"اعترف لك ما بقى من عالي الهمه سفوح
انحدر كلي كما طفل تحدر مدمعـه
من يبي بالله يفتح لي غلق صدره و ابـوح
ضاقت الدنيا بشاعر طيب قلبه ضيعـه
ما قبلنا الحظ قولي وين ابارحل ويـن اروح
الصبر يا هو يعذب و الاماني موجعـه
اه يا جود الحزن وياي و الفرحه شحوح
ضايع بهمومي الغبرا بوسط المعمعـه
اشتكي لوسادتي دنيـاي واسمعهـا تنـوح
كنها بعضي وبعضي وين هو من هو معـه
ايه انا و العالم المغرور و اليـاس اللحوح
خايض حرب الرياح اللي تسوق الاشرعه
مختلط في عبرتي حبر الشقى ودم الجـروح
ومستوي في نظرتي غرب الوجود و مطعـه
عودي المبري بقى به من عطايا الوقت روح
وفصل خامس حاير بين الفصول الاربعه"
.
.
مواقع النشر (المفضلة)