك "
مواقع النشر (المفضلة)